;
embed embed2
  • Inaaswang Ang Buntis? May Kuwento At Pangontra Ang Mga Mommy Tungkol Sa Pamahiin

    Hindi lang sa Pilipinas ang may ganitong sinaunang paniniwala.
    by Jazer Basan .
Inaaswang Ang Buntis? May Kuwento At Pangontra Ang Mga Mommy Tungkol Sa Pamahiin
PHOTO BY Shutterstock
  • Marami ang mga sinasabi, naririnig, at kung minsan, pinaniniwalang pamahiin sa pagbubuntis. Ang mga kasabihan ay namana natin sa mga matatanda at karamihan nito ay may kinalaman sa pagkain para sa buntis, pati na pagkilos at paniniwala. Kabilang sa mga kilalang  kasabihan ay mga nakakatakot na pangyayaring kababalaghan ng aswang sa buntis.

    Inaaswang nga ba ang buntis?

    Ayon sa mga kuwentong-bayan, ang aswang ay tumutukoy sa mga masasamang elemento na nagi-ibang anyo at nagdadala ng pinsala, pananakot, o pananakit. May mga uri na bumibiktima ng mga buntis para makuha o magtangka sa sanggol sa kaniyang sinapupunan. Bunga nito ay maraming kasabihan at pangontra para maprotektahan ang mga buntis at mailayo sila sa panganib.

    May mga katulad na ganyang paniniwala sa labas ng Pilipinas. Ang mga alamat ng ibang bansa ay may mga tauhan din na bumibiktima ng buntis at mga sanggol. Ang Penanggalan at Langsuir sa Malaysia, at Leyak at Randa naman ng Indonesia ay mga maligno o masamang diyos na lumilipad at kumukuha ng bata sa sinapupunan. Ang Pisachas ng Timog India ay nagi-iba ng anyo naman.

    May iba-iba ding pangsangkap tulad ng suka, dasal, at sayaw na pangontra sa mga ito. Nasa mito (myth) din ng lumang sibilisasyon ang mga tauhan na nangangain ng sanggol tulad ng Lamashtu at Akhkhazu ng Mesopotamia; Lamia sa Greece; Hariti na diyosa ng Buddhist; Valravn ng Denmark; at si Cronus (Saturn) ng Greek mythology. Lahat ng mga ito ay patunay na nasa kultura na ng bawat bansa ang paniniwala sa mga katatakutan at pangamba para sa nagbubuntis.

    ADVERTISEMENT - CONTINUE READING BELOW

    Mga misteryo bilang bahagi ng kultura

    Ang mga kasabihan, katulad ng mga katutubong awit, sayaw, pananampalataya, at tradisyon, ay ang mga elemento na bumubuo ng ating makulay na kultura. Ang mga kuwento tungkol sa multo, maligno, at mga elemento ay popular sa iba-ibang probinsiya.

    Ang mga kaluskos nito ang nagbigay pangalan sa kanila tulad ng tiktik at wakwak. Mga tunog na kapareho ng paggalaw ng pakpak, huni ng hayop, pagkabali ng sanga o pagaspas ng dahon, at mga bagay na laganap sa kanayunan. Ang mga elemento ay inuugnay sa panggagamot at panghuhula noong sinaunang panahon na kaunti pa lang ang kinalaman ng mga tao sa agham, medesina, at kalikasan. Hindi rin ito nangangahulugan na walang ganitong paniniwala sa mga siyudad.

    Ayon sa Folklore Kasi! Unpopular Folklore and Popular Culture ni Danilo Arao, sa isang panayam kay Michael L. Tan, na isang medical anthropologist, ang folklore o mga alamat ay sumasalamin at nagpapalawak ng mga pangamba. Nadadala ng mga taga-nayon ang kanilang paniniwala sa siyudad at ang mga taga-siyudad naman ay nakakabuo na rin ng bagong alamat o urban legend dahil mayroon din silang kinakatakutan.

    Pinalaganap din ng media ang kaalaman tungkol sa mga elemento sa pamamagitan ng pagsasaad ng makabagong kuwento hango sa mga lumang paniniwala. Paniniwala ni Tan na mahalaga ang pagtangkilik sa mga kuwentong namana sa ating ninuno bilang tanda ng pagkakakilanlan ng ating lahi.

    Mga kasabihan at pangontra

    Kilalang close-knit ang pamilyang Pilipino kaya naman labis ang paga-alala ng mga kapamilya kapag buntis ang isa sa miyembro nila. Ito ang dahilan ng pagpupumilit ng mga nakatatanda na sundin ang  kasabihang pinagdaanan din nila.

