embed embed2
  • Tapos Na Ako Sa COVID-19 Vaccine. Puwede Pa Rin Ba Akong Kumuha Ng Flu Vaccine?

    May sagot ang doktor, pati na sa iba pang klase ng bakuna.
    by Jocelyn Valle .
Tapos Na Ako Sa COVID-19 Vaccine. Puwede Pa Rin Ba Akong Kumuha Ng Flu Vaccine?
PHOTO BY Shutterstock
  • Sa pagpapatuloy ng COVID-19  vaccination program sa bansa, lumalaki ang tyansa na makarating ang bakuna sa mas maraming mamamayan. Kaya dumarami rin ang mga katanungan na may kinalaman sa partikular nilang sitwasyon.

    Isa sa mga tanong ng karamihan ay kung puwede pa silang makatanggap ng dati ng mga bakuna, tulad ng flu vaccine na kada taon ang kanilang schedule. Meron ding pneumococcal vaccine, na kada limang taon naman ang pagtuturok, at marami pang iba depende sa pangangailangan.

    Ang sagot: "Oo." Ito ay ayon kay Dr. Anna Ong-Lim, isang pediatric infectious disease specialist at chief ng Infectious and Tropical Disease (Pediatrics) ng UP Philippine General Hospital.

    Si Dr. Ong-Lim ang naging guest speaker sa Sandwich Sessions na inorganisa ng Summit Media para sa mga writers at editors nito, kabilang ang SmartParenting.com.ph.

    Paalala lang niya na kailangan ng two-week interval. Ibig sabihin, bago o pagkatapos mong makatanggap ng COVID-19 vaccine, kailangan may dalawang linggo na pagitan sa iba pang klase ng bakuna.

    Sa ganitong paraan daw maiiwasan ang pagkakaroon ng pagkalito o confusion. Aniya, "Kasi siyempre kapag may naramdaman ka after the vaccination, you want to know saan ba nanggaling ’yon? Whether this vaccine or that vaccine. Just to avoid confusion."

    Iyan din daw ang dahilan kung bakit pinapayuan ang mga katatapos lang makatanggap ng COVID-19 vaccine na maghinay-hinay muna sa mga regular na gawain.

    Saad pa ni Dr. Ong-Lim, "The precautions that are implemented after vaccination are really just to avoid being confused if you develop some kind of symptoms. Kasi after vaccination, talagang may mararamdaman.

    ADVERTISEMENT - CONTINUE READING BELOW

    "’Yung iba nagkakaroon ng konting pain sa side, namamaga. ’Yung iba, nilalagnat, nahihirapan ang katawan, nanghihina. If you expect already that you’ll feel something after vaccination, and you unduly stressed your body by nagpuyat ka pa, uminom ka pa, or nag-exercise ka, nag-marathon ka.

    "Parang ang hirap tuloy matukoy kung saan nanggaling ang nararamdaman mo. That’s