embed embed2
May 8 Uri Ng Vitamin B: Paano Malalaman Kung Meron Kang Deficiency
PHOTO BY Shutterstock
  • Editor's Note: Ang sumusunod ay for educational at informational purposes lamang. Huwag pong gamitin ito na kapalit ng doktor. Mahalaga na kumunsulta sa doktor para sa medical advice na bagay sa pangangailangan mo.

    Kung hindi umuubra ang home remedy para pamamanhid ng kamay o di kaya pababalik-balik ang pangangalay, pamamanhid, at pakiramdam ng tusok-tusok sa kamay, baka vitamin B defiency ang dahilan. Ibig sabihin, may kakulangan ang iyong katawan sa vitamin B o hindi sapat ang nakukuha mo na ganitong bitamina mula sa pagkain.

    Tumutulong kasi ang vitamin B sa maraming klase ng enzymes, o mga protina, na gawin ang kanilang mga tungkulin. Kabilang dito ang pagpapakawala ng energy galing sa carbohydrates at fat; pagtutunaw ng amino acids; at pagdadala ng oxygen at nutrisyon na hitik sa enerhiya sa buong katawan.

    Mga uri ng vitamin B

    Mayroong walong B vitamins na may kanya-kanyang katangian at tungkulin, ayon sa  Harvard School of Public Health. Ang kakulangan sa isa o higit pang bitamina ay maaaring magdulot ng problema sa kalusugan.

    B1 (thiamin)

    Malaki ang papel na ginagampanan ng thiamin (o thiamine) sa paglago at pagkilos ng iba-ibang cells sa katawan. Pero kaunti lang ang naiimbak ng ganitong bitamina sa atay (liver), kaya kailangang araw-araw nakakakonsumo ng mga pagkaing mayaman sa thiamin.

    Mga halimbawa:

    • Karneng baboy (pork)
    • Isda
    • Breakfast cereals na hinaluan (fortified) ng mga bitamina
    • Beans, tulad ng lentils
    • Berdeng gisantes (green peas)
    • Pinasustanya (enriched) na cereals, tinapay, kanin, noodles
    • Sunflower seeds
    • Yogurt

    Narito ang Recommended Dietary Allowance (RDA):

    • Para sa mga kalalakihan na may edad 19 pataas—1.2 mg kada araw
    • Para sa mga kababaihan na may edad 19 pataas—1.1 mg kada araw
    • Para sa mga buntis at nagpapadedeng nanay—1.4 mg kada araw
    ADVERTISEMENT - CONTINUE READING BELOW

    Kung madalas at masyadong nagkukulang, o deficient, ang katawan sa thiamin, maaaring mauwi ito sa mga problema sa utak at puso na nangangailangan ng tuloy na tuloy na supply ng energy.   

    B2 (riboflavin)

    Ang riboflavin ay pangunahing parte ng coenzymes na responsable sa paglago ng cells, pagawa ng energy, at pagtunaw ng fats, steroids, at kung anu mang gamot ang iniinom. 

    Mga halimbawa ng mapagkukunan ng riboflavin:

    • Gatas
    • Yogurt
    • Keso
    • Itlog
    • Karne ng baka at baboy, puwera ang taba (lean beef, pork)
    • Lamang-loob (organ meats), tulad ng atay ng baka
    • Pecho ng manok (chicken breast)
    • Salmon
    • Fortified cereal at bread
    • Almonds
    • Spinach

    Narito ang RDA:

    • Para sa mga kalalakihan na may edad 19 pataas—1.3 mg kada araw
    • Para sa mga kababaihan na may edad 19 pataas—1.1 mg kada araw
    • Para sa mga buntis—1.4 mg kada araw
    • Para sa mga nagpapadedeng nanay—1.6 mg kada araw

    B3 (niacin)

    Nagtatrabaho ang niacin sa katawan bilang coenzyme sa higit 400 na enzymes. Tumutulong itong gawing energy ang mga sustansyang nakukuha ng katawan; gumawa ng cholesterol at fats; gumawa at magkumpuni ng deoxyribonucleic acid (DNA); at paigtingin ang antioxidant effects.

