Maniniwala Ka Bang Minadali Lang Ng Mga Nanay Ang Mga Breakfast Na Ito?

Sabi nila, breakfast is the most important meal of the day. Kaya naman, kahit gusto pang matulog ng mga nanay at tatay, gumigising pa rin sila ng maaga para makapaghanda ng mga masasarap at masusustansiyang breakfast meals. Ibinahagi nila sa amin kung anong itsura ng mga minadaling breakfasts nila.

Para kay mommy Angel Aihara, minsan ay pancakes with chocolate syrup ang agahan ng mga anak niya, minsan naman ay classic Pinoy breakfast tulad ng longganisa at itlog. Minsan ay may kasamang prutas katulad nito.

Para naman kay mommy Anna Valencia, konting tinapay at itlog ang ibinibigay niya sa kanyang toddler na kalimitan ay sinasabayan ng bata ng gatas.

Kay mommy Apple Centes Balmaceda naman, sabay na niyang ihinahanda ang breakfast at baon ng kanyang pamilya. 

 

Ang hubby naman ni mommy Ginyn Noble-Cadavillo na si daddy Ross ang naghahanda ng agahan nilang mag-asawa. Sa umagang ito, sliced oranges at toasted egg sandwich ang agahan nila.

 

 

Paborito naman ng halos lahat ng bata ang agahang malimit na ihanda ni mommy Liezl Porazo Beticon na hotdog, itlog, at tinapay. 

 

 

Para naman kay mommy Pennelope Baria, homemade ang kalimitan niyang ihinahain sa kanyang mag-anak tulad ng agahan nilang spaghetti with homemade tomato and carrot sauce. Mayroon din siyang grilled cheese sandwich at dragonfruit. 

 

 

 

 

 

 

Kapag naman may lansones sa agahan, madalas ay hindi na makahintay ang anak ni mommy Pennelope na kumain. 

 

 

Kay mommy Vesta Laserna naman, paborito ng mga anak niya ang bacon, eggs, at pancakes. 

 

Kay mommy Chique De Asis naman, paborito ng kanyang pamilya ang tuyo, itlog, at kamatis. Simple pero isa sa pinakapopular na agahan ng mga Pilipino. Matatakam ka talaga kapag ito na ang naaamoy mong iniluluto ng kapitbahay ninyo.

Maniniwala ka bang mabilisan lang na ginagawa ng mga nanay ang mga agahang ito? Kayo? Anong itsura ng minadaling breakfasts ninyo? I-share mo lang sa amin sa pamamagitan ng Smart Parenting Village.