embed embed2
  • Laging Nagkukulong Sa Kwarto Ang Anak Ko, Dapat Na Ba Akong Mag-alala?

    Heto ang mga maaaring dahilan at kung ano ang pwede mong gawin.
    by Ana Gonzales .
Laging Nagkukulong Sa Kwarto Ang Anak Ko, Dapat Na Ba Akong Mag-alala?
PHOTO BY Shutterstock/Syda Productions
  • Walang masama sa pagtambay sa kwarto paminsan-minsan. Maganda rin kasi sa iyo at sa mga bata kung mayroon kayong kanya-kanyang mga oras para sa inyong mga sarili—lalo na kung tweens at teenagers na ang mga anak mo.

    Pero paano kung napapadalas na ang pagkukulong nila sa kwarto at hindi mo na sila regular na nakakausap at nakakasalamuha? Kailangan nga ba dapat mag-alala?

    Ayon kay Courtney Evenchek, Director of School Psychology Services at A+ Solutions, maganda ang boundaries para sa mga tweens at teens. Pero kung ayaw na nilang lumabas at makipag-usap sa iyo sa kabila ng pakikipag-usap mo sa kanila, kailangan mo nang mag-imbestiga.

    Paano kausapin ang mga teens na laging nagkukulong sa kwarto?

    Payo ni Evencheck, magandang umpisahan ang usapan sa pamamagitan ng pagsasabi ng mga napapansin mo. Sa ganitong paraan, hindi magiging defensive ang anak mo at hindi siya matatakot magsabi sa iyo kung bakit mas pinipili niya ang magkulong sa kwarto.

    Halimbawa, pwede mong sabihin: "Napapansin ko na lagi kang nagkukulong sa kwarto. May gusto ka bang pag-usapan o may problema ka ba?"

    Kapag nasabi na sa iyo ng anak mo kung may bumabagabag man sa kanya, pwede na kayong humanap ng solusyon.

    Sabi pa ng mga eksperto, bagaman normal na bahagi ng pagbibinata at pagdadalaga ang paghahangad ng privacy, hindi ibig sabihin nito ay hindi ka na magtatanong kung may pinagdadaanan man ang anak mo.

    Kailan ako dapat mag-alala?

    Bukod sa madalas na pagkukulong sa kwarto o labis na paghingi ng privacy, obserbahan mo rin ang anak mo kung:

    ADVERTISEMENT - CONTINUE READING BELOW
    • mayroong malaking pagbabago sa kanyang pagkain at pagtulog
    • kawalan ng gana na makipag-usap kahit sa mga kaibigan
    • kawalan ng gana sa mga bagay na dati naman ay gusto niya

    Ang mga biglaang pagbabago na ito ay maaaring tanda ng labis na stress, anxiety, o 'di naman kaya ay teenage depression. Kung ganito ang napapansin mo, mahalagang kausapin ang anak mo ng walang panghuhusga, galit, o ano mang expectations.

    Ngunit kung nagagawa pa rin ng mga anak mo ang kanyang mga responsibilidad nang maayos, kabilang na dito ang kanyang mga chores, assignments, school work, at iba pa, hindi masama na pagbigyan ang kanyang hiling para sa privacy.

    Pansinin mo rin kung sumasabay ba siya sa inyo sa pagkain o kung hindi niya pinapabayaan ang kanyang sarili, lalo na ang kanyang personal hygiene.

    Kung ganito ang anak mo, maaaring ang pagkukulong niya sa kwarto o ang paghingi niya ng privacy ay tanda lamang na gusto niyang makaramdam ng kalayaan, independence, o control sa kanyang buhay.

    Sakali mang hindi ka pa rin mapanatag sa madalas niyang pagkukulong sa kwarto, pwede kayong mag-establish ng rules tungkol sa oras o dalas ng pakikihalubilo niya sa pamilya.

    Pwede kang magtalaga ng oras na nakabukas ang pinto niya o 'di naman kaya ay oras na gugugulin niya kasama ang buong pamilya.

     

    Anong ginagawa mo kung napapansin mong laging nakakulong sa kwarto ang anak mo? I-share mo ang iyong mga tips sa comment section. Pwede ka ring sumali sa aming Facebook group na Smart Parenting Village.

    What other parents are reading

    CONTINUE READING BELOW
    Recommended Videos

Smart Parenting is now on Quento! You will love it because it personalizes news and videos based on your interests. Download the app here!

Don't Miss Out On These!
View More Stories About
Trending in Summit Network
View more articles