    Mga pagkaing may taglay na niacin:

    • Karneng baka at baboy, pati na atay ng baka
    • Manok at produkto ng manok (poultry)
    • Brown rice
    • Fortified cereals at tinapay
    • Nuts, o mani, seeds
    • Legumes, tulad ng beans, green peas, at lentils
    • Saging

    Narito ang RDA:

    • Para sa mga kalalakihan na may edad 19 pataas—16 mg NE kada araw
    • Para sa mga kababaihan na may edad 19 pataas—14 mg NE kada araw
    • Para sa mga buntis—18 mg NE kada araw
    • Para sa mga nagpapadedeng nanay—17 mg NE kada araw
    ADVERTISEMENT - CONTINUE READING BELOW
    Recommended Videos

    B5 (pantothenic acid)

    Ginagamit ang pantothenic acid sa paggawa ng coenzyme A (CoA). Isang chemical compound ang CoA na tumutulong sa enzymes na magtatag at tumunaw ng fatty acids, pati na sa gawaing metabolism. Bukod sa CoA, ginagamit ang pantothenic acid sa paggawa ng acyl carrier protein, na siya namang tumutulong sa pagtatag ng fats.

    Mga pagkaing may taglay na pantothenic acid:

    • Fortified cereals
    • Organ meats, tulad ng atay at bato (kidney) ng baka
    • Karneng baka
    • Pecho ng manok
    • Mushrooms
    • Avocado
    • Nuts, seeds
    • Gatas
    • Yogurt
    • Patatas
    • Itlog
    • Brown rice
    • Oats
    • Broccoli

    Narito ang RDA:

    • Para sa mga kalalakihan at kababaihan na may edad 19 pataas—5 mg kada araw
    • Para sa mga buntis—6 mg kada araw
    • Para sa mga nagpapadedeng nanay—7 mg kada araw

    B6 (pyridoxine)

    Ang active coenzyme form ng pyridoxine ay tinatawag na pyridoxal 5’ phosphate (PLP), na siya ring pangkaraniwang ginagamit na pagsukat sa vitamin B6 sa dugo. Tinutulungan ng PLP ang higit sa 100 enzymes na gampanan ang kani-kanilang mga gawain.

    Kabilang dito ang pagtunaw ng proteins, carbohydrates, at fats; pagmintina ng normal levels ng homocysteine (kapag masyadong mataas ito, maaaring magkaroon ng sakit sa puso); at pagsuporta sa immune function at brain health.

    Mga pagkaing may taglay na pyridoxine:

    • Atay ng baka
    • Tuna
    • Salmon
    • Fortified cereals
    • Garbanzos (chickpeas)
    • Manok at produkto ng manok
    • Gulay na berde at madahon, pati na mga prutas na saging, papaya, at oranges

    Narito ang RNA:

    • Para sa mga kalalakihan na may edad 14 hanggang 50—1.3 mg kada araw
    • Para sa mga kalalakihan na may edad 1 pataas—1.7 mg kada araw
    • Para sa mga kababaihan na may edad 14 hanggang 18—1.2 mg kada araw
    • Para sa mga kababaihan na may edad 19 hanggang 50—1.3 mg kada araw
    • Para sa mga kababaihan na may edad 51 pataas—1.5 mg kada araw
    • Para sa mga buntis—1.9 mg kada araw
    • Para sa mga nagpapadedeng nanay—2 mg kada araw
    ADVERTISEMENT - CONTINUE READING BELOW

    B7 (biotin)

    Mahalaga ang papel ng biotin sa pagtulong sa enzymes na tunawin ang fats, carbohydrates, at proteins mula sa pagkain. Tumutulong din ito sa pag-ayos ng pagpapadala ng signal mula sa cells at pagkilos ng genes.

