Paglilihi sa Mga Lalaki, Totoo Ba Ito?

Larawan ni shanealanmcdowell mula sa flickr creative commons

Ang pagkahilo, pagduwal sa umaga, madalas na pagiging antukin, at paghahanap ng piling mga pagkain — alam na ng marami sa atin na ito ang ilan sa mga palatandaan na buntis ang isang babae. Ngunit paano kung nakikita natin ang mga sintomas na ito sa isang lalaki? Masasabi rin ba nating buntis siya? Narinig mo ba na may mga tatay na nakaranas nito imbes na ang kanilang mga asawa, o magkasabay rin silang pinagdadaanan ang mga ito?

Ilang beses ko na itong narinig noon, bago pa ako nagpakasal at nabuntis. Noong ipagbuntis ko sa wakas ang una kong anak, sinabihan ako ng iba kong mga kapitbahay na hakbangan ang aking asawa habang natutulog siya upang 'ilipat' ang mga sintomas ng paglilihi sa kanya. Natawa lang ako sa sinabi nila.

What other parents are reading

Buntis Ba Ako? Heto ang Pregnancy Test Results ng Ilang Mommy

Nabubulag na Yata Ako! Lumalabo ba ang Paningin Dahil sa Pagbubuntis?

Pagkatapos nito, natuklasan kong isa sa aking mga kaibigan na lalaki na si Joel Saludares, isang tagapamahala ng social media, ay nakaranas ng paglilihi kasama ang kanyang asawa sa dalawang pagkakataong nabuntis ang huli.

Nag-post si Joel sa kaniyang Facebook na siya’y “nahihilo at naduduwal ..." at kalaunan ay ibinahagi niya ang magandang balita na inaasahan niya at ng kanyang asawa — ang kanilang unang sanggol. Kaya't nang muli siyang mag-post sa Facebook kamakailan, alam na namin kung bakit masaya siyang nakararanas ng pagkahilo at pagduduwal.

"Dumadaan ako sa parehong mga bagay na nararanasan ng aking asawa tulad ng pagduduwal, pagkahilo at pagsusuka, at karaniwang nangyayari ito sa loob ng ikalawang buwan ng pagbubuntis ng aking asawa. Pareho kaming walang hilig sa anumang partikular na pagkain, ngunit napansin namin na gusto naming kumain ng mga prutas nang mas madalas sa kanyang pagbubuntis. Tumagal ito ng halos isang buwan,” pagbabahagi ni Joel. Nang sabihin niya sa doktor ng kanyang asawa ang tungkol sa insidente, sinabi niya na tumawa lamang ang Ob-Gyn. 

What other parents are reading

Alamin Ang Mga Sintomas ng Pagbubuntis Maliban sa Pagsusuka

Totoo Ba na Bawal Maligo sa Gabi o Magsuot ng Kuwintas Kapag Buntis?

Ibinahagi rin sa akin ni Dr. Margarita Santella-Jara, ang aking Obstetrician-Gynecologist-Sonologist, na mayroon siyang ilang mga pasyente — mga 2 sa bawat 20 — na nagsasabi sa kanya na ang kanilang mga asawa ay nakararanas nga ng paglilihi. Kabilang sa karaniwang mga palatandaan na naranasan ng mga asawang lalaki ay ang mas tumindi pang pagkaantok at pananabik sa ilang mga pagkain. Dahil dito, nagtaka rin talaga si Dr. Jara dahil ayon sa kanya, hindi ito itinuturo sa med school.

Interesante rin na kahit ang sariling asawa ni Dr. Santella-Jara ay naglihi rin pala. Sabi ni Dr. Jara, naghanap at nahilig din sa maaasim na mga pagkain ang kaniyang asawa noong ipinagbubuntis niya ang dalawa nilang mga anak na babae.

"Napansin kong karaniwang nangyayari ito sa mga mag-asawa na napakalapit sa isa’t isa, na ang bond o bigkis ay napakalakas, at mayroong mabuting komunikasyon sa isa't isa."

Ang hindi maipaliwanag na sitwasyong ito, na posibleng tatawagin mong pambihirang pangyayari ay mayroon ding mabuting aspekto. "Ang isang pakinabang na dinadala nito ay ang pagpapalakas ng tiwala sa sarili ng buntis, dahil sa palagay niya ay hindi siya nag-iisa sa kanyang pagbubuntis. Ang isa pang benepisyo ay mas malakas na ugnayan sa pagitan ng mag-asawa dahil nagagawa nilang pagsaluhan ang mga hamon at paghihirap ng pagbubuntis sa isang natatanging paraan dahil hindi marami ang dumaraan sa parehong karanasan tulad ng sa kanila."

What other parents are reading

13 Sex Positions na Makakatulong Para Ikaw ay Mabuntis

Senyales ng Pagbubuntis sa Unang Linggo: Bakit Wala Kang Mararamdamang Sintomas

Habang ipinakikita ng ilang kalalakihan ang kanilang pangangalaga para sa kanilang mga buntis na asawa sa pamamagitan ng pagsama sa kanila sa mga prenatal check-up, mayroong mga hindi sinasadyang dumaraan sa paglalakbay ng pagbubuntis sa pamamagitan ng pagbabahagi ng mga sintomas ng infanticipation. Kahit hindi maipaliwanag ng agham na medikal, mabuting malaman na ang mga kalalakihan ay binibigyan ng pagkakataon na maranasan kung ano ang nararamdaman ng isang buntis sa paglilihi, at natutulungan silang maunawaan ang kanilang mga asawa kapag nagiging emosyonal, o kapag naghahanap ng pagkain sa kalagitnaan ng gabi, o sadyang nakararamdam ng pagod o sakit. Nagbibigay ito ng panibagong kahulugan sa isang lalaki at isang babae na sila’y "hindi dalawa, ngunit isa" para sa mga mag-asawa na nakikibahagi sa kagalakan — at sakit — ng pagbubuntis.

Si Margarita Santella-Jara, MD, FPOGS, FPSUOG ay isang Obstetrician-Gynecologist-Sonologist na humahawak ng klinika sa Mundo Citi Medical Center sa Quezon City at sa MCT OB Scan at Polyclinic sa Sikatuna Village sa Quezon City.

What other parents are reading

'Hindi Pala Madali ang Pagbubuntis. Ang Dami Mong Kailangang Isakripisyo'

13 Sex Positions na Makakatulong Para Ikaw ay Mabuntis

Bakit Kailangan Bantayan ang Iyong Blood Pressure Habang Buntis

Sintomas ng Pagbubuntis Ika-8 Linggo: Malakas Mong Pang-amoy, Mas Titindi Pa