Baby-Led Weaning: Mga Dapat Tandaan at Paano Ito Simulan Ayon sa Isang Inang Sumubok Nito

Kapag nanay ka, hindi ka nagsasawang magsaliksik ng iba’t ibang paraan sa pagpapalaki sa ating mga anak lalo na pagdating sa pagpapakain. Narinig mo na ba ang tungkol sa baby-led weaning o “BLW” at ang magandang maidudulot nito?

Ang baby-led weaning ay isang paraan ng pagpapakain sa mga sanggol edad 6 na buwan pataas kung saan hahayaan siyang kumain ng hiniwang pagkain nang hindi sinusubuan. Nagtaas ka ba ng kilay? Ganyan din ang reaksiyon ko noong una.

Marami ang hindi nakaaalam sa baby-led weaning dahil sanay tayo na mashed o pureed food ang kakainin ni baby kapag handa na siya sa solid food. Kailangang durog na durog ang pagkain ni baby para malambot at madali niya itong malunok.

What other parents are reading

Traditional Weaning or Baby Led? This May Help You Make the Decision

Paano simulan ang baby-led weaning?

Sanay din tayo na kapag oras na ng pagkain, uupo lang si baby at mag-aantay sa ating kamay na tila eroplanong magsusubo sa kanya ng pagkain. Ito ay tradisyunal na pagpapakain at nakasanayan ng lahat. Wala masama dito — tayo mga nanay ay produkto ng dinurog na kalabasa o nilugaw na kanin. Pero nang makapagbasa ako ng maraming artikulo tungkol sa traditional weaning at baby-led weaning, napagdesisyunan kong sundin ang BLW, salamat sa suporta ni mister at ng pamilya namin.

Sa baby-led weaning, finger food at hindi mashed o pureed food ang ibibigay sa bata. Hindi ko naranasan ang magdurog ng gulay o gumawa ng puree para sa aking baby. Lahat ng gulay na inihahanda namin, hinihiwa ko lang para maging sticks o strips o yung sakto lang para mahawakan niya. Pero siyempre, sinisigurado rin namin na sobrang lambot ng pagkain.

Sa halip na subuan namin si baby, hinahayaan namin siyang hawakan ang pagkain at siya na ang kusang magsusubo sa kanyang sarili. Nakabantay pa rin kaming mga magulang habang ginagawa niya ito.

What other parents are reading

Know What Your Baby Is Telling You From Birth to Avoid That Helpless Feeling

Nagsimula kami sa baby-led weaning noong eksaktong 6 na buwan ang aming anak na si Mav. Nakakatakot isipin sa umpisa  dahil sa kanyang edad. Paano kung malunok niya ‘yung pagkain nang buo at mabulunan siya? Nakakakaba rin talaga.

Naging kabisado lang ni Mav ang ganitong pamamaraan ng pagkain pagtuntong niya ng 10 buwan. Kaya kung nahihirapan ka rin at natatakot, normal lang ‘yan. Hindi naman kailangang madaliin. Tandaan na gatas pa rin ng ina ang pangunahing kailangan ng sanggol hangga’t wala pa siyang 1 taon.

What other parents are reading

How This Mom Started Her Baby on Solid Food at 6 Months Without Purees

7 benefits ng baby-led weaning

Mahigit na 2 taon na ngayon si Mav. Narito ang mga bagay na naidulot ng baby-led weaning kay Mav at sa aming pamilya.

Napakadaling ihanda ng pagkain

Hihiwain mo lang ang gulay at ilalaga. Ayos na agad! Hindi na kailangang durugin. Hindi na kailangang gamitan ng blender. Hindi ka rin napagod. Marami ka pang oras na mailalaan sa ibang bagay.

Hindi natutunan ni baby ang pagiging maselan sa pagkain

Dahil nasanay si Mav si finger food, ngayong toddler na siya, kahit anong pagkain, kaya na niyang nguyain at lunukin. Hindi siya natatakot na mabulunan.

Naging maganang kumain si baby

Nakakahanga si Mav. Marami ang natutuwa dahil ang galing niyang kumain. Noong baby pa lang siya, may mga nagtataka kung kaya ba niyang kumain ng buong gulay o prutas. Takot silang baka mabulunan ang bata. Pero nung makita na nila kung paano siya kumain, ang sabi nila, “Pwede pala ‘yun. Ang galing naman!”

