The 2023 Gerber Baby Has Pinoy Roots! Meet Maddie Mendoza

Dugong Pilipino ang nananalaytay sa sanggol na napiling mukha ng kilalang international baby food brand na Gerber sa annual photo contest nito.

Kabilang sa iuuwing premyo ng 10-month-old na si Madison “Maddie” Mendoza ay $25,000 (PHP1.3 million).

Ang mga magulang ng bata ay sina Jun at Crystal Mendoza, na parehong first-generation Filipino-Americans sa kanilang pamilya.

Ang mga magulang nina Jun at Crystal ay isinilang at lumaki sa Pilipinas. Ang mga tatay nila ay Navy veterans.

Naninirahan ang pamilya Mendoza sa Colorado. Si Jun ay 16 years nang nagtatrabaho bilang allergist at immunologist sa U.S. Army. Si Crystal naman ay isang dentista at planong bumalik sa trabaho matapos ang kanyang maternity leave.

Sina Jun at Crystal ay high school sweethearts, ulat ng NBC News.

"IIt’s definitely been surreal. It feels like a dream. It felt like a one-in-a-million shot. I never thought she’d be a [Gerber baby],” pahayag ni Jun sa interview niya sa U.S. show na TODAY, July 13, 2023.

“We’re just grateful for this opportunity and excited for the world to meet Maddie.”

Ayon sa USA Today, si Maddie ay isang rainbow baby. Rainbow baby ang tawag sa sanggol na ipinanganak matapos makaranas ng pregnancy loss ang ina.

"Being a rainbow baby, Maddie has brought us immeasurable joy with every milestone, snuggle and moment spent with her enriching our lives and making every day more meaningful and beautiful," ani ni Crystal.

Bukod sa $25,000 prize, si Maddie ay nanalo rin ng one-year supply ng products mula sa Gerber at mga damit from Chief Growing Officer, ang bagong wardrobe line ng clothing brand ng Gerber.

Magdo-donate rin ang Gerber ng $25,000 sa isang non-profit organization na isinusulong ang maternal and baby health programs at $5,000 sa isang grupo na sumusuporta sa military families.

Naging iconic ang original baby photo ng Gerber noong 1928, na sketch ng sanggol na si Ann Turner Cook.

Si Cook ay naging guro at novelist, at pumanaw noong 2022 sa edad na 95.

Sinimulan naman ang annual contest na Gerber Baby Photo contest simula noong 2010.

This story originally appeared on Pep.ph.

*Minor edits have been made by the SmartParenting.com.ph editors.