Paghahanda Sa New Normal! Silipin Ang Pagbabago Sa Pagbisita Sa Derma At Buffet Dining

Bagamat pinapayagan na ang shopping malls at kanilang tenants na magserbisyo muli sa publiko, kinakailangan ang kanilang istriktong pagsunod sa ipinapatupad na health protocols bilang pag-iwas sa COVID-19 at pagkalat nito. Kaya naman gumawa sila, tulad ng Belo Medical Group at buffet company Vikings, ng kani-kanilang mga hakbang at paraan.

Health protocols ng Belo Medical Group 

Sa mga sangay ng medical aesthetic clinic na pag-aari ni Dr. Vicki Belo, ibayong pag-iingat ang kanilang pinapairal. Ipinaliwanag ito ng kapwa doktor at kabiyak ni Doktora Vicki na si Dr. Hayden Kho Jr. sa kanyang Instagram account.

Ani Doc Hayden, ang pamantayan nila sa Belo Medical Group ay ang gabay sa lahat ng kanilang klinika. Aniya kinikilala na itong bilang “world-standard as it is now being referenced across the globe as the model for highest level of safety in medical aesthetics.”

Isa-isa niya itong binanggit. Unang-una, kailangan daw sumailalim sa online COVID screening ang mga pasyente bago makapag-book ng appointment. Merong artificial intelligence (AI)-powered “Aesthetic Interest Questionnaire” silang sasagutan para malaman kaagad kung ano ang beauty concern at maiwasan ang paghihintay pagdating nila sa klinika.

What other parents are reading

WATCH: Lolo Builds A Pool In Six Days For P4,000

Better Than Inflatables! Family Builds Backyard Pool For P10,000

Makakaasa naman ang mga pasyente na ligtas sila dahil regular ang COVID testing para sa mga empleyado ng Belo Clinic at may “round-the-clock sanitation” sa kinalulugaran ng mga klinika. Nagtalaga na sila ng temperature checks, disinfection mats, at sanitizer stations. Mayroon din daw silang patented Disinfecting Filtration System (DFS)-equipped air filters na nakakasala hanggang 0.003 micron particles sa bawat kuwarto.

Sa usaping medical aesthetic procedure, gumagamit sila ng acrylic barriers at plume scavenger para sa laser procedures at near-mouth procedures, pati na medical-grade far-ultraviolet C (UVC) cleaning. At sa pagsasara ng klinika para sa araw, nagsasagawa sila ng misting sa lahat ng silid at common areas. Kada linggo naman ang masusing paglilinis at disinfection.

Ang lahat ng empleyado ay required na magsuot ng sariling personal protective equipment (PPE) ng kumpanya na tinatawag nilang “Belo Genius Gear.” Masusunod nila ang social distancing sa mga pasyente kahit sa pagbabayad dahil tumatanggap sila ng contactless payment.

What other parents are reading

When Will Dine-In Restos Resume? The Dates To Note As We Get Used To GCQ Life

Robinsons Malls Offers A Safer Way To Shop During GCQ

Safety protocols ng Vikings 

Sa kabilang banda, naglabas ng safety protocols ang SM Podium branch ng Niu by Vikings sa pamamagitan ng video sa Facebook page nito. Kalakip nito ang ilang pagbabago sa sistema nila sa buffet dining sa sandaling puwede na puwede na kumain sa mga buffet restaurants.

Imbes na pumunta ang diner sa food station para siya mismo ang kumuha ng nais niyang pagkain, mananatili siya sa kanyang upuan at isusulat sa “disposable order form” ang gusto niyang kainin. Kukunin ang order form ng server at pagkatapos ihahatid nito ang pagkain sa mesa na nakabalot sa clear plastic gamit ang sanitized tableware. “Order all you can” ang pinapairal dito kaya para na ring nag-buffet ang diner dahil makakain niya ang lahat ng nais niya sa menu. 

Ngunit bago pa makapasok ang diner sa restaurant, kailangan niyang mag-fill out ng health declaration gamit ang mobile phone. Iyong may aprubadong health declaration lamang ang papapasukin at bibigyan ng temperature check.

What other parents are reading

Husband Fulfills 25th Wedding Anniversary Surprise For Wife Even After He Passed Away

Edible Cookie Dough! Yes, You Can Make These Without An Oven

Sa mesa, dalawang diner lang ang puwede maupo, at hindi dapat magkatapat ng upuan para masunod pa rin ang social distancing. May face mask paper bag sa bawat mesa para doon ilagay ng diner ang suot na face mask bago siya kumain. 

Mahigpit din ang pagpapatulad ng health and safety protocol para sa mga empleyado para masiguro ang kalinisan at kaligtasan nila at ng mga diner. Nariyan ang pagkuha ng temperature check, paglilinis ng kamay, pagsusuot ng PPEs, at pag-sanitize ng mga mesa at upuan sa kada dating ng diner.

Mayroon ding glass shield sa bawat food station, at mga arrow sa daanan para hindi magkasalubong ang mga tao sa restaurant. Sa restroom naman, automated ang faucet at flush habang may footbars ang pintuan para maiwasan ang paghawak sa mga ganoong bagay.

What other parents are reading

Who Are Allowed to Work During MECQ, ECQ, and GCQ?

Going To Mass? 3 Rules You Need To Strictly Follow During GCQ or MGCQ

OFW From Dubai Gives Birth On A Manila-Bound Plane With The Help Of Cabin Crew

Ano Ang Contactless Payment: Ang Ginhawa Na Dulot Nito Kasama Ang Hygienic Benefits