Alam ni baby ang tamang paraan ng pagnguya

Kahit puno ng pagkain ang bibig, alam ni Mav kung paano ito nguyain ng maayos. Ang subo niya, subo ng matanda pero kaya niyang nguyain at lunukin. Kaya hindi rin siya kailangang antayin matapos kumain.

What other parents are reading

How to Know if Your Baby Has Consumed Enough Milk or Solid Food

Alam ni baby ang gagawin kapag nabulunan

Alam niya kung paano iluwa ang pagkain kapag nabulunan siya. Nailuluwa niya kapag alam niyang hindi niya kayang lunukin. Sa Ingles, ito ang tinatawag nating “gag reflex.”

Alam ni baby na pagkain lang ang dapat isubo at kainin

Hindi naging mahilig si Mav na sumubo ng mga laruan o ibang bagay maliban sa pagkain. Kontribusyon ito ng baby-led weaning dahil sa pamamagitan nito, nahawakan niya ang iba’t ibang uri ng pagkain at natutunan ang iba’t ibang texture nito. Kaya alam niya ang pagkakaiba ng pagkain sa ibang bagay na dapat ay hindi isinusubo.

Walang iyakan at pilitan

Umpisa pa lang, hindi namin pinilit si Mav pagdating sa pagkain. Lalo na noong wala pa siyang 2 taon. Natutunan naming magtiwala sa kaniya. Alam niya kapag gutom siya at kapag busog na. Palagi lang naming iniaalok ang pagkain. Kung hindi niya maubos, ayos lang. Alam niya kung hanggang saan lang ang kaya niyang kainin.

What other parents are reading

Mom Shares Her 4-Step Plan to Gently Wean Her Toddler From Breastfeeding

Mga dapat tandaan bago umpisahan ang baby-led weaning

Kung gusto mo rin ang konsepto ng baby-led weaning, ito ang ilang mga bagay na maipapayo ko base na sa aking mga karanasan.

Magbasa

Magsaliksik ka ng maraming artikulo tungkol dito. Magbasa ka ng mga kwento ng mga magulang na sumusunod at nagpapalaganap ng baby-led weaning. Maghanap ka ng mga batang produkto ng BLW sa Instagram, Facebook, at YouTube.

Alamin mo kung ano ang pagkakaiba ng “gagging” at “choking.” Dapat mo ring pag-aralan kung paano gawin ang first aid kapag ang bata o sanggol ay nabubulunan. Importante ‘yun. (Heto ang ilan sa mga first aid para kay baby na dapat mong matutunan.)

What other parents are reading

7 Things to Try if You Want to Wean Your Baby From the Breast

Maging handa sa kalat

Dahil nga baby-led, hahayaan mong pakainin ni baby ang sarili niya. At dahil kasabay ng baby-led weaning ay ang pag-develop ng motor skills niya, makalat talaga ito pero kapag nagtagal, mamahalin mo na rin pati ang kalat niya dahil alam mong doon siya natututo.

Magtiwala ka sa anak mo

Sanggol man siya, pero tandaan mong isinilang siyang may espesyal na kakayahan. Isa yan sa mga prinsipyo ng baby-led weaning na palagi kong naaalala. Bakit mo raw pakakainin ng dinurog na pagkain ang iyong sanggol tapos tuturuan mo rin namang kumain ng normal na pagkain pag lumaki? Paano kung masanay siya sa dinurog lang? Kahit grade school na siya, takot pa rin siyang kumain ng bite-sized food dahil hindi siya sanay dito. Bakit hindi mo siya sanayin habang bata pa? Kaya iyon ang ginawa namin. Nagtiwala kami sa kanya pero hindi namin siya  

Alamin at timbangin kung ano ang pinakamagandang gawin para sa iyo at sa iyong anak. Kung sa tingin mo hindi mo kayang ituloy ang baby-led weaning, huwag mong pilitin. Kung takot ka talaga, huwag nang ituloy. Kung sa tingin mo traditional weaning ang mas mabuti, iyon ang ituloy mo.

What other parents are reading

Meet the Speakers of the Smart Parenting Convention 2019!

3 Going on 13! 5 Ways to Deal With a 'Threenager' Who Is Giving You Attitude

Giving Dads a 30-Day Paternity Leave Means Better Postpartum Recovery for Mom

Can Music Make a Child Smarter? Well, It Might Help Her Ace Math and English