Pamilya Sa Bulacan, Ipinambili Na Lang Ng Relief Goods Ang Perang Pang-Outing Sana

Kung walang COVID-19 ngayon, nasaan kaya tayo? Malamang, nasa beach resort kasama ang pamilya para sa isang masayang summer vacation. 

Tradisyon na ang mag-bonding kasama ng pamilya sa beach tuwing summer, lalo na at kasabay ito ng bakasyon sa eskwela. Para sa marami, pinaghahandaan talaga ito at pinag-iipunan.

Ang pamilya nina Mrs. Grace Chan ng Sta. Maria, Bulacan, ganoon din sana ang balak ngayong taon. Palawan at Puerto Galera sana ang tungo ng mag-anak, pero dahil nagkaroon ng enhanced community quarantine bunsod ng coronavirus, hindi na nga natuloy ang bakasyon ng pamilya.

Sa halip, ginamit na lang nila ang pondong nakalaan sana para dito para tumulong sa nangangailangan. At sinimulan nila ang gawaing ito doon mismo sa kanilang komunidad.

What other parents are reading

Bela Padilla Raises More Than P1 Million For Street Vendors In 2 Days

Look: 16-Year-Old Student Creates 3D-Printed Face Shield Frames To Help Frontliners

Ayon kay Charlene Chan, isa sa mga anak ni Grace, dalawampung taon nang ginagawa ng pamilya ang pagtulong sa mga kalugar nila; nagkataon lamang na ngayon ay may COVID-19 kaya nabigyan ito ng pansin.

Ngayong taon, sinimulan din nila ito nang mas maaga. Noong unang linggo ng quarantine, mga pack ng mixed vegetables ang ipinamahagi nila.

Bukod pa sa relief goods, nagluluto rin ng pagkain ang pamilya Chan para sa kanilang mga kapitbahay.

Pansit, special ginataang munggo at cheesy tuna pie na umaabot sa 500 piraso o packs ang ipinapamigay nila, ayon kay Charlene.

"In the second week we supplied [them with] some groceries and for Holy Week, we decided to [distribute] cooked food, like ginataang monggo, mais, pancit, and tuna pie.

"Every Holy Week [ginagawa namin ito] pero mas dinamihan namin this year; we know kasi na madami sa mga neighbors namin wala pang nare-receive na help from government," dagdag pa niya.

What other parents are reading

Libreng Sakay At Mobile Kitchen, Tugon Ng Pasig Government Sa Community Quarantine

Sanitation Cannon, Bagong COVID-19 Testing Center, Proyekto Ng Marikina City Government

Bilang katuwaan din ng mag-anak, suot nila minsan ang kanilang summer outfit kapag namimigay ng relief goods. 

Sa Brgy. Guyong, Sta. Maria, Bulacan, isang pamilya ang namahagi ng pagkain sa mga kapitbahay gamit ang perang naipon para sana sa swimming. Isinuot na rin nila ang mga pang-beach na damit dahil kanselado na ang kanilang outing. @DZMMTeleRadyo pic.twitter.com/r2mObYqSuB

— Zhander Cayabyab (@zhandercayabyab) April 14, 2020

Ayon kay Grace, natural lamang na tumugon sa mga nangangailangan. 

"Siyempre, nakikita mo ang kapwa mo nagugutom, tutulungan mo. Tutulong kami hanggang kaya namin," sabi niya.

Ang isa pang anak ni Grace na si Christopher, hinikayat ang iba pa na may kakayahan na tumulong din sa kapwa-Pilipino.

Para sa pamilya Chan, walang tigil ang pagtulong sa kapwa hanggang matapos ang quarantine, o hanggang kaya nila. 

What other parents are reading

These Celebrity Moms Are Answering The Call To Help During Quarantine

Help Sought For The Middle Class: 'Those Living In Gated Villages Are Barely Surviving'

Social Amelioration Card: Paano Mag-Apply Ng Cash Aid Mula Sa Gobyerno

Pasig City To Distribute P1 Billion Cash Assistance To 150,000 Families