McDonald's Party Para Sa 85 Bisita: Souvenirs, Handa, Backdrop At Iba Pa

Isa na siguro sa mga pinakacute at dreamy na party themes ang hot air balloon. Madalas kasi ay blue ang color palette na ginagamit ng mga nanay kaya relaxing ito at masarap tignan. 'Yan ang napiling party theme ni mommy Cathrel Garcia para sa kanyang anak.

Rainbow baby ang anak nilang si Zach kaya naman siniguro nilang mag-asawa na magiging espesyal at masaya ang unang birthday ng kanilang munting anghel. "I was pregnant July of 2017 with my first baby sana, but sadly, nag-miscarriage ako," kwento niya sa amin sa isang Facebook Messenger interview. "Toxic sa work abroad kaya umuwi na lang ako sa Pilipinas. Sumunod ang live-in partner ko. After six months, I got pregnant. Sobrang ingat na namin kaya he was born healthy," pagbabahagi niya.

Ayon pa kay mommy, napili niya ang hot air balloon at teddy bear bilang theme dahil kahit simple lang itong tignan at madaling gawin, maganda at kaaya-aya pa rin. Nakakuha rin si mommy ng inspirasyon mula sa isang vlogger na sinusundan niya online.

Karamihan naman ng mga suppliers ni mommy ay nagmula sa Facebook. 

Para sa cakes at balloons, umorder siya sa Rosslan’s Cupcakes & Cakes (Facebook: rosslanscupcakesandcakes).

Kwento ni mommy, kuhang-kuha nila ang gusto niyang design. Sulit din daw ang setup nila pagdating sa balloons kaya masaya si mommy sa kinalabasan. 

Php3,500 ang nagastos ni mommy para sa personalized cake na may kasamang 24 pieces na cupcakes. Mayroon din siyang donut wall na nagkakahalaga ng Php250 sa Lazada.

Narito naman ang breakdown ng pagkain na inorder ni mommy para sa mga bisita:

• 1-piece chicken with medium drinks (Php104 each, 55 pieces) = Php5,720
• Chicken spaghetti with regular drinks (Php122 each, 30 pieces) = Php3,600
• Sundae (Php29 each, 80 pieces) = Php2,320
• Burger (Php35 each, 80 pieces) = Php2,800

Total: Php14,440 + 350 (charge for photobooth)

Para naman sa souvenirs, sanitizers ang naisip na ipamigay ni mommy. Inorder niya ito sa Happy Delight (Facebook: @happydelightbygenesis). Nagkakahalaga ito ng Php2,000 para sa 50 piraso. 

Mayroon ding photo coverage si mommy na nakuha niya sa halagang Php2,500 at photobooth na binayaran niya sa halagang Php3,500—@lovedreamcloud sa Facebook ang napili niyang supplier.

OFW si daddy at hindi siya nakarating sa birthday ni baby, pero kahit papaano ay nakapagvideo call pa rin ang mag-anak at parang nandoon na rin si daddy.

More from Smart Parenting

Souvenirs, Loot Bags At Iba Pa: McDonald's Party Para Sa 75 Guests

Pwede Ang Unique Party Themes Sa McDonald's Branch Na Ito

Nasubukan mo na ba ang hot air balloon at teddy bear na theme? I-share mo ang inyong experience sa comments section. Pwede ka ring sumali sa aming Facebok group na Smart Parenting Village para sa mas marami pang DIY party theme inspirations.

More from Smart Parenting

New McDonald’s “Happy” Meal Mascot: Yay or Nay?

How to Put Together a McDonald's Birthday Party + Tips How to Cut Costs

McDonald's Party Hack: P10,000 Para Sa Birthday Party For 50