Sabi Ni Anne Curtis Ngayong May Baby Na Siya, ‘Totoo Pala Na Mas Spoiled Ang Apo’

Simula nang maging mommy si Anne Curtis, mas appreciated na niya ang kanyang mga magulang at mga kapatid.

Ang nanay ni Anne na si Carmencita Ojales ang umalalay sa kanya at kanyang asawang si Erwan Heussaff nang manganak siya sa Australia noong March 2020. Dahlia Amelie ang pangalan ng kanilang panganay.

Matagal nang nakabase doon ang kanyang nanay kasama ang kapatid niyang lalaki na si Thomas James Curtis-Smith.  Tubong Australia naman ang tatay nila Anne, Thomas, at isa pa nilang kapatid na si Jasmine Curtis-Smith, na isa ring artista sa Pilipinas tulad ni Anne.

"Totoo pala na mas spoiled pa ang apo," sabi ni Anne sa virtual presscon niya bilang endorser ng Jollibee. "Family thanksgiving" kasi ang tema ng advertising campaign ng fast-food chain para sa May 2021.

Sabi pa ni Anne, appreciated niya ang paga-alaga at paga-asikaso ng kanyang nanay hindi lang sa kanya pero lalo na kay Dahlia. Kaya sambit niya, "She’s an amazing lola!"

Nang makabalik sina Anne at Erwan, bitbit si Dahlia, sa bansa pagkatapos ng lampas isang taon na pamamalagi sa Australia, ang kapatid niyang si Jasmine ang tumutulong sa kanya.

Nagpaabot ng pasasalamat si Anne kay Jasmine, na tinatawag niyang 'sestra,' sa pamamagitan ng Instagram. Nag-post siya ng maiksing video ni Jasmine habang nakikipaglaro kay Dahlia.

Aniya sa caption, "#IDontSayThisEveryDay But thank you to my sestra for being an amazing Tata. Whenever I have a day full of zoom meetings or one of the rare days I go out to work or may it be just any random day, I appreciate you coming to play house or lutulutuan and yes, even magic magic with Dahlia."

What other parents are reading

Jennica Garcia Says Self-Love Is Not Selfish: 'Do Not Beg For Your Spouse's Affection'

Joyce Pring And Juancho Triviño Are Having A Baby Boy: 'We Can't Wait To Meet You'

Huli Ka, Iya! Drew Arellano Shares What His Wife Looks Like Behind The Scenes Of 24 Oras

Pauleen Luna Loses 20 Pounds: ‘Slowly But Surely And Most Importantly, Happily’