Listahan Ng Online Suppliers: Mermaid At Under-The-Sea-Inspired First Birthday Party

Kakaiba talaga ang dulot na kalma ng ating mga karagatan. Kaya naman isa ito sa mga top choices ng mga magulang pagdating sa bakasyunan.

Popular din itong birthday theme dahil sa lawak ng mga lamang-dagat na pwedeng i-incorporate sa parties ng mga anak natin. Sadyang captivating din ang ating mga karagatan dahil sa taglay na misteryo ng mga ito.

Kwento nga ni mommy Jessa Santos, miyembro ng aming Facebook group na Smart Parenting Village, isa ito sa mga pinakapaborito niya simula pa lang noong bata siya. Kaya ngayong may anak na siya, ito ang naisip niyang gawing tema ng party nito. Narito ang listahan ng kanyang mga suppliers:

Balloons, decorations, at backdrop

Dahil backdrop at entrance decorations ang unang bubungad sa mga bisita, siniguro ni mommy Jessa na maganda ang mga ito. Nagpatulong siya sa CreativeMinds Events Management (@creativemindsevents).

Marami silang mga packages na pwedeng pagpilian. Kinuha ni mommy ang Package "E" na nagkakahalaga ng Php12,000. Kasama na dito ang styro backdrop at standees, styro entrance design, at balloon decor.

Kasama sa balloon decor ang 150 piraso ng 'balloonderitas' para sa kisame, isang pares ng 5ft na balloon pillars, sampung piraso ng table centerpiece, isang pirasong cake arch, at sampung piraso ng cluster ceiling balloons.

Catering, chairs, tables, at ice cream

Jardin Preciosa (@JardinPreciosa) naman ang pinagkatiwalaan ni mommy pagdating sa venue at catering services. Sila na ang nag-asikaso sa kulay ng mga upuan at lamesa.

Kasama na rin sa binayaran ni mommy ang ice cream na talaga namang patok na patok sa mga bata.

Cake at pastry buffet

Pagdating sa cakes at ibang pang sweet treat needs ni mommy, kay Rennet Celestina Chua (@rennet.celestinochua) siya umoorder.

 

Kwento ni mommy Jessa, dito rin daw sila umorder para sa first month at binyag ni baby.

Souvenirs

Para naman sa mga items na ipinamigay ni mommy sa mga bisita, umorder lang siya ng mga maliliit na beach pails sa Shoppee at saka niya ito pinuno ng mga assorted chocolates na binili nila sa SNR.

 

 

 

 

Nagpamigay rin ng activity papers si mommy para hindi mainip ang mga batang bisita nila. Ginawa ito ng kanyang nakababatang kapatid kasama ang mga thank you tags na nakakabit sa mga souvenirs.

 

 

Kasama rin sa party si Jollibee na nirentahan nila ng nakahiwalay. Kailangan mo lang umorder ng minimum na Php5,000 worth of food at magdagdag ng Php1,000 para kasama ang Jollibee mascot.

 

 

Ayon kay mommy, halos Php8,000 ang nagastos niya kasama na ang bayad sa extension dahil natagalan si Jollibee sa party.

 

 

Nagkaroon din ng pre-birthday photoshoot sina mommy. Click n Play Studio ang kumuha ng mga litrato ni baby.

Para naman sa damit ni baby, umorder si mommy sa Shoppee. Nakabili siya ng swak sa party theme sa halagang Php500 lang. Terno rin silang mag-ina ng headdress, na binili rin ni mommy online.

 

 

Malaki ang pasasalamat ni mommy dahil sa pamamagitan lang ng paghahanap online ay nabuo niya ang first birthday party ng anak niya.

Kasalukuyan ka rin bang nagpaplano ng birthday ng anak mo? Mayroon ka na bang suppliers? I-share mo na ang iyong experience sa comments section.

Pwede ka ring sumali sa aming Facebook group na Smart Parenting Village para sa mas maraming birthday party inspirations.