Credit Card, Insurance, At Utility Companies, Magbibigay Ng Grace Period Sa Due Date

Kahapon, March 16, 2020, ay inanunsyo ng Palasyo na inilagay ni Pangulong Rodrigo Duterte ang "mainland Luzon" sa ilalim ng enhanced community quarantine bilang sagot sa pagdami ng mga kaso ng COVID-19 sa bansa. 

Dalawa sa mga hakbang na kasama dito ay ang pagsasagawa ng mahigpit na home quarantine o pananatili sa bahay, at ang pagsuspinde sa biyahe ng mga pampublikong sasakyan. Ibig sabihin, para sa karamihan ng mga manggagawa, ititigil muna ang malakihang operasyon ng mga kumpanya at hindi muna sila papasok sa trabaho.

Marami ang nagpahayag ng pag-aalala sa ganitong sitwasyon, dahil nangangahulugan din ito ng kaunti o walang sweldo, lalo na doon sa mga arawan ang kita. 

Isang apela ang hiningi ni Pangulong Duterte sa mga kumpanya, at iyon ay ang bigyan ng palugit ang kanilang mga customer sa pagbabayad ng bills. Dininig naman ang hiling na ito. Heto ang listahan ng mga utility, insurance, at credit card companies na nag-extend ng deadline.

What other parents are reading

Should I Let My Husband Use Our Savings to Pay for His Credit Card Bill?

Banks

Security Bank

Ang customers at patrons ng credit cards, home loan, personal loan, auto loan, business mortgage loan at business express loan ay bibigyan ng 30-day extension kung ang due date nila ay pasok sa petsang March 16, 2020 hanggang April 14, 2020 at walang past due balance.

RCBC Bankard

Nagpatupad ang RCBC Bankard ng payment holiday para sa mga credit card holders nito na may good standing. Ang mga credit card bills na may due date ng March 16 hanggang April 15, 2020 ay maaring bayaran pagkatapos ng 30 araw.

Eastwest

Magbibigay ang Eastwest Bank ng 30-day extension sa mga eligible customers ng kanilang credit cards, at sa auto, personal, mortgage, at EEL loans. Ang mga magqu-qualify dito ay makakatanggap ng advice sa pamamagitan ng text message o e-mail.

Citibank

Ang mga credit card holders na may good standing ay bibigyan ng one-month extension sa kanilang payment due date kung ito ay mula March 16, 2020 hanggang April 12, 2020. Hindi rin sila papatawan ng late fee.

What other parents are reading

Opening An Account In Smaller Banks Can Help You Grow Your Money Faster

Insurance

Pru Life UK

Ang mga premium payments na due ng March 16, 2020 hanggang April 30, 2020 ay bibigyan ng grace period na 31 hanggang 60 araw. Walang karagdagang interes na ipapataw sa mga magbabayad sa loob ng grace period.

Insular Life

Ang lahat ng policy payments na may due date na March 11, 2020 hanggang April 30, 2020 ay bibigyan ng 60-day grace period.

Sun Life Philippines

Magbibigay ng 60-day grace period ang Sun Life sa mga may Sun First Aid/Plus at Hospital Income Benefit Rider kung sakaling ang mga ito ay mada-diagnose ng COVID-19.

FWD Life Philippines

Magbibigay ang FWD ng 90-day grace period sa payments sa kanilang mga customers na mada-diagnose ng COVID-19.

Cocolife

May 30-day na grace period ang mga policy holders ng Cocolife na may unpaid dues mula March 1, 2020 hanggang April 12, 2020.

Utilities

Philippine Long Distance Telephone Company (PLDT)

Nagbigay ng 30-day payment extension period sa mga postpaid customers nila ang PLDT Home at PLDT Enterprise. 

Meralco

Ang mga Meralco bills na may deadline ng March 1 hanggang April 14, 2020 ay may 30-day extension.

Gayundin, sinabi ng Meralco na ipinagpapaliban muna nila ang anumang maintenance work na hindi kailangan para maiwasan ang power interruption.

Maynilad

Sinabi ng water services provider na hindi muna nila isasagawa ang pag-disconnect ng mga account na hindi pa bayad. Ibig sabihin, maari pang bayaran ang bill hanggang Abril 14, 2020. 

Globe Telecom

Magbibigay ang Globe ng 30-day bill payment extension mula sa petsa ng due date ng kanilang mga Globe Postpaid, Business, at Enterprise customers.

Smart Communications

May 30-day payment extension ang mga postpaid customers ng Smart at Sun.

What other parents are reading

Make Rules, Multitask, Wait Until Baby Is Asleep: 6 Tips To Manage Your Phone Use

Skycable

Ini-extend ng Skycable ang deadline ng pagbabayad ng bills ng 30 araw.

Cignal

Ang cable TV operator ay magbibigay ng 30-day payment extension mula sa due date ng kanilang mga subscribers.

What other parents are reading

15 Practical and Doable Tips on How to Save on Utility Bills

Ruffa Gutierrez Teaches Daughters, 'Magtipid Kayo sa Kuryente'

Earn Extra at Home by Becoming a Bills Payment Service Provider

Wais Budgeting Tips Mula Kay Mommy Vlogger Kris Lumagui