embed embed2
  • Home Remedy At Mga Dapat Iwasan Na Gamot Kapag Masakit Ang Tiyan

    Narito rin ang ilang uri ng stomach ache at ang mga posibleng dahilan nito.
    by Jocelyn Valle .
Home Remedy At Mga Dapat Iwasan Na Gamot Kapag Masakit Ang Tiyan
PHOTO BY iStock
  • Halos pangkaraniwan na ang pananakit ng tiyan, pero minsan sintomas na pala ito ng mas malalim na kondisyon. Maaaring subukan muna ang home remedy sa stomach ache nang malaman kung bubuti ang karamdaman bago mag-alala at mabahala.

    May ilang uri ng stomach ache at ang mga posibleng sanhi nito. Kung ang pananakit ay may kasamang pagbigat at paglaki ng tiyan, baka kabag ito. Kung masyadong nabusog at nakakaramdam ng heartburn, baka hindi natunawan ng kinain (indigestion). 

    Kapag hirap sa pagdumi, constipation marahil ito. Pero kung panay naman ang pagdumi na halos tubig na ang lumalabas, habang nagsusuka at masama ang pakiramdam, maaaring diarrhea o di kaya food poisoning

    What other parents are reading

    Home remedy sa stomach ache

    Sa banayad pa lamang na pananakit ng tiyan, may ilang suhestiyon ang mga eksperto para maibsan ang stomach ache.

    Uminom ng tubig o iba pang clear fluids

    Iwasan muna kumain ng solid food. Kung nagsusuka, ang payo ay maghintay ng anim na oras bago simulang kumain ulit nang paunti-unti, halimbawa ng crackers. Huwag munang uminom ng gatas at kumain ng produkto mula dito.

    ADVERTISEMENT - CONTINUE READING BELOW

    Kung ang kirot ay nasa itaas na bahagi ng tiyan at nangyayari pagkatapos kumain, maaaring makatulong ang antacids, lalo na kung nakakaramdam din ng heartburn o indigestion. Tigilan muna ang mga pagkaing maasim, may sanggap na kamatis, prito o mamantika, at puro taba, pati na rin ang mga inuming may caffeine, alcohol, at carbonated.

    CONTINUE READING BELOW
    Recommended Videos

    Iwasan ang mga ilang gamot

    Huwag munang uminom ng aspirin, ibuprofen, o iba pang anti-inflammatory medications at narcotic pain medications. Puwera na lang kung nireseta ang mga ito ng doktor. Kapag ang pananakit ng tiyan ay walang kinalaman sa liver condition, maaaring subukan ang acetaminophen. 

    What other parents are reading

    Gumamit ng hot compress

    Hindi mo kailangan palagi ng hot compress bag. Maglagay lang ng mainit na tubig sa boteng babasagin, takpan ito, at ipatong sa sumasakit na tiyan. Magpahinga nang husto.

    Uminom ng ginger tea

    Maraming benepisyong hatid ang luya, kabilang na ang sakit sa tiyan. Ilaga ang ilang piraso ng luya at gawin itong salabat.

    ADVERTISEMENT - CONTINUE READING BELOW

    Ngumata ng menthol mint

    Napag-alaman sa isang research na tradisyonal na ginagamit ang mint laban sa indigestion, diarrhea, at kabag sa mga bansang Iran, Pakistan, at India.

    Haluan ng kaunting cinnamon powder ang inumin o pagkain

    Nakakatulong daw ang cinnamon sa pagtanggal ng hangin sa tyan at hatid nitong pananakit at pamamanas. Mayaman kasi ang cinnamon sa antioxidants at iba pang substances na nakakabawas ng stomach acidity.

    What other parents are reading

    Uminom ng juice mula sa katas ng aloe vera

    Lumabas sa isang study na ang mga taong uminom ng 10 ml ng aloe vera juice araw-araw sa loob ng apat na linggo ay nakaramdam ng ginhawa mula sa heartburn, flatulence, belching, nausea, vomiting, at acid/food regurgitation.

    Uminom ng buko juice

    Ang kailangan na buko juice ay iyong puro at walang halong gatas at asukal. Mayaman ang tinatawag ding coconut water sa potassium at magnesium, na makakatulong sa pagbawas ng kirot at hilab sa tiyan. Nakaka-hydrate din ito, lalo kapag nakakaranas ng diarrhea.

    ADVERTISEMENT - CONTINUE READING BELOW

    Kumain ng saging

    Nakakalma ang saging ng tiyan at nakakatigas ng dumi kapag may diarrhea. Ang taglay nitong vitamin B6, potassium, at folate ay maaari ding makatanggal ng pananakit, paghihilab, at paninigas ng muscles.

    Kapag hindi gumaling dahil sa home remedy sa stomach ache, magpakonsulta na sa doktor. Ang biglaang pananakit sa lower right-hand side ng tiyan, halimbawa, ay maaaring tanda ng appendicitis.

    Malamang na kidney stones naman kung ang kirot mula sa tiyan ay bumaba sa may groin area at nahihirapang umihi.

    Isa pang babantayan ang gallstones, lalo na kung ang kirot ay sa gitnang parte ng tiyan o nasa ilalim ng tadyang sa kanang bahagi.  

    What other parents are reading

View More Stories About
Trending in Summit Network
View more articles