McDonald's Party Hack: P10,000 Para Sa Birthday Party For 50

Sa nauna naming McDonald’s party guide, idinetalye namin ang mga pangunahing kailangan mong malaman kung gusto mong sa McDo mag-celebrate ng birthday ang anak mo. Ngayon naman ay ibabahagi namin ang Php10,000 party ng isang nanay mula sa aming Facebook group na Smart Parenting Village.

Kwento ni mommy Avi Cruz, para sa 5th birthday ng kanyang anak, napili nilang magcelebrate sa McDonald’s Better Living, Parañaque branch.

Ano ang food package na inorder niya?

Hindi katulad sa Jollibee, walang minimum ang McDo bago ka makapag-create your own meal. Kaya naman nakagawa si mommy ng eksaktong gusto niya nang hindi na umoorder ng specific na food package. 

“We got Happy Meal for kids para may kasama na toy as giveaway na rin,” kwento niya. “Para naman sa adults, chicken ang spaghetti meal,” dagdag niya. Para sa drinks, orange juice ang binili nila para sa mga bata at iced tea naman para sa mga adults. “We did not get sundae na kasi hindi naman nauubos. ‘Yung cupcakes that we ordered, ‘yun na ang dessert for the kids.”

Narito ang breakdown ng cost: 

Happy Meal nuggets and fries for kids, 25 pieces (Php131 each): Php3,275

Chicken and spaghetti meal for adults, 25 pieces (Php131 each): Php3,300

Party Fee: Php2,000

TOTAL: Php8,575

Magkano ang cake and cupcakes?

Inorder naman niya ang cake at cupcakes na Frozen ang theme sa kanyang kaibigan (Facebook: @bylilchef).

Php3,000 ang nagastos ni mommy para sa cake at cupcakes.

Saan nabili ang giveaways?

Bumili si mommy Avi ng Frozen-themed popping candies sa SM na nagkakahalaga ng Php13. Kasama rin sa giveaways ang Frozen-themed balloon headbands na nabili ni mommy sa Shoppee for Php7 each. Payo pa niya, siguraduhing maagang mag-order para umabot sa party ang mga giveaways.

Para sa simpleng decorations, malalaking snowflakes na may glitters ang ginamit ni mommy Avi.

Para naman sa costume ng anak niya, ginamit niya ang Anna costume na sinuot din ni baby noong noong nag-Trick or Treat ito. Bukod sa sulit at tipid, nag-enjoy din ang mga bata.

Nakapag-party na ba ang mga anak mo sa McDo? Kumusta ang experience ninyo? Anong package ang binuo ninyo para sa inyong mga bisita?