Sa Sipag At Tiyaga, Napaganda Ng 64-Year-Old Na Tatay Ang Kanilang Kusina

Bukod sa pagiging haligi ng tahanan, maaasahan rin sa pagpapaganda ng bahay ang isang senior citizen na tatay mula Pasay City.

Hindi mapigilang ipagmalaki ni Cherryl Moana Marie Ancola ang kaniyang 64-anyos na tatay na si Rodolfo Ancola sa Facebook group na Home Buddies. Sa kaniyang post, ibinahagi ni Cherryl ang kinalabasan ng DIY kitchen renovation project ng tatay.

Ang dati nilang simpleng kusina, napaganda at ginawang mas maaliwalas ni Tatay Rodolfo kaya naman ang mga miyembro ng Home Buddies, hanga rin sa kaniyang kakayahan.

Sa panayam ng Smart Parenting kay Cherryl, hindi lang kusina ang tinatrabahong ayusin ng kaniyang ama kung hindi ang kanilang buong bahay. Aniya, ito ay dahil sa request ng kanilang OFW na nanay nakatakda nang umuwi ngayong 2022.

Read more related home improvement stories:

• Couple Spent P800K To Transform An Old Apartment Into A Bright And Cozy Home
• Family Renovates Roof Deck Into A Cozy Hangout Place
• Mom Turned A Messy 'Tambakan' Into A Dreamy, Montessori Playhouse

"Nagcome up kami ipa-renovate 'yung bahay dahil sa request ni mama kasi uuwi na siya dito sa Pilipinas for good since mag-e-end of contract na siya this year 2022. Kaya pinush ko talaga si papa na magawa 'yung bahay last year," kuwento ni Cherryl.

Tatay Ng Buong Komunidad

Ani Cherryl, kilala talaga sa kanilang lugar ang ama na takbuhan na mga nais may ipagawa sa kanilang bahay. Sa katunayan, 'Tata Ruds' ang tawag sa kaniya ng karamihan.

Sanay kasi aniya si Tata Ruds sa mga ganitong proyekto bilang dating all around worker sa ibang bansa.

Pagbabahagi ni Cherryl, "Nagwork si papa sa ibang bansa (Saudi) bilang "all round". Yeah, 'yun 'yung term niya kasi nagka-karpintero daw siya, nagmamason, nagfoforeman, nagpipintura, nag-e-electrician, nag-aayos ng tubo, nagsu-supervise ng mga ginawa nila, etc."

Kaya naman sa ilang napaayos at napatayong bahay at ngayong napagtapos na ang mga anak, ang sariling dream house naman ang sisimulan nilang buuin ni Tata Ruds.

"Maraming bahay na siyang napaganda at natapos. Ultimo hanggang 4 storey na bahay nagagawa nya. Sa ngayon, bahay naman namin ang last niyang pagagandahin... Claiming for that!" dagdag ni Cherryl.

"Every month na padala ni mama bumibili ng pakonti-konti ng materyales para dito sa bahay kaya rin di agad agad natatapos yung bahay dahil sa limited budget." Sa ngayon, nasa Php90,000 ang kabuuang nagagastos ng pamilya Ancola sa pagpapaganda ng buong unang palapag ng kanilang bahay.

Bukod sa mas komportableng bahay, hiling ni Cherryl at ng kapatid na balang-araw ay masuklian ang pagtitiyaga ng mga magulang para maitaguyod silang pamilya.

 

 

"Ngayon na kami na ang nagtatrabaho ng kapatid ko, it's time para masuklian naman namin 'yung sacrifices nilang dalawa lalo na't tumatanda na sila. In God's perfect timing, matutupad din namin yung mga plans namin for them."

Basahin dito ang mga nakaka-inspire na kwento kung paano nakamit ng 5 pamilya ang pangarap nilang dream house.