Imbento Pa More! Things You End Up Doing During A Quarantine

Walang pasok sa eskwelahan ang mga bata. Wala ring pasok sa mga opisina. Malaking problema man ito para sa mga magulang pagdating sa kanilang buwanang kita pati na rin sa pag-aaral ng mga bata, pero ito ang magagawa ng nakararami para tuluyan nang pigilan ang pagkalat ng COVID-19.

What other parents are reading

UPDATE: Duterte Formally Extends Enhanced Quarantine Until April 30

Kaya naman para sulitin ang mga linggong nasa bahay lang tayong lahat, maraming mga DIY projects at kung anu-ano pa ang sinubukan ng mga magulang sa aming Facebook group na Smart Parenting Village. Narito ang ilan sa kanila:

Arts and crafts

Hindi ka man magaling sa art, matututo ka talaga kapag mayroon ka nang anak. Bukod sa love letters na ginawa ng mga bata para sa mga frontliners, mayroon ding isa pang trending artwork na sinubukan din nila.

Ito ay ang pag-trace ng kamay mo, kamay ni daddy, at kamay ng mga anak ninyo para makabuo ng isang memorabilia sa pinagdadaan nating ito.

What other parents are reading

Sa Php300 Lang, May DIY Sensory Board, Toy Kitchen, At Toy Car Ka Na

DIY laruan, playhouse, at pasyalan

Mabilis magsawa ang mga bata sa mga laruan. Kung dati ay pwede kayong lumabas at bumili ng bago, ngayon ay kailangan mong maging mas creative. Si mommy Alelly Hernane, ginawan ng 'movie house' ang anak niya. Si mommy Phoebe Cates naman, gumawa ng DIY kitchen cabinet, habang si mommy Riza Reyes naman ay bumuo ng 'food truck' gamit ang bunk bed ng mga anak niya.

"Mega Tower" naman ang ginawa ng anak ni mommy Ging Xa. Pinagpatong-patong lang niya ang mga lata ng sardinas na mayroon sila sa bahay.

Kwento naman ni mommy Xbee Barranda‎, araw-araw siyang kinukulit ng anak niya para pumunta sa 7/11. Kaya naman gumawa siya ng logo at idinikit ito sa dingding ng bahay nila—instant 7/11 na!

What other parents are reading

Gowns, Playsets, And Dollhouses: 3 Pinoy Parents Who Impressed With Their DIY Projects

DIY Cardboard Box Bookshelf Sa Halagang P500

Sobrang bongga naman ng playhouse na ginawa nina mommy Rose Ann at daddy Michael Bautista para sa mga anak nila. Kwento niya, first time lang nilang mag-asawa na gumawa ng DIY project. "May nakita [lang] akong nag-share [online] ng playhouse idea," sabi ni mommy. "Sinend ko kay hubby [at] pumayag naman siya."

Maswerte naman na kamakailan ay giniba ang lumang bahay ng in-laws ni mommy kaya mayroon silang mga kahoy na nagamit. "Binuo muna 'yung pinaka brace niya," paliwanag ni mommy. "Tapos, nilapat na lang 'yung mga kahoy."

Hindi mo na kailangan pa ng background sa pagpipinta at pagkakarpentero. Bukod kasi sa marami nang instructional videos online, marami ka na ring patterns na pwedeng sundan.

"Last January, nagpagawa kami sa karpentero ng personalized tables, then pinapinturahan namin sa kakilala naming pintor," pagbabahagi ni mommy. "Kami ang bumili ng mga gamit, minessage lang ito sa amin. At dahil hands-on kami sa paggawa nila, nakita namin ang mga procedures. 'Yun ang inapply namin sa pagpipuntura ng playhouse."

What other parents are reading

Keep Your Child Entertained With This DIY Painting Activity For Less Than Php500!

Galing Ni Mommy! DIY Race Track Sa Halagang Php150

Recipes at iba't-ibang meryenda

Baking naman ang pinagkakaabalahan ng mag-ina ni daddy Gabie Solis Orprecio. Sobrang cute dahil may apron pa si baby at talaga namang tutok na tutok sa ginagawa niya.

Kakaiba naman ang creations ni mommy Alelly Hernane. Gumawa siya ng mga Disney Princess-inspired hotdogs! Mayroon siyang Arieldog, Belledog, Pocahotdog, at Rapunzeldog. Sabi nga niya, kung mas ma-extend pa ang quarantine, baka kung ano pang maimbento niya.

What other parents are reading

DIY Photoshoot: 5 Paraan Para Makatipid Sa Props, Costume, At Iba Pa

Addicted Si Mommy Sa Disney! Paano Gayahin Ang DIY Milestone Photoshoot Nila

Iba't-ibang mga meryenda na rin ang nakita namin sa Village. May gumawa ng cake, may sumubok ng Dalgona coffee, at may gumawa na rin ng hotdog and cheese wrap.

Dalawang linggo pa ang bubunuin natin bago matapos ang community quarantine. Anu-ano pa kaya ang mga maiimbento ng mga nanay at tatay sa susunod na mga araw.

Kayo? Anu-anong mga naimbento ninyo ngayong quarantine? I-share mo iyan sa comments section. Pwede ka ring sumali sa aming Facebook group na Smart Parenting Village.

Para sa iba pang kwento at balita tungkol sa COVID-19, i-click mo lang ito.

What other parents are reading

Congressman Proposes Simpler Way Of Giving Cash Aid To Filipinos In Need

Holiday Pay Ngayong Abril Maaring Hindi Muna Ibigay Ng Mga Kumpanya, Ayon Sa DOLE

Sa Php300 Lang, May DIY Sensory Board, Toy Kitchen, At Toy Car Ka Na

Worry No More If Your Kids End Up Watching Netflix Without You Noticing