Subukan! DIY All-Natural Pampabango Ng Bahay

Alam mo ba na ilan sa mga pagkain at sangkap sa iyong refrigerator at pantry ay pwede mong gamitin para gumawa ng mga natural cleansers at air fresheners?

Pinatunayan 'yan ni mommy Alelly Hernane, miyembro ng aming Facebook group na Smart Parenting Village, nang ibahagi niya sa amin kung paano gumawa ng all-natural cleanser gamit ang orange peel.

Kaya naman naghanap pa kami ng iba pang pampabango at panlinis ng bahay na pwede mong gawin sa sarili mong kusina. Narito ang ilan sa kanila:

Natural air fresheners you can make in your kitchen

1. Lemon and Rosemary All-Purpose Cleaner

Huwag ma-intimidate sa herb na rosemary dahil mahahanap mo ito sa mga pangunahing groceries. Pwede ka ring gumamit ng extract kung sakaling hindi mo mahanap ang mismong herb. 

Mga sangkap

• 1 cup white vinegar
• 1 cup water
• Lemon rind
• Rosemary

Paraan ng paggawa

• Paghaluing mabuti ang mga sangkap sa isang mangkok.
• Ilipat sa spray bottle, aluging mabuti, at itabi.
• Hayaang nakababad ang lemon at rosemary sa suka at tubig ng isang linggo bago gamitin. 

Pagkatapos ng isang linggo, pwede mo na itong gamitin para ipanlinis ng lababo, basurahan, at salamin.

What other parents are reading

10 Things You Can Quickly Clean with Just Vinegar, Lemon and Baking Soda

2. Mint Air Freshener

Paborito mo ba ang amoy ng mint? Tulad ng rosemary, madali mo rin itong mahahanap sa mga groceries. Epektibong pampakalma ng isipan ang amoy nito. 

Mga sangkap

• 3/4 cup water
• 2 tablespoons rubbing alcohol
• 10 drops orange essential oil
• 8 drops peppermint essential oil

Paraan ng paggawa

• Paghaluin ang mga sangkap at ilagay sa spray bottle.

What other parents are reading

Ant Problem? Sofa Stain? Peppermint Oil Can Help!

3. Summer Citrus Air Freshener

Pwede mong paghalu-haluin ang ilang mga fruit peels para makagawa ng isang mabangong freshener.

Mga sangkap

• 3/4 cup water
• 2 tablespoons rubbing alcohol
• Orange peel
• Lemon peel
• Lime peel
• Grapefruit peel

Paraan ng paggawa

• Paghalu-haluin ang mga sangkap sa isang mangkok.
• Ilipat sa isang spray bottle at hayaang nakababad ang mga balat ng prutas ng isang linggo bago gamitin.

Pwede ka ring gumamit ng essential oil kung wala kang balat ng mga ito.

What other parents are reading

Can air fresheners trigger asthma in your child?

3 Easy All-Natural Air Freshener Sprays for a Lovely Scented Home

4. Homemade Apple At Orange Potpourri

Ang potpourri ay pinaghalo-halong mga plant materials na may natural na bango. Pwedeng-pwede mong gamitin ang orange at mansanas o 'di kaya ay lemon at lavender, depende sa kung anong mayroon ka sa bahay.

Mga sangkap

• Mansanas
• Oranges
• Cinnamon
• Star Anise

Paraan ng paggawa

• Hiwain ng manipis ang mansanas at orange. 
• Ilagay ito sa isang tray at hayaang matuyo. Sa init ng panahon ngayon, iwan mo lang ito sa labas ng isa hanggang dalawang araw, siguradong tuyo na ito.
• Kung may oven naman kayo, pwede mo itong patuyuin doon. I-preheat mo lang ang oven mo sa 250 degrees at i-bake ang mga prutas ng isa't kalahating oras.
• Kapag tuyo na, ilagay sa isang garapon at ihalo ang iba pang mga spices sa listahan ng sangkap.
• Isara ang garapon at hayaang maghalo muna ang mga amoy bago ibukas at iwan sa banyo o kusina.

What other parents are reading

20 of Your Biggest Dirt, Stain and Grime Problems at Home, Solved With Homemade Cleaners!

Dahil Sa Pagiging OC, Isang Mom Gumawa ng Sariling All-Natural Cleaner

BONUS! DIY Glass Cleaner

Kalimitang may kamahalan ang mga glass cleaners na nabibili sa mga groceries. Para makatipid at para mas maging ligtas ito sa mga bata at buntis, pwede kang gumawa ng sarili mong glass cleaner. 

Mga sangkap

• 2 cups water
• 1/2 cup white vinegar
• 1/4 cup rubbing alcohol (70% concentration)
• 1 to 2 drops of orange essential oil for smell (o ano mang essential oil na gusto mo)

Paraan ng paggawa

• Paghaluin ang mga sangkap sa isang mangkok.
• Ilipat sa spray bottle.

Pwede mo na itong gamitin agad dahil essential oil naman ang ginamit mo para sa amoy kaya hindi na kailangang ibabad. Ayon sa Good Housekeeping, mas magiging epektibo itong panlinis kung i-spray mo muna ang solution sa paper towel bago ipunas ang paper towel sa salamin.

Posible kasing mag-iwan ng mga marka sa salamin kung ididiretso mo sa salamin ang solution—lalo na kapag mainit ang panahon.

Ilan lamang ang mga iyan sa mga natural na pampabangong magagawa mo gamit lang ang mga sangkap sa iyong kusina. 

Mayroon ka bang sarili mong mga DIY pampabango ng bahay? I-share mo lang sa comments section.

What other parents are reading

Take Note Of The 5 Kitchen Items That You Need To Clean Right Now

Pwedeng Subukan! Bathroom At Grocery Item Cleaning Tips Ni Anne Clutz

Ang Bango! All-Purpose Cleaner Gawa Sa Orange Peel At Iba Pa

How To Properly Clean And Disinfect Your Child's Toys During The COVID-19 Pandemic