Sa Hirap Man O Ginhawa, Kasama Rin Natin Ang Ating Mga Alaga!

Ang tradisyunal na pamilyang Pilipino ay binubuo ng nanay, tatay, anak, lolo, lola, at mga tito at tita. Pero kasabay ng pagbabago ng panahon ay ang pag-iiba ng istruktura ng itinuturing na pinakamaliit na unit ng komunidad. Kasama na rito kung sino ang mga itinuturing na miyembro ng pamilya — kabilang na ngayon ang mga alaga na hindi na lamang bantay kung ituring.

3 kwentong nagpapatunay na ang mga alaga ay kapamilya na rin

Binibigyan din sila ng pagmamahal at pag-aalaga, at tulad sa ibang kapamilya, bawat isa ay importante, at hanggat maaari ay magkakasama sa hirap man o sa ginhawa. Tulad na lamang ng ipinakitang pagmamalasakit ng mga amo na ito sa kanilang mga alaga:

What other parents are reading

Moms Prioritize Pet Care Over Their Own Health Needs, Survey Shows

New Grab Services Provide Vehicles With Car Seats, Allow Passengers to Travel With Pets

Walang iwanan

Dahil itinuturing na nila bilang kapamilya ang ang mga alagang aso, sinama ng dalawang bata ang mga tuta sa kanilang paglikas noong paparating ang bagyong Ramon sa Cagayan. Sa kanilang murang edad, pinakita ng dalawa ang pagiging responsable at higit sa lahat, ang tunay na ibig sabihin ng pagkakaroon ng pamilya.

Pagtulong sa nangangailangan

Nagbigay inspirasyon din ang larawan ni Russel Agbayani kung saan makikita ang kanyang pamangkin na si Mark Angelo Agbayani na nililigtas ang kanyang alaga sa gitna ng baha. Gaya ng dalawang bata sa larawan sa itaas, si Mark at ang kanyang pamilya ay nasalanta rin ng bagyong Ramon sa Cagayan. Ang kanyang katapangan ay umani ng maraming papuri mula sa netizens, na halos lahat ay nagpasalamat sa kabutihan na kanyang ginawa.

Ilang araw matapos ang bagyo, ibinahagi ni Russel na nailigtas ni Mark ang kanyang mga alagang aso. Hindi lang pala isa kundi pito ang kanyang mga "best friends!"

What other parents are reading

This Vaccine Is Crucial for Your Kids If You Have a Pet Dog at Home

Having a Pet in Your Home May Be One of Your Best Parenting Decisions

Kasama kahit saan

Naging viral din ang larawan na ito nang makuhaan ang isang pamilyang naglilipat-bahay kasama ang kanilang mga alagang aso at pusa. Sa unang tingin, mukhang pagmamalupit ang ginawa dahil nakalagay sa sako ang mga aso, pero kung makikita ito nang buo ay mapapansin na ito lamang ang kanilang sinakyan para makasama sa paglilipat.

Tunay na nakakabilib ang pagmamahal na ipinakita ng mga furparents na ito sa kanilang mga furbabies. Mahirap o mag-iba man ang kanilang sitwasyon, hindi sila naging makasarili at inisip na iwanan na lang ang mga ito. Sila ay magandang halimbawa ng tunay na pamilya at nakakapagbigay inspirasyon na pahalagahan ang lahat ng uri ng buhay—kumakahol man o ngumingiyaw man.

What other parents are reading

7 Gifts You'd Want to Buy For Yourself, According To Pinay Moms

Jollibee Tipid Hack: Narito Ang Pwede Mong Gawin Sa P12,000 Na Budget

McDonald's Party Hack: P10,000 Para Sa Birthday Party For 50

Ask The Doctor: How Long Before I Get Pregnant After Stopping Birth Control?