Isang Hong Kong Airline Nag-Sorry Nang Ipilit Ang Pregnancy Test Sa Pasahero

Humingi ng paumanhin ang Hong Kong Express Airways sa isang pasahero matapos ipilit ng airline staff na sumailalim ito sa pregnancy test para makalipad mula Hong Kong hanggang Saipan.

Ayon sa ulat ng BBC News, nangyari ang insidente noong November 2019 sa pasaherong nagngangalang Midori Nishida, 25 years old.

Bago pa ang kanyang flight sa Hong Kong Express Airways ay dineklara na ni Nishida sa standard questionnaire na hindi siya buntis.

Ngunit pinilit pa rin siya ng airline staff na sumailalim sa isang assessment, kabilang ang pregnancy test. Hinatid siya sa banyo at binigyan ng test strip para sa kanyang urine sample. 

Nang bumalik ang resulta, negative ito, at saka pa lang pinayagan ang pasahero na sumakay ng eroplano at makita ang kanyang pamilya, na dalawang dekada nang nakatira sa Saipan.

Lumaki si Nishida sa Saipan, ang pinakamalaking isla sa Northern Mariana Islands na matatagpuan sa western Pacific Ocean, pero namamalagi na siya ngayon sa siyudad ng Tokyo sa Japan. 

Tinawag niyang “very humiliating and frustrating” ang kanyang karanasan at sinabing binale-wala ng airline management ang kanyang naunang mga reklamo. 

More from Smart Parenting

Local Airline Goes the Extra Mile to Accommodate Kids With Autism!

Did You Know? Airline Passengers in Some Flights May Choose to Sit in Child-free Zones

Binanggit sa news report na ang Saipan, na isang U.S. territory, ay nagiging popular na destinasyon para sa mga buntis galing ng ibang bansa upang doon manganak.

Sinusunod kasi ng United States ang legal principle na jus soli—o right of the soil—kaya nabibigyan ng birthright citizenship ang sinumang ipinanganak sa teritoryo nito. 

May ulat sa Saipan na noong 2018 ay mas maraming turista kesa residente ang nanganak sa Northern Mariana Islands. Malaki daw ang kinalaman nito sa mga dumadagsang buntis galing labas ng teritoryo, tulad ng China, na bumibiyahe para manganak.

Ayon pa sa news report ay sinikap lamang ng airline na masiguro na hindi nalalabag ang U.S. immigration laws. 

Dagdag na paliwanag pa raw ng airline na ang pregnancy test ay bahagi ng “fit-to-fly” assessment. Gayunpaman, nag-sorry na ito nang walang pangamba o “unreservedly” dahil sa insidente. 

Sa isang pahayag ng Hong Kong Express Airways na ipinadala sa NBC News, sinabi nito, “We would like to apologize unreservedly to anyone who has been affected by this."

Diin pa ng airline, “We took actions on flights to Saipan from February 2019 to help ensure US immigration laws were not undermined.”

Kumilos lamang daw sila dahil sa mga pag-alala ng mga opisyales ng Northern Mariana Islands.  Sa huli ay nagsabi ito na,“We have immediately suspended the practice while we review it.”

Basahin dito ang ibig sabihin ng faint line sa pregnancy test.  

More from Smart Parenting

Jade Lopez: Useful Ang Unan Sa Pag-Travel Kung Ikaw Ay Buntis

These Countries Require A Certificate From Pinoy Travelers That They Are Polio Vaccinated

Filipinos Traveling To South Korea May Soon Enjoy A 72-Hour Visa Free Stay

7 Bansa Sa Isang Taon! Travel Ang Madalas Regalo Kay Scarlet Snow Ng Kanyang Magulang