;
embed embed2
  • Tamang Disposal Ng Online Delivery Pouches At Iba Pang Paraan Para Makaiwas Sa Scam

    May tips ang Office of Cybercrime ng Department of Justice.
    by Jocelyn Valle .
Tamang Disposal Ng Online Delivery Pouches At Iba Pang Paraan Para Makaiwas Sa Scam
PHOTO BY Pexels/Norma Mortenson
  • Ibinahagi kamakailan ni Michael V ang karanasan niya at kanyang kasambahay sa online seller scam (basahin dito). Kaya ang payo niya: "Kung di n'yo in-order, just no."

    Samantala, nagbigay din ng tips ang Office of Cybercrime (OOC), isang sangay ng Department of Justice (DOJ) na sumisiyasat sa mga krimeng naganap sa pamamagitan ng internet.

    Ayon sa Facebook page ng ahensiya, nakakatanggap sila ng mga ulat tungkol sa kasalukuyang modus operandi ng mga pekeng courier o deliveryman. Nagpupunta raw ang mga ito sa bahay ng kanilang target dala ang item na ipipilit nilang binili sa online seller, at saka maniningil ng kabayaran.

    Para makaiwas sa online seller/delivery scam, may mga suhestiyon ang DOJ-OOC bilang safety precautions.

    I-check ang iyong account sa official online selling platform

    Bago tanggapin ang item na pinipilit ng courier o deliveryman, i-check muna ang iyong account sa shopping site o iba pang platform. Kung walang transaction na naganap, mariing tanggihan ang delivery.

    Magbilin sa kasambahay kung may inaasahan kang delivery

    Kung aalis ka ng bahay, magbilin sa kasambahay o sino mang maiiwanan na meron kang inaasahan na delivery. Pero kung wala namang inaasahan na delivery, sabihan mo pa rin sila tungkol dito para hindi sila tatanggap ng anumang delivery.

    Maging maingat sa pagbibigay ng impormasyon

    Huwag basta-basta magbigay ng personal information, lalo na kung hindi naka-private ang setting ng online account mo. Maaari kang maging target ng mga scammer.

    Ugaliin ang tamang disposal ng delivery pouches

    Para mapangalagaan pa ang personal information mo, burahin ang mga ito sa mga natanggap mo nang delivery pouches o boxes. Mainam na gumamit ng black pentel pen o marker para hindi na mabasa ang personal details mo.

    ADVERTISEMENT - CONTINUE READING BELOW

    Isa pang paraan ang pagpupunit o paggamit ng shredder sa paraang crosscut, diamond-cut, o di kaya pang confetti bago itapon ang delivery pouches o boxes. Makakatulong ito para mapangalagaan ang personal information mo.

    Babala pa ng DOJ-OOC na ang online seller/delivery scam ay paglabag sa Section 25 ng Section 25 of Republic Act No. 10173, o ang Data Privacy Act of 2012. Ito ay sa ilalim ng salang “Unauthorized Processing of Personal Information and Sensitive Personal Information.” Kaugnay din ito ng krimen na estafa sa ilalim ng Revised Penal Code.

    What other parents are reading

    CONTINUE READING BELOW
    Recommended Videos
  • You're almost there! Check your inbox.

    We sent a verification email. Can't find it? Check your spam, junk, and promotions folder.

Smart Parenting is now on Quento! You will love it because it personalizes news and videos based on your interests. Download the app here!

View More Stories About
Trending in Summit Network
View more articles