    Mga pagkain na may taglay na biotin:

    • Atay ng baka
    • Karneng baboy
    • Itlog (luto)
    • Salmon
    • Avocado
    • Kamote
    • Nuts, seeds

    Walang RDA para sa biotin dahil wala ring sapat na ebidensya na kailangan ng mga malusog na tao ang ganitong bitamina para sa araw-araw. Meron lamang adequate intake (AI) level:

    • Para sa mga kalalakihan at kababaihan na may edad 19 pataas, pati na mga buntis—30 mg kada araw
    • Para sa mga nagpapadedeng nanay—35 mg kada araw

    B9 (folate/folic acid)

    Tumutulong ang folate, o folic acid, para makabuo ng deoxyribonucleic acid (DNA) at ribonucleic acid (RNA), pati na sa protein metabolism. Malaki rin ang papel nito sa pagtunaw ng homocysteine, na isang amino acid na maaaring makapinsala sa katawan kapag sobrang dami.

    Kailangan din ang folate para makagawa ng mga malulusog na red blood cells, lalo na sa panahon ng pagbubuntis dahil sa nabubuong sanggol. (Basahin dito ang tungkol sa prenatal vitamins and minerals.)

    Mga pagkain na may taglay na folate:

    • Berde at madahong gulay (turnip greens, spinach, romaine lettuce, asparagus, Brussels sprouts, broccoli)
    • Munggo at iba pang beans
    • Mani
    • Sunflower seeds
    • Fresh fruits, fruit juices
    • Whole grains
    • Atay
    • Seafood
    • Itlog
    • Fortified foods

    Narito ang RDA:

    • Para sa mga kalalakihan at kababaihan na may edad 19 pataas—400 micrograms (mcg) ng dietary folate equivalents (DFE) kada araw
    • Para sa mga buntis—600 mcg DFE kada araw
    • Para sa mga nagpapadedeng nanay—500 mcg DFE kada araw
    • Para sa mga madalas uminom ng alak (dahil hirap ang katawan sa pagsipsip ng folate)—600 mcg DFE kada araw
    ADVERTISEMENT - CONTINUE READING BELOW

    Vitamin B12 (cobalamin)

    Kailangan ang cobalamin sa pagbuo ng redblood cells at DNA. Importante rin ito sa pagkilos at paglago ng brain at nerve cells.

    Mga pagkain na may taglay na cobalamin:

    • Fish at shellfish
    • Atay
    • Karneng baka, baboy, at iba pa
    • Itlog
    • Manok at produkto ng manok
    • Gatas, keso, yogurt, at iba pang dairy products
    • Fortified nutritional yeast
    • Fortified breakfast cereals
    • Enriched soy milk o di kaya rice milk

    Narito ang RNA:

    • Para sa mga kalalakihan at kababaihan na may edad 14 pataas—2.4 mcg kada araw
    • Para sa mga buntis—12.6 mcg kada araw
    • Para sa mga nagpapadedeng nanay—2.8 mcgkada araw

    Puwedeng gawin para sa vitamin B deficiency

    Kung hindi sapat ang pagkonsumo mo ng mga pagkain at inumin na taglay ay vitamin B, may mga supplement na maaaring mabili over-the-counter, o iyong hindi na kailangan ng reseta ng doktor. Siguraduhin lang na walang iniindang sakit at kumplikasyong pangkalusugan.

    Rekomendado ni Franchette P. Lichauco, isang licensed pharmacist sa Watsons health care company, ang vitamin B complex dahil meron na itong B1, B6, at B12. Aniya, para sa brain function at nerve health, na kadalasang responsable sa panginginig, pangangalay, at pamamanhid ng mga kamay, lalo na kung nagkakaedad.

    Suhestiyon din ni Lichauco na komunsulta sa doktor para makasiguro kung mayroon kang vitamin B deficiency at kung anong partikular na uri ng bitaminang ito. Ang doktor ang magbibigay ng diagnosis at treatment.

    Read also: Vitamins for Adults Age-by-Age Guide

    What other parents are reading

  • You're almost there! Check your inbox.

    We sent a verification email. Can't find it? Check your spam, junk, and promotions folder.

Smart Parenting is now on Quento! You will love it because it personalizes news and videos based on your interests. Download the app here!

View More Stories About
Trending in Summit Network
View more articles