Comfort Toy Ni Baby, Nakakasama Ba O Okay Lang Dahil Lilipas Din?

Mayroon bang paboritong laruan ang iyong anak? Mayroon ba siyang stuffed toy o kumot na hindi binibitawan, laging inaamoy, o madalas na sinisipsip? Kung mayroon, hindi lang ikaw ang nanay na may anak na ganito. Ilan sa mga nanay sa aming Facebook group na Smart Parenting Village ay nagbahagi rin ng kanilang karanasan pagdating sa comfort toys ng kanilang mga anak.

Makakasama nga ba sa mga bata kung mayroon silang comfort object? O normal lang itong dinaraan ng mga bata edad walong buwan pataas?

What other parents are reading

8 Educational Toys For Babies You Can Order Online

Students Organized A 'Toy Drive' For Their Classmate Who Lost His Things In A Fire

Sa isang Smart Parenting article, tinalakay namin kung bakit nga ba sa toddler at preschool age ay nagkakaroon ang mga bata ng special bond at attachment sa mga laruan, kumot, o di naman kaya ay face towel—sa ibang extreme cases ay sa mga damit ng kanilang magulang. 

Ayon sa pahayag ni Charlotte Reznick, Ph.D., isang child educational psychologist at associate clinical professor emeritus sa University of California, Los Angeles, sa Parents, ang ‘lovey’ ang unang stuffed animal o blanket galing sa crib ng anak mo kaya mayroon talaga siyang magiging malalim na koneksyon dito.

Paliwanag naman ng sleep coach na si Gabrielle Weill sa Smart Parenting, ang lovey ng anak mo ang naroon kapag nagigising siya sa kalagitnaan ng gabi—ito ang pumapalit sa iyo bilang soother. Maaaring abutin ng taon ang attatchment ng anak mo sa mga bagay na ito, ngunit hindi ito nangangahulugang mayroon itong masamang epekto sa iyong anak.

What other parents are reading

This Couple Converted Household Materials Into Toys for Their Toddler

YouTube Channel Ryan ToysReview Accused of Misleading Kids With Paid Content

Sabi ng HealthChildren.org, ang mga transitional objects na ito ay maaaring makatulong sa emotional transition ng mga bata para maging mas independent.

Bukod pa rito, ang lovey ng iyong anak ay nagsisilbing coping mechanism sa mga pagkakataong siya’y nakakaramdam ng stress, takot, o di kaya ay pag-aalala.

Kung iisipin mo rin kasi, nakakatakot at nakakapanibago ang mga yugtong tulad ng potty training at unang araw sa eskwelahan o playschool, kaya’t hindi mo rin masisisi ang iyong anak kung kailangin niya ng comfort object.

Sa isang statement ng pediatrician na si Dr. William Sears sa isang column ng Parenting, sinabi niyang wala kang dapat ikabahala kung mayroon mang attachment ang anak mo sa kanyang lovey.

What other parents are reading

10 Non-Electronic Toys That Will Save Your Preschooler From Boredom

Your Baby Will Be Fine With Just These 10 Toys for His First Year

Gaya nga ng payo ng mga nanay sa Village na nakaranas na nito, huwag kang mag-alala kung may lovey ang anak mo. Sa halip, mas maging understanding ka pa, dahil normal itong pinagdaraanan ng mga bata. Di kalaunan, kapag sila’y edad tatlo o apat na, kusang mawawala ang pangangailangang ito sa kanila.

Ayon naman sa mga eksperto, kung nagkakaroon na ng health hazard o nagiging masama na sa kalusugan ng anak mo ang kanyang comfort object, saka ka laman dapat manghimasok para alisin ito. Mahirap man itong gawin, makakaasa kang makakahanap din sila ng ibang paraan para makapag-cope sa mga nararamdaman nilang stress. 

Hanggang ngayon ba ay may comfort object pa ang anak mo? Paano mo siya tinutulungan para hindi na kailanganin ito? Pwede mo ‘yang ibahagi sa amin sa comments section o ‘di kaya sa aming Facebook group na Smart Parenting Village.

What other parents are reading

Galing ni Mommy! She Created a Beautiful Dollhouse Using Her Kids' Old and Unwanted Toys

8 Educational Toys For Babies You Can Order Online

These Toys For 5-Year-Olds Allow Pretend Play, Test Sense Of Responsibility And More

8 Open-Ended Toys That Make Perfect Gifts For Toddlers, Starting At P80