Tandaan Ito Kung Papaliguan Si Baby Sa Hapon

Fact-Checked by Ronna Capili Bonifacio

Ang article na ito ay unang naipublish noong Oktubre 13, 2020. Nadagdagan ito ng updates noong Nobyembre 29, 2024.

Isa ang pagpapaligo sa mga techniques ng mga magulang para mapatulog ang kanilang mga anak. Malaking ginhawa kasi sa mga bata kapag napapaliguan sila, lalo na't malimit na mainit ang panahon dito sa ating bansa.

READ MORE ABOUT BABY BATH TIME HERE:

• The Most Important Thing To Remember For Baby's First Bath, According To Pedia
• Remember 'TWAG' When Bathing Your Baby, Says Dermatologist

Ang pag-aalala lang ng mga magulang, okay lang bang paliguan ang mga babies kahit hapon na? Mayroon kasing sabi-sabing nakakasama ito sa kalusugan ng bata dahil maaaring pasukin ng lamig ang katawan niya.

Agad naming ikinonsulta ito sa mga eksperto, sa aming live webinar na How Po? Ayon kay Dr. Faith Alcazaren, isang pediatrician, ang dalas at oras ng pagpapaligo sa mga bata ay depende sa edad nito.

Gaano kadalas ko pwedeng paliguan ang anak ko?

Sabi ni Dr. Faith, kung ang baby mo ay edad anim na buwan pababa, hindi niya inirerekomenda na paliguan mo ito ng higit sa dalawang beses sa isang araw. "Nakaka-dry ang tubig. Nakaka-dry ng balat ang pagpapaligo," paliwanag niya.

Pwede mong paliguan ang anak mo sa umaga, tanghali o hapon. Payo ni doktora, kung sakali mang mainitan siya, pwedeng punasan mo na lang ang katawan niya para 'di na siya kailangang paliguan.

Narito pa ang ilang mga tips ni doktora para presko si baby kahit hindi paliguan:

Bihisan si baby ng damit na cotton ang tela

Mas presko ang telang cotton kaya mainit man ang panahon, hindi gaanong pagpapawisan si baby.

Paikutin ang hangin sa bahay

"If we can afford it, let's adjust the ambient temperature," payo ni doktora. Sabi pa niya, buksan ang air conditioning, kung mayroon kayo, sa oras na talagang mainit ang panahon. "It's a matter of controlling the temperature para ma-control ang sweating ng bata," paliwanag niya.

Ang pinakamahalagang payo ni doktora pagdating sa pagpapaligo sa mga babies at sa mga bata ay siguraduhing walang tinatawag na cold draft na pumapasok sa loob ng bahay.

Kung papaliguan mi man ang anak mo dalawang beses sa isang araw, araw-araw, lalo na kung sa hapon, dapat ay hindi nakabukas ang mga bintana at mga pintuan kung saan mo pinapaliguan si baby. "[Dapat] walang aircon sa katabing kwarto, that will cause cold draft," sabi ni doktora.

"Yung cold draft ang nagiging cause na nagsisipon-sipon 'yung bata o nagiging iritable lalo dahil nilalamig," paliwanag pa niya. "Just a quick bath twice a day will help."

READ MORE ABOUT BABY BATH TIME HERE:

• The Most Important Thing To Remember For Baby's First Bath, According To Pedia
• Remember 'TWAG' When Bathing Your Baby, Says Dermatologist

Payo naman ng mga nanay sa aming Facebook group na Smart Parenting Village. Good idea ang pagpapaligo sa hapon—basta't siguraduhing tandaan ang bilin ni doktora. Iantabay na agad ang twalya, siguraduhing hindi malamig sa kwarto, at patayin ang mga electric fans at air conditioning sa bahay.

Para sa kabuuan ng mga tips ni doktora, panoorin mo lang ang video na ito:

Kaligtasan sa pagpapaligo ng baby

Mga dapat tandaan para maiwasan ang aksidente sa banyo

Narito ang ilan sa mga dapat tandaan para mapanatiling ligtas si baby tuwing naliligo:

