10 Illustrators Na Maaring Gumawa Ng Inyong Family Portraits

Sa dami ng mga photo studios ngayon, madali na lang maghanap ng kukuha ng litrato ng iyong pamilya sa budget na swak sa gusto mo. Pero kung naghahanap ka ng kakaibang paraan para ma-imortalize ang inyong pamilya, pwede kang magpagawa ng illustrated family portraits. 

Sa isang Facebook group namin nakita ang listahan ng mga illustrators na tumatanggap ng pagawa ng mga personalized family at pet portraits. Narito ang ilan sa mga maaari mong kontratahin: 

The Story Machine

Facebook: @thestorymachineph

Sila ay mga artists na based sa Cebu at Cagayan de Oro.

Makulay at kakaiba ang kanilang mga gawa kaya siguradong magiging unique ang portrait na gagawin nila para sa iyo at sa iyong pamilya.

Lorra Elena

Instagram: @lorraelena

Mommy din si Lorra kaya naman siguradong maka-capture niya ang gusto mo kapag nagpagawa ka ng portrait mo at ng iyong anak o hindi naman kaya ay para sa inyong buong pamilya.

Relatable ang kanyang mga drawings kaya magugustuhan mo itong makitang nakadisplay sa iyong sala o opisina.

Little Portraits

Instagram: @little.portraits

Dalawa sa pinakatakaw pansin sa mga gawa ng Little Portraits ay ang kanilang Toddler Custom Portraits na nagkakahalaga ng Php1,000 pataas at ang kanilang Family Custom Portrait na nagkakahalaga naman ng Php2,500 pataas.  

Cute na cute ang interpretation ng artist sa iyong mga ibibigay na litrato kaya naman pwedeng-pwede ito para sa nursery ng iyong anak o di naman kaya ay sa sala. Magandang ipang-display ito sa lugar na unang makikita ng mga bisita.

Rina Albert-Llamas

Instagram: @rinadesignph

Facebook: @rinadesignmanila

Kung gusto mo naman ng gagamitin para sa holiday greetings ng iyong pamilya o di naman kaya ay para sa mga Christmas cards na ipamimigay mo, pwedeng-pwede ang illustrations na ito ni Rina. 

Vibrant ito kaya magandang ilagay sa mga bagay-bagay tulad ng pamaypay, mugs, water bottles, at iba pa. Kung tutuusin, pwede nga itong maging giveaway para sa kasal o binyag.

Alyssa De Asis

Instagram: @alyssadeasis

Makulay naman ang mga gawa ni Alyssa kaya bagay ito kung gusto mo ng maraming kulay para sa portrait ng iyong anak o ng iyong buong pamilya. 

Neenah Hilario

Instagram: @neenahilarioart

Watercolor ang gamit ni Neenah sa kanyang mga artworks. 

Kaya kung gusto mo ng watercolor version ninyong mag-asawa, maaari mo siyang i-commission para gawin ang inyong family o couple portrait.

Moreen Guese - Moyeedoll

Facebook: @moyeedoll

Katulad ng ibang mga artists sa ating listahan, sobrang cute din ng kalalabasan ng mga portraits ninyong mag-anak dahil kakaiba ang artwork na gawa ni Moreen—lalo na kung hango sa totoong buhay. 

Angge Co

Instagram: @anggeco.ph

May gawang 3D si Angge at mayroon din namang hindi—depende na lang ito sa gusto mo. 

Minsan ay nagpapa-quick arts promo din siya kaya maaari kang makamura sa magaganda niyang illustrations.

Alissa

Instagram: @alissa.psd

Sobrang realistic naman ng mga gawa ni Alissa at talagang mabibilib ka sa paggamit niya ng mga kulay. 

Pati shading at lighting ay talaga namang hahangaan mo. 

Dar Murillo

Instagram: @drwnmrllo

Huhulihin naman ni Dar ang magagandang features ng iyong mukha sa pamamagitan ng kanyang watercolor illustrations. 

Marami na rin siyang nagawang commissioned artworks at illustrations kaya sigurado kang kalidad ang kalalabasan ng portrait ninyong mag-anak.

Nakakatuwang makita na maging isang uri ng artwork ang litrato ng iyong pamilya. Hindi lang iyo isang magandang paraan para magsilbing keepsake ang inyong portrait, isa rin itong napaka personal na paraan para alalahanin ang inyong pamilya sa puntong ito ng buhay ninyo.

Mayroon ka pa bang ibang nakakatuwang paraan para i-capture ang inyong family moments? I-share mo na yan sa amin sa Smart Parenting Village.

What other parents are reading

'Di Magkaintindihan? Why You And Your Husband Fail in Communicating

10 Last-Minute Halloween Costumes Mula P160

Pinay Public School Teacher And Mom Takes Toddler To Class So She Wouldn't Miss Work

What Is Vaccine-Derived Polio And How Can My Child Be Protected From It?