Baby Food Recipes: 5 Ideas Para Sa Unang Pagkain Ni Baby

Para sa mga first time mommies tulad ko, exciting talagang magresearch at magbasa tungkol sa mga dapat at hindi dapat ipakain sa ating mga anak. Sa katunayan, bago pa nga mag anim na buwan ang anak ko, marami na akong naipon na recipes. 

Madalas rin akong maghanap ng mga pwedeng ihanda sa mga Facebook groups tulag ng Smart Parenting Vllage. Marami kasing nanay ang nagbabahagi doon ng mga baby food recipes na tried and tested na nila para sa mga anak nila. Nariyan din ang Facebook pages tulad ng The Nanay Avenue (Facebook: @nanayavenue) na marami ring ibinabahaging recipes na pwedeng subukan. 

Bukod pa sa payo ng ating mga magulang, sa mga nababasa natin sa libro, at nakikita natin sa internet, marami rin tayong madedevelop na recipes habang patuloy tayong nag-eexperimento ng mga pinakamasasarap at masusustansiyang pwedeng ipakain sa ating mga anak.

What other parents are reading

Baby Food For 6 to 9 Months Old: 3 Easy and Expert-Approved Homemade Recipes

Baby Food For 9 Months And Up: 3 Healthy and Yummy Recipes For Your Adventurous Eater

Anu-ano nga ba ang mga pagkaing pwedeng ibigay sa mga babies edad anim na buwan pataas?

Ayon sa mga experto, ang mga pagkaing maaaring ibigay sa mga sanggol ay kailangang siksik sa mga sustansya na kailangan niya sa kanyang paglaki. Magbabago ito kasabay ng pagtanda ng bata. Inirerekomenda nila ang pagpapasuso lamang sa mga sanggol sa unang anim na buwan dahil sapat na ang sustansya at mineral na mayroon sa breastmilk para tustusan ang pangangailangan ng iyong anak.

Sa kanyang paglaki o pagtungtong niya ng pitong buwan pataas, kakailanganin na nilang kumain ng ibang pagkain para makakuha ng mas maraming sustansya na hindi na maibibigay ng gatas lamang ng ina. Sa complementary feeding, importante ang balanse ng mga ibibigay mo sa iyong anak. Kailangan ding tiyakin na huwag mo itong lalagyan ng asin at asukal hanggat wala pang isang taon ang iyong anak.

What other parents are reading

Baby Food for Constipation: Recipes to Help Ease the Condition

Baby Food Pouches Are Convenient, But Don't Rely on It So Much

Narito ang limang baby food recipes na aking sinubukan:

1. Mangga at saging

Mga sangkap:

½ piraso mangga, hinog at katamtamang laki

1 piraso saging, latundan, hinog 

Paraan ng pagluluto:

1. Hugasan at balatan ang mangga at saging. 
2. Durugin ang bawat isa hanggang lumapot.
3. Pagsama-samahin ang mangga at saging. Haluing mabuti at ihain. 

Para sa recipe na ito, maaaring gumamit ng iba’t ibang uri ng prutas o maaari rin naman magdagdag ng gatas lalo na kung naninibago pa si baby sa lasa. Ang dami at uri ng gatas ay maaaring baguhin depende sa nakasanayan ng bata.

What other parents are reading

Baby Food Processor: How to Pick the Right Kitchen Magician!

Your Baby Food Guidebook: When to Start, What to Feed Him and Recipes!

2. Lugaw na may gatas, kalabasa at malunggay

Mga sangkap:

 ½ tasa tubig 

¼ tasa kanin

 ½ tasa kalabasa, binalatan at hiniwa sa katamtamang laki 

1 kutsara dahon ng malunggay, ginayat ng maliliit

breastmilk / formula milk

Paraan ng pagluluto:

1. Sa isang katamtamang laki ng kaldero, ilagay ang tubig, kanin, at kalabasa.
2. Pakuluin ng limang minuto. Haluin.
3. Idagdag ang ginayat na malunggay at pakuluan ng tatlong minuto. Ipagpatuloy ang paminsan-minsang paghalo. Alisin sa init at palamigin ng kaunti.
4. Durugin ang kanin at kalabasa hanggang makabuo ng magaspang na masa. Ilipat sa malinis na mangkok at ihain.
5. Ihalo ang breastmilk o formula milk bago ipakain kay baby.

Para sa recipe na ito, maaaring palitan ang kalabasa ng patatas o 'di kaya'y kamote, depende sa kung anong nais mong unang ipakain sa baby mo.

What other parents are reading

Pinay Mom Shares Over 20 Baby Food Recipes Using Local Ingredients

How to Prepare Baby Food Safely: 7 Vital Tips to Be 'Maingat'

3. Sopas na may halo-halong gulay

Mga sangkap:

3 tasa ng tubig

1/4 tasa carrots, binalatan at hiniwa para maging maliit na kwadrado

1/3 tasa patatas, binalatan at hiniwa para maging maliit na kwadrado

2 tasa upo, binalatan at hiniwa para maging maliit na kwadrado

1 kutsara kamatis, hiniwa para maging maliit na kwadrado

1/2 tasa repolyo, hiniwa para maging maliit na kwadrado 

3 kutsara malapot na lugaw 

Paraan ng pagluluto:

1. Ilagay lahat ng sangkap sa kaldero at pakuluan ng 20 minuto o hanggang lumambot na ang mga gulay. Tanggalin sa init. 
2. Durugin ang mga gulay hanggang makuha ang puree o pinakasabaw.
3. Dagdagan ang nakuhang sabaw o katas ng gulay ng tatlong kutsarang malapot na lugaw. Haluin ng mabuti. Ilagay sa mangkok at ihain.

