Ikinuwento ni Regine Velasquez na naging posible ang pagiging blended family nila dahil kay Michelle van Eimeren, ang ex-wife ni Ogie Alcasid na mister ngayon ni Regine.
Sina Michelle at Ogie ay nagkaroon ng dalawang anak—sina Leila at Sarah.
May isang anak naman sina Ogie at Regine—si Nate.
RELATED: Nate Alcasid Discovers Dad Ogie Was Married to Ninang Michelle--through Google
Si Michelle ay nakapag-asawa ring muli kay Mark Murrow, at naka-base sila sa Australia. Nausisa ang Asia’s Songbird tungkol sa “ultimate number one factor” kung paano naging posible ang kanilang blended family.
“Si Michelle,” tugon ni Regine sa YouTube vlog ni Celeste Tuviera na in-upload nitong August 27, 2022.
“Dalawa. Si Michelle at si Ogie. Silang dalawa talaga.” Sabi ni Regine, tinrabaho ni Ogie na magkaayos-ayos sila.
“Maraming beses niyang kinausap si Michelle,” ani Regine.
“Then finally, nung feeling niya puwede na akong ipasok, sinama niya ako sa Australia.
“Michelle and I were able to talk. Nag-iyakan. Walang panunumbat whatsoever.
“She accepted whatever it was that happened, and she even said it was not about me, it was between the two of them.”
Wala raw pag-aatubiling tinanggap siya agad ni Michelle. “Right away, forgiveness was given. Acceptance was given. And so there was friendship and only love.”
What happened when Regine met Michelle in Australia
Nagbalik-tanaw si Regine nang solo siyang sumunod sa Australia para makipagkita kay Michelle at ayusin ang kanilang relasyon.
Sa eroplano pa lang, hindi na raw komportable ang singer at tinatanong ang sarili kung kailangan ba niyang gawin iyon.
Ang tumatakbo raw sa isip ni Regine, “I don’t think I can do this.” Pero nahimasmasan siya sa ginawa ni Michelle nang magkita na silang dalawa sa Australia.
Kuwento ni Regine, “But as soon as I got there, as soon as I saw her [Michelle], I cried. “She gave me the biggest hug ever. And then made me feel that it’s okay.”
ADVERTISEMENT - CONTINUE READING BELOW
RELATED: Regine Velasquez And Leila Alcasid Discuss Their Relationship As Stepmom And Stepdaughter
Ipinaramdam daw sa kanya ni Michelle na hindi lang naman sila ang unang beses na nakaranas ng ganoong sitwasyon. Sabi ni Regine, “She made me feel it’s okay. “We will be fine. You will be fine. It’s a family now.’”
Nang magkausap sila ni Michelle, ipinaliwanag daw ni Michelle na kailangan nilang maging maayos para sa kapakanan ng dalawang anak ni Michelle at Ogie.
Sabi raw ni Michelle, “I just want the girls to be a priority and we need to work at this relationship so that they wont feel something is missing.”
Giit ni Regine sa magandang relasyon nila bilang blended family, “Like I said ang key talaga is si Michelle.” Hindi raw magiging posible ito kung nagmatigas si Michelle, gaya ng horror stories na naririnig ni Regine pagdating sa mga exes.
Papuri ni Regine kay Michell, “She is a very loving person. And she loved me. Mas mahal pa nga niya ako kesa kay Ogie, e. Ngayon, ha?
“So, she was the key. Of course, my husband had to work hard on the relationship.
“Siyempre siya yung mag-i-instigate, e, but Michelle was very understanding.” Mensahe pa ni Regine sa mga kapareho nila ng sitwasyon, ang unang maaapektuhan ay ang mga bata.
Bagamat hindi man maiaalis ang katotohanan na mabigat ang ganoong sitwasyon, sinabi niyang magagawang padaliin ang ganoong sitwasyon para sa mga bata, katulad ng naging sitwasyon nila.
READ MORE RELATED STORIES ON BLENDED FAMILIES:
This story originally appeared on Pep.ph.
*Minor edits have been made by the SmartParenting.com.ph editors.
.jpg)