    CONTINUE READING BELOW
    Recommended Videos

    Sa Parent Chat, ang online forum ng SmartParenting.com.ph, may mga miyembrong namahagi ng ilang karanasan.

    "Pag gabi napakaingay parang may tao sa bubong kaya naglalagay ang mother ko ng bawang sa lahat ng bintana, tapos may walis tingting."- Mommy Jhen_Gavyne

    "... Nung time na buntis ako laging may buntot pagi sa bintana pangontra daw sa aswang." - Miura

    "Nung buntis ako grabe kumakalabog talaga sa bubung namin... blanket na itim o kahit anong damit basta kulay itim at langis ang pang laban ko dyan."- jovie

    "Sa bintana din naglagay si husband ng bawang... tapos binigyan ako ng 2 bala, isang di pa pumuputok and isang pumutok na... instead na black, pinaglagay ako ng MIL ko ng RED na towel or tela sa ibabaw ng tummy sabi iwas din daw ang mga mumu."-mrsbueno

    "Tinry ko rin yun kung totoo. Nung buntis ako sa tabi ng bintana talaga ako natutulog nakabukas pa. Wala namang nangyaring masama sa akin at sa baby ko kaya napatunayan ko na hindi talaga totoo." - apple

    "May mabibigat na yabag sa bubong, kaluskos, tunog ng tuk kaya nung buntis ako naglalagay ako ng black tube sa loob ng shirt ko, itak, asin at holy water. Magaala-Rambo talaga ako kung may magpakita sa akin!" - Mariel Arun

    "Hindi na siya parang pusa kasi talagang ang lakas n ng tunog na parang may naglalakad na tao [sa bubong]. Nilagay ni hubby yung palaspas sa window tapos sabi ng lola ko maglagay ako ng asin at bawang ipuwesto ko sa window." - ingrid

    ADVERTISEMENT - CONTINUE READING BELOW

    "Sinusunod ko nalang mom/tita/lola ko about sa pagalagay ng asin saka bawang sa bintana namin...Sundin ko nalang daw yung pamahiin dahil wala naman daw mawawala." - iacy

    Bakit laganap pa rin ang mga kasabihan at pamahiin sa makabagong panahon?

    Matatag ang tradisyon nating mga Pilipino at ang pagiging malapit sa pamilya, kamang-anak, at extended families. Gayun din ang pagpasa ng mga kasabihan ng mga nagdaang henerasyon. Kilala din tayo sa pagiging lubos na magalang sa mga matatanda at hindi pagsaway sa mga kagustuhan nilang makakabuti sa atin.

    Kaya naman laganap pa rin ang ganitong mga paniniwala. Para sa mga makatradisyonal, maigi na rin na tanggapin ang mga kasabihan bilang kasagutan sa mga pangyayaring hindi maipaliwanag.

    Mga pangamba sa pagbubuntis

    Higit pa sa asawang, maraming kinatatakutan ang buntis. Dala na rin ng maraming iniisip na sumasabay pa sa mga nakakapagtakang pangyayari, kaya't madaling gawing dahilan ang mga kababalaghan. Ang pregnancy anxiety ay karaniwang pinagdadaanan ng buntis sapagkat maraming dapat tandaan, gampanan, gastusin, pagbabagong haharapin, at pag-adjust sa magiging bagong buhay.

    Ang sobrang paga-alala ay maaaring mauwi sa depression kaya't huwag seryosohin ang mga maliliit na bagay lalo na kung ito ay hindi ayon sa payo ng inyong doktor. Ang tamang kaalaman tungkol sa pagbubuntis ay mainam na panlaban sa mga lumang akala.

    Kung ang paniniwala sa mga kasabihan, tulad ng aswang sa buntis, ay magdudulot ng stress, baka maging masama ang epekto nito. Tandaan na maliban sa mga sabi-sabi, walang matibay na katunayan ang mga kuwentong kababalaghan. Ang dapat na pagtuunan ay ang inyong kalusugan at pag-alaga sa sarili.

    ADVERTISEMENT - CONTINUE READING BELOW

    Inaaswang ba talaga ang mga buntis? Basahin ang mga kuwento ng aming community members at sumali sa usapan sa Parent Chat.

    What other parents are reading

  • You're almost there! Check your inbox.

    We sent a verification email. Can't find it? Check your spam, junk, and promotions folder.

Smart Parenting is now on Quento! You will love it because it personalizes news and videos based on your interests. Download the app here!

Don't Miss Out On These!
View More Stories About
Trending in Summit Network
View more articles