Lea Salonga Umalma Sa Isang School Module Na Nagsasabing Kriminal Ang Mga May Tattoo

Sunod-sunod ang pananawagan ng mga tao sa Department of Education (DepEd) dahil sa humahabang listahan ng pagkakamali sa mga learning modules ng mga mag-aaral.

Hindi pa nga lumilipas ang issue na kinasasangkutan ng isang guro at ni Angel Locsin dahil sa isang learning module, heto't may paparating nanamang bago.

What other parents are reading

Concerned Brother Discovers Disturbing Content On Sister's Learning Modules

Angel Locsin's Name In A Learning Module Is A Lesson About What NOT To Teach Kids

Nito lang November 17 ay ibinahagi ng Tony Award-winning actress na si Lea Salonga ang kanyang pagkadismaya sa isang self-learning module na tila ba nagsasabing katumbas ng pagiging kriminal ang pagkakaroon ng tattoo.

Makikita sa Facebook post ni Lea ang tanong sa naturang module na ang sabi: "Ang tattoo ay simbolo ng..."

Sinundan ito ng apat na pagpipilian: "A. pagiging kriminal; B. pagkaalipin; C. kagitingan at kagandahan; pagiging mababa ng katayuan sa lipunan."

Ayon kay Salonga, sinasabi sa answer key ng module na "A. pagiging kriminal" ang tamang sagot.

"Someone would need to tell me if this thing is really ok'd by the DepEd. And if so, WHAT KIND OF BS IS THIS???" Pahayag ni Lea sa kanyang Facebook post.

"I am THISCLOSE to getting a tattoo, if only to prove a point," dagdag pa niya.

Nanghingi rin naman ng konteksto si Lea para mas mapatunayan ang validity ng naturang learning module.

"Can someone upload a photo of the full, unedited sheet? That whole LETTER A thing covers the rest of it, and we need some context," sabi niya.

Narito ang isa pang version ng naturang post na kasama naman ang answer key. 

Hindi ito ang unang pagkakataon na nakakita ng mali ang mga netizens sa mga aprubadong learning modules ng mga mag-aaral.

Kaya naman ganoon na lang ang pag-aalala ng mga magulang na maaaring hindi tama ang natututunan ng kanilang mga anak.

Wala pang pahayag ang DepEd ukol dito sa oras ng pagkakasulat ng artikulong ito.

Nakakita ka na ba ng mali sa mga learning modules ng anak mo? Ipadala mo ang larawan at kwento sa aming email address na smartparentingsubmissions@gmail.com.

Maaari ka ring sumali sa aming Facebook group na Smart Parenting Village.

Follow Ana Gonzales on Instagram at @mrs.anagonzales.

What other parents are reading

DepEd Releases TV Schedule And Channels To Watch Lectures

DepEd Admits Wrong Math Lesson Shown On TV, Promises To Tighten Quality Checks

DepEd: Stop Connecting Suicides Of Teachers, Students To Distance Learning

Angel Locsin On DepEd's Apology: 'The Teacher Should Apologize To His Students'