• Temperatura ng tubig pampaligo: Ugaliing i-check muna ang temperatura ng tubig bago paliguan si baby, ito ay dapat nasa 37 hanggang 38 degrees Celsius. Sensitibo pa ang balat ni baby kaya't may risk ng pagka-paso.
• Bantayan: Siguraduhing palaging may bantay o kasama si baby habang nasa banyo. Hindi pa kaya ng mga baby tumayo agad kung sila ay matumba, at madali din silang madulas.
• Tamang kagamitan: Gumamit ng mga tamang kagamitan na para sa pagpapaligo ng baby gaya ng baby bath tub o child seat para maging stable si baby habang naliligo.
• Non-slip surfaces: Gumamit ng mga basahan o non-slip mat upang maiwasang madulas.
• Iayos ang mga gamit: Siguraduhing ang mga gamot, cosmetics, kagamitang pang-linis, at mga matatalas na bagay gaya ng razor ay nakaligpit at hindi kayang abutin o makuha ni baby.
• Elektrikal: Siguraduhing may takip ang mga saksakan sa banyo. Ugaliin ding tanggalin mula sa plug ang mga kagamitan tuwing hindi ginagamit.
• Toilet lid: Lagyan ng childproof latch ang takip ng toilet at ugaliing panatilihing nakasara ito tuwing hindi ginagamit.

Tamang posisyon ni baby habang pinapaliguan

Nararapat na suportahan ang leeg ni baby gamit ang isang kamay samantalang hawak ang pwet ni baby ng kabila habang binababa siya sa baby bath tub. Unahing ilubog ang paa at pwetan niya at panatilihing nasa taas ng tubig ang kanyang ulo at mukha. Paliguan si baby gamit ang malinis na bimpo o washcloth.

Mga alternatibo sa pagligo para mapreskuhan si baby

Sponge bath: Kailan at paano ito gawin

Maaaring i-sponge bath si baby kung masama ang kanyang pakiramdam o sa mga pagkatataong hindi siya kayang mapaliguan. Narito ang ilang tips kung paano i-sponge bath si baby:

• Maaaring gumamit ng malambot nga tela, blanket o changing pad para mahigaan ni baby.
• Magsimula sa ulo hanggang sa paa ni baby.
• Gumamit ng malinis at basa na tela o washcloth na walang sabon para linisin ang mukha at ulo ni baby. Gumamit ng maligamgam na tubig. Maaari ding gumamit ng mild baby cleanser o wash kasama ng tubig para sa ibang bahagi ng katawan.
• Siguraduhing linisin o punasan ang kanyang leeg, ilalim ng baba, mga pagitan ng daliri sa kamay at paa, kilikili, at likod ng tenga.
• Siguraduhing palaging may nakahawak kay baby.

Frequently Asked Questions (FAQs) Ukol sa Pagpapaligo kay Baby

Ano ang ideal na temperatura ng tubig para sa pagpapaligo ng baby?

Ang ideal na temperatura ng tubig pampaligo ni baby ay 37 hanggang 38 degrees Celsius. Maaaring i-test ang temperatura ng tubig sa pamamagitan ng iyong braso or siko dahil ito ay mas sensitibo kaysa sa iyong mga daliri.

Anong oras ang pinaka-angkop para paliguan si baby?

Maaaring pumili ng oras sa araw kung kailan hindi ka nagmamadali o maiistorbo. Maaaring paliguan si babysa umaga kung kelan siya gising na gising, maaari ding paliguan si baby sa gabi bilang parte ng kanyang bedtime ritual. Kung papaliguan si baby pagkatapos dumede o kumain, siguraduhing nakapahinga muna siya ng konti.

Kailangan bang gumamit ng espesyal na sabon o shampoo para kay baby?

Nararapat na gumamit ng mga sabon at shampoo na para sa mga sanggol sapagkat maaaring harsh na ang sangkap ng mga sabon at shampoo para sa mga adults kaya's maaaring mairita o matuyo ang sensitibong balat ni baby.

Paano kung may rashes si baby, okay lang ba siyang paliguan?

Okay lang paliguan si baby kung meron siyang rash. Narito ang mga kailangan isaalang-alang kung siya ay may rashes:

• Gumamit ng oatmeal bath o oatmeal soap: Maaaring gumamit ng oatmeal soap o maglagay ng ilang baso ng fine oatmeal (hindi instant) sa tubig pangpaligo ni baby kung siya ay may rashes. Kilala ang oatmeal na nagpapakalma at pinoprotektahan ang balat.
• Eczema: Kung may eczema si baby, paliguan si baby sa maligamgam na tubig nang hindi hihigit sa sampung minuto. Gumamit ng baby soap na hindi matapang at walang pabango. Lagyan ng si baby ng baby moisturizing lotion pagkatapos maligo.
• Baby acne: Kung may baby acne si baby, gumamit ng maligamgam na tubig at malinis na tela.
• Fever: Kung may rashes at lagnat si baby, o namumula o may nana ang kanyang rashes, mas mainam na kumonsulta muna sa inyong pediatrician.

May mga techniques ka ba sa pagpapaligo sa baby mo? I-share mo na iyang sa comments section.