What other parents are reading

Make Baby Food From Natural Ingredients! Here Are 3 Easy Recipes

No Time to Cook? These Baby Food Recipes Take Only 10 Minutes to Make

4. Lugaw na may upo

Mga sangkap:

3 tasa tubig 

¼ tasa carrot, binalatan at hiniwa para maging maliit na kwadrado

1/3 tasa patatas, binalatan at hiniwa para maging maliit na kwadrado 

2 tasa upo, binalatan at hiniwa para maging maliit na kwadrado

3 kutsara malapot na lugaw

Paraan ng pagluluto:

1. Pakuluan ang lahat ng sangkap ng 20 minuto o hanggang malambot na ang mga ito. Tanggalin sa apoy at itabi.
2. Durugin ang mga gulay hanggang makuha ang puree o sabaw. 
3. Dagdagan ang puree o sabaw ng tatlong kutsara ng malapot na lugaw. Haluing mabuti. Ilagay sa mangkok at ihain.

Maaaring baguhin ang recipe sa pamamagitan ng paggamit ng ibang gulay maliban sa upo, tulad ng sayote, papayang pang tinola o kaya naman ay raddish.  Maari na din subukang haluan ng itlog lalo na pag nasa edad sampung buwan pataas na ang sanggol na kakain para na rin sa karagdagang sangkap at sustansya.

What other parents are reading

Marian Rivera Shares Easy-to-Cook Homemade Baby Food Recipe

Check Out These Baby Food Recipes by Marian, Jennica and More

5. Ginataang patatas at kalabasa

Mga sangkap:

½ tasa tubig 

½ tasa patatas, binalatan at hiniwa para maging maliit na kwadrado 

1 kutsarita kalabasa, binalatan at hiniwa para maging maliit na kwadrado 

¼ tasa kakang gata ng niyog 

1 kutsarita mantika 

Paraan ng pagluluto:

1. Pakuluan ang patatas at kalabasa ng sampung minuto o hanggang malambot na ang mga ito. 
2. Durugin sa kaldero gamit ang sandok.
3. Idagdag ang gata at mantika. Haluing mabuti at lutuin ng tatlo hanggang limang minuto. Haluin para hindi dumikit at masunog.
4. Alisin sa apoy at ilipat sa malinis na mangkok. Ihain.

What other parents are reading

Mommy Hack of the Week: What to Do with Baby Food Jar Bottles

Making Your Own Baby Food? There Is One Thing You Need to Avoid

Maaaring hindi maging madali ang pagpapakilala sa ating mga anak ng iba't-ibang uri ng mga pagkain, prutas, at gulay. Ang mahalaga ay regular mo silang papatikimin ng mga ito para masanay sila sa lasa at magustuhan nila itong kainin hanggang sa kanilang pagtanda. 

Ayon sa aking sariling karanasan, kailangan natin ng mahabang pasensya kapag nasa punto na tayo ng pagpapakilala ng mga solid foods sa ating mga anak. Napagtanto ko rin na kailangan ay walang distractions tulad ng TV, cellphone, at laruan habang pinapakain ang mga bata. Sa murang edad pa lang kasi, importante na maituro sa kanila na sa oras ng pagkain, wala kang ibang dapat gawin kundi kumain.

What other parents are reading

This Mom Has A Different Way Of Dealing With Picky Eaters

5 Hacks From Parents Of Picky Eaters: 'Pretend It's Their K-Pop Idol's Favorite Food!'

Siniguro ko rin na hindi ko siya pipiliting kumain kung ayaw niya. Hinahayaan ko siyang magpakita ng sarili niyang cues kung gusto pa niyang kumain. Ngayon, mahigit isang taong gulang na siya at hindi siya pihikan sa pagkain. Sa katunayan, ilan sa mga paborito niyang kainin at mga gulay at prutas tulad ng okra, sitaw, orange, avocado, at pakwan.

Minsan nakaka-stress kung ayaw talagang kumain ng mga anak natin. Makakatulong na huwag silang pagalitan at hayaan lang silang magbigay ng kanilang mga cues. Maging innovative at inventive din pagdatin sa paggawa ng kanilang mga pagkain, para mas mahikayat pa silang tumikim ng iba't-ibang recipes.

What other parents are reading

Research Says This Simple Food Hack Actually Works on Picky Eaters!

4 Ways to Prevent Your Baby From Growing Up to Be a Picky Eater

This Hollywood Celeb Mom Made a DIY Menu for Picky Eaters and You Can Copy It!

6 Simple Ways to Change Your Child's Picky Eating Habits, According to a Pediatrician