Mga Iwas Toxic Relationship Tips Ni Andi Eigenmann: Let Your Partner Do His Own Thing

Tunay na mailap talaga sa mga mag-asawa at mag-partners kung ano ang sikreto sa isang maayos, masaya, at matibay na pagsasama.

Gayon pa man, mayroong mga nakakahanap ng katuwang sa buhay na swak talaga, hindi lang sa ugali, kundi pati na rin sa mga goals sa buhay at pamamaraan ng pagiging magulang.

'Yan ang nahanap ng celebrity mom na si Andi Eigenmann sa kanyang fiancé na si Philmar Alipayo.

Para mas maging maayos ang kanilang pagsasama, sinisiguro ng dalawa na mayroon silang sapat na oras para sa kanilang mga sarili.

"Philmar would go motocross or go trail riding with his friends and we would just be home and people would notice it," kwento ni Andi. "Some people would really question it."

Malimit itanong kay Andi kung bakit okay lang sa kanya na iniiwan sila ni Philmar na sila-sila lang mag-iina. 'Kawawa naman si Andi' ang madalas daw na comment.

"But for me, what they don't understand is that, that's why I believe our relationship works," sagot naman ni Andi. "It's because we allow ourselves to be ourselves," dagdag pa niya.

"Yes, our life, it revolves around our children already," kwento pa ni Andi. "So it's the least we could do for each other to support our personal pleasures in life."

Hinahayaan lang ng island mama ang kanyang fiancé na maging masaya sa mga paborito nitong gawin. "He wants to have Sundays with his friends, so sure! Be happy!" sabi ni Andi.

"Enjoy those things, because if I stop [him] from doing it, baka he'll just do it behind my back or we'll fight over it and that's what makes the relationship unhealthy."

Panoorin ang kabuuan ng interview dito: