5 Bagay Na Natutunan Ng Isang Doktor Para Ligtas Ang Pag-Iinit At Pag-Iimbak Ng Pagkain

Hindi lang sa pagkain ng masustansya natatapos ang pagiging malusog ng katawan, matibay na immune system, at malayo sa sakit. Malaking bagay din na piliin ang mas ligtas na pamamaraan ng pag-iimbak at pag-iinit ng pagkain. May ilang tips para magawa ito.

Detox the refrigerator

Kuwento ni Dr. Celeste Gomez, isang medical expert mula sa The Medical City Pediatrics at Institute of Functional Medicine, na dating puno ang kanilang refrigerator ng plastic containers. Nagdesisyon siyang mag-detox sa pamamagitan ng pagpapalit ng plastic para sa mas ligtas gamitin na glass containers.

Paliwanag niya sa interactive session na hatid ng Promil Organic milk brand nitong August 13, 2020, ang plastic containers ay may taglay na chemicals, gaya ng bisphenol A (BPA), na masama ang epekto sa kalusugan. Ilang pag-aaral ang ginawa na sa United States na nagpapakita ng masamang epekto ng chemicals sa endocrine system, male reproductive system, at iba pa.

More from Smart Parenting

Food Storage Safety: How to stow and when to throw

Organize Your Fridge With These Modular Food Containers

Reuse empty wine bottles

Para hindi na bumili si Dr. Gomez ng glass containers pamalit sa mga gawa sa plastic na sisidlan ng tubig, ginagamit na lamang niya ang mga naitabing wine bottles. Aniya, “I clean and sterilize them, then I put water in them and put something as cover.”

Recycle glass packaging

Bukod sa wine, marami pang ibang produkto na inilalagay sa babasaging bote, at iyon ang piliing bilhin  kesa sa mga nakalagay sa plastic. Mabuti ito sa kalusugan at pati na rin sa kalikasan.

Pagkatapos maubos ang laman ng bote, maaaring hugasan ito para magamit pa sa ibang bagay. Isa sa mga ito bilang storage ng grocery items, tulad ng asukal, asin, paminta, at marami pang iba. 

Avoid recycling plastic food containers

Naiintindihan ni Dr. Gomez kung nasasayangan ang mga nanay na tulad niya sa mga plastic containers na kadalasang ginagamit sa food delivery. Pero babala niya na may hatid na panganib ang plastic, lalo na kung nadaanan ito ng init.

Mas mainam daw na gumamit ng glass food containers bilang lalagyan, halimbawa, ng ulam na itatabi sa ref. Kung iinitin ang ulam sa microwave, walang chemicals na hahalo sa pagkain, di tulad kung plastic ang gamit. 

Make an achara to preserve veggies

Ang mga gulay na organic ay hindi talaga tumatagal na sariwa, ayon pa kay Dr. Gomez, dahil walang “wax or preservatives” ang mga ito. Kaya suhestiyon niya na kung mahihirapan na makonsumo kaagad ang mga gulay, gawing atchara ang mga ito para hindi mabulok at masayang.

More from Smart Parenting

This Mini Oven Can Toast, Bake, Roast, And Defrost Food, And It's Only P1,960!

Serve Your Food In Style With These Pretty Kitchen Finds

You Can Cook Rice, Steam, And Fry Food In This Mini Electric Cooker!

Multi-function Electric Ovens For P8,000 Or Less To Get Your Food Business Running