Barnyard Birthday Party Sa Bukid! May Palarong Pinoy + Leche Flan At Suman Ang Giveaway

Sa dami ng mga birthday parties ngayon na mayroong mga makabagong tema, nakakatuwang makakita ng isang selebrasyon na base sa mga nakaugalian pa nating mga Pilipino noong araw. Maganda rin kasing makita ng mga kabataan ngayon ang mga tradisyunal na pagdiriwang ng mga Pinoy.

Kaya naman natuwa kami nang makita namin ang ang barnyard theme ng baby ni mommy Mary Anne Ellaine Tamayo. Barnyard ang napili nilang theme dahil ayon sa kanya, sa bukid sila nakatira. Kaya para hindi na lumayo pa ang tema, barnyard ang napili niya.

Kwento niya sa amin sa pamamagitan ng isang Facebook Messenger interview, nakatulong niya sa pagpaplano ng party ang kanyang asawa at ang kanyang bilas. Ayon pa sa kanya, halos lahat ng elemento ng party ay mula sa kanyang bilas. Event organizer daw kasi ito kaya siya na ang nag-ayos ng disenyo ng party.

What other parents are reading

Kenny Rogers Pororo-Themed Birthday Party: Complete With Host, Magician, at Ventriloquist!

DIY Christening Invitation Ideas: Designs, Themes, At Apps Na Pwede Mong Gamitin

Ayon kay mommy, ipinadala niya ang invitation sa pamamagitan lang ng Facebook Messenger, para hindi na sila mag-print.

Bilas din niya ang tumulong para buuin ang dessert table na punong-puno ng mga classic sweet treats tulad ng Choco Mani, gummies, gelatin, popcorn, at eggs na may treats sa loob.

What other parents are reading

Birthday Party Budget Ni Mommy? P20,000 Para Sa Disney Princesses Theme Sa Bahay

Pwede Ang Unique Party Themes Sa McDonald's Branch Na Ito

Mayroon ding mga brownies si mommy na isinasama sa dessert table. Tinawag nila itong 'pig sty' para bagay sa barnyard theme.

What other parents are reading

How To Pull Off A Dog-Themed Children's Party Like Scarlett Kramer

Nautical Party Theme: Saan Magandang Umorder Ng Cake At Iba Pa?

What other parents are reading

DIY Bee-Themed Birthday Party Sa Halagang Php20,000

Saan Makakabili? Lahat Ng Kailangan Mo Para Sa Safari-Themed Party

Para naman sa cake, umorder si mommy sa Red Ribbon ng chocolate cake sa halagang Php350.

Pinaluto naman nila ang mga handa nila sa tito at tita ni mommy na parehong dating chefs sa isang kilalang restaurant. Php10,000 ang nagastos nila—may sarili na silang food pan kaya hindi na nila kinailangan pang pagkagastusan ito.

Kabilang sa kanilang mga handa ang pansit bihon, fried fish fillet, beef broccoli, at sinampalukang manok. Mayroon ding fish lumpia at salad bar na may lettuce, carrots, pipino, at itlog. Sorbetes na langka-cheese flavor naman ang kanilang panghimagas.

What other parents are reading

All the Details of Life Prats's Zoo-Themed Birthday Party

Take a Look Inside a P2-Million First Birthday Party With a Royal Theme!

Para naman sa giveaways, naghanda sila ng maliit na bayong na nilagyan nila ng maja blanca, leche flan, at suman. Ang suman ay gawa ng mother-in-law ni mommy habang ang maja blanca at leche flan naman ay binili nila sa halagang Php100 sa kada tatlong piraso.

Syempre hindi kumpleto ang party kung wala silang palaro at prizes para sa mga bata. Para Pinoy na Pinoy ang mga palaro, napili nila ang pabitin at palayok. Php35 lang ang palayok na binili ni mommy sa tindahan ng mga abubot na malapit sa kanila. Nilagyan nila ito ng mga Php20 bills at mga coins, pati na rin ng mga candies.

Ginawa naman ni daddy ang pabitin gamit ang dahon ng bayabas. Sinabitan nila ito ng mga treats na natira na para sana sa mga loot bags. Sinamahan pa nila ito ng mga maliliit na laruang nagkakahalaga ng Php50.

What other parents are reading

In Honor Of Child She Lost, Woman Pays For A 1-Year-Old's Birthday Cake

Stepfather Cries After Daughter Takes His Last Name as Birthday Gift

What other parents are reading

Listahan Ng Suppliers: Lahat Ng Kailangan Mo Para Sa Mexican Fiesta-Themed Party

McDonald's Party Para Sa 85 Bisita: Souvenirs, Handa, Backdrop At Iba Pa

Isang daang tao ang inimbita ni mommy at mayroong limampu na dumating. Ayon sa kanya, sampu ay talagang mga bisita, habang ang iba'y mga kamag-anak na. Para naman sa damit ni baby, binili niya ito sa halagang Php350 sa SM habang dati nang gamit ng anak nila ang suot nitong pantalon at sapatos.

"Na-enjoy ng sobra ng mga bata ang mga games dahil kakaiba sa paningin nila," kwento ni mommy. "Hindi ko inexpect na ganyan ang magiging itsura. For me, bongga na itong first day ng aking [baby boy]."

Mayroon ba kayong unique na party themes? Paano ninyo ito nabuo? I-share niyo lang sa comments section.

What other parents are reading

Nautical Party Theme: Saan Magandang Umorder Ng Cake At Iba Pa?

MORE Cakes We Love! Saan Magandang Umorder Ng Party Cakes?

Birthday Party Budget Ni Mommy? P20,000 Para Sa Disney Princesses Theme Sa Bahay

Price Tag Para Sa Isang Party Sa Chowking: P7,700 Para Sa 35 Katao!