14 Photos Ng Mga Kaya Nang Gawin Ng Iyong One-Month-Old

Wala nang mas exciting pa (kahit nakakapagod) sa pagiging magulang. Lalung-lalo na kapag nakikita mo ang development ng iyong anak. 

Sa unang buwan ni baby, bagaman kaunti pa lang ang mga kaya niyang gawin, nakakatuwa pa rin itong makita. Narito ang ilan sa mga developmental milestones na maaari mong abangan.

Madalas na niyang isinasara ang kanyang kamay

O hindi naman kaya ay isinusubo na niya ito. Hindi pa niya masyadong alam kung paano igalaw ang kanyang mga kamay at paa, pero mapapansin mong pinakamadalas niyang gagawin ang ilapit sa mukha niya ang kanyang mga kamay.

Nakakangiti na siya

Siguradong wala kang tulog sa unang mga linggo at buwan ni baby, pero sulit naman ito dahil sa unang buwan niya pa lang ay nakakangiti na siya. Kadalasan ay nakikita ito ng mga nanay sa Smart Parenting Village pagkatapos na dumede ni baby.

Susubukan niyang iangat ang ulo niya kapag idinapa mo siya

Hindi pa niya ito magagawa ng matagal pero makikita mong paunti-unti niyang susubukan. 

Ibabaling na niya ang ulo niya papunta sa pinanggagalingan ng mga tunog

Kung may marinig man siyang malakas na tunog, magrereact na siya rito. Titignan ka na rin niya kapag kinausap mo siya. 

Ilan lamang ito sa mga maaari mong asahang magawa na ng iyong anak kapag nag isang buwan na siya. May ibang mga bata pa ngang nagma-make face na at ang ilan ay nagtataas na ng braso. Tandaan na iba-iba ang mga bata—iwasang ikumpara ang iyong anak. Kung nag-aalala ka na nahuhuli ang development ng iyong anak, maaari mong tignan ang listahan na ito.

Marami ka pang maaaring matutunan tungkol sa development milestones ng iyong anak sa aming online communities na Parent Chat at Smart Parenting Village.