'Welcoming Me Like Family': KC Concepcion Sa Pagdalo Sa Kasal Ni Cloie Skarne Sa Sweden

Hindi pinalampas ni KC Concepcion, 37, ang pagkakataong makadalo sa kasal ng nakababatang kapatid na si Cloie Syquia Skarne, 27.

Lumipad si KC sa Sweden para dumalo sa kasal ni Cloie at long-time boyfriend nitong si Fedrik Hill, isang Swedish, noong July 9, 2022.

Sina KC at Cloie ay magkapatid sa amang si Gabby Concepcion.

Si KC ay anak ni Gabby sa ex-wife nitong si Sharon Cuneta, samantalang si Cloie ay anak ng dating matinee idol sa dati ring asawa nitong si Jenny Syquia.

Pagbati ni KC kay Cloie sa IG post: "In Sweden for my sister’s wedding GRATTIS @cloiesyquia & @hillfredrik from my family to yours."

Ang "grattis" ay Swedish word for "congratulations."

Lubos ding na-touch si KC sa mainit na pagtanggap sa kanya ni Jenny at ng pamilya nito sa Sweden.

Pakiramdam daw ni KC ay talagang bahagi siya ng kanilang pamilya.

Mensahe ni KC: “Thank you tita @jennysyquia and Filip for being so so gracious- and to the wonderful Skarnes for being so warm and welcoming me like family. Precious weekend!”

Si Filip Skarne ay ang Swedish husband ni Jenny at ang tumayong ama ni Cloie.

Nag-post pa ng larawan si KC kasama si Jenny, na nagtrabaho noon bilang modelo at aktres sa Pilipinas bago magpakasal kay Gabby.

Ikinasal sina Gabby at Jenny noong 1993, pero na-annul ang kanilang kasal noong 1996.

Umuwi sa Sweden si Jenny bitbit si Cloie.

Ikinasal si Jenny kay Filip noong 1997.

This story originally appeared on Pep.ph.

*Minor edits have been made by the SmartParenting.com.ph editors.

What other parents are reading

6 Films That Made Sharon Cuneta and Gabby Concepcion One of the Best Movie Couples

Gabby Concepcion Uses Hashtag 'Forgiveness' in Photo With Sharon Cuneta

Nag-Throwback Photo Si KC Concepcion Para Sa Birthday Ng Kanyang Mom Sharon Cuneta

KC Concepcion's Messages For Her Dads Were Full Of Love, Forgiveness, And Gratitude