Yasmien Kurdi, Sa Palengke Pa Din Namimili. Heto ang Kanyang 7 Wais Tips

Hindi makapaniwala ang GMA showbiz reporter na si Nelson Canlas nang sabihin ni Yasmien Kurdi, 31, na siya mismo ang namamalengke para sa kanyang pamilya.

Karaniwan kasi, mas pinipili ng mga celebrities tulad niya na mamili ng grocery items sa malalaki at membership-only supermarkets para na din sa kanilang privacy. Pero si Yasmien, sa wet market o palengke pa din ang punta. 

"Hindi ka ba pinagkakaguluhan [sa palengke]?" tanong ni Nelson. "Syempre naka-salamin, naka-cap, naka-mask [ako]," sagot ng singer-actress.

Noon pa man ay talagang masinop na si Yasmien sa pera. Kapag hindi daw siya busy sa shoot at shows, ang wife at mom of one ang pumupunta sa palengke para mamili ng lulutuin para sa kanyang asawang piloto na si Rey Soldevilla at anak nilang si Ayesha, 7 years old. 

More from Smart Parenting

4 Moms Reveal Grocery Budget and Favorite Supermarket Brands

Palengke tips ni Yasmien para ma-stretch ang budget ng pamilya

1. Gumawa ng listahan.

Sa puntang iyon nila Yasmien at Nelson sa palengke, nakapamili na daw si Yasmien ng mga sahog para sa uulamin nila ng isang linggo. Magagawa lang ito kung naka-plano ang iyong menu, para mailista ang mga ingredients mula dito. Kapag may listahan, naiiwasan din ang pagbili ng hindi kailangan.

2. Makakamura ka sa packed veggies.

"Sabi nila nanggaling yun sa mga nasira nang veggies, [pero] pwede pa rin naman siya lutuin. Bumibili rin ako nun kasi minsan Php15 o Php10 lang isang balot," sabi ni Yasmien. Karaniwan, naka-pack na ang mga ito ayon sa ulam: repolyo, carrots, cauliflower, at sayote para sa chopsuey; mayroon din para sa ginisang sitaw at kalabasa, at iba pa.  

3. Ugaliing tumawad.

Sa video, makikitang eksperto na si Yasmien sa pagtawad sa mga tindera sa palengke. Hindi naman masama ang tumawad, lalo pa't hindi naman kalakihan ang hinihinging bawas. "Php360? Gawin mo na lang Php350," sabi ni Yasmien habang kausap ang tindero ng karne. 

More from Smart Parenting

This Supermarket Has the Biggest Seafood Selection in Town!

4. Suriin mabuti kapag bumibili ng karne.

Maging metikuloso sa pagbili ng raw ingredients, ke ito ay baboy, manok o isda man. Tip ni Yasmien, "Pag hindi maganda yung chicken, maaamoy mo agad, amoy luma."

5. Huwag bumili nang labis sa makakain.

Bukod sa mas makakatipid ka, makakabawas pa sa pagkaing nasasayang kung sakto lang sa kayang ubusin ng pamilya ang bibilhin mo. 

6. Magdala lagi ng barya.

Malaking ginhawa para sa iyo at sa mga nagtitinda kung sakto ang ibibigay mong bayad o kaunti na lang ang isusukli sa iyo.

7. Huwag maglagay ng wallet sa bulsa. 

Ang iwas-dukot strategy ni Yasmien, "Yung bag mo dapat laging nasa harap."

More from Smart Parenting

3 Tipid Parenting Hacks: Why Buy When You Can Get Creative!

No Time to Go to the Market? Let These Online Grocery Stores Save the Day

How Moms Save Money: 8 Tipid Hacks on Diapers, Clothes, Milk, and More

Namamalengke si Dad! In Fact, He Enjoyed It so Much He Turned It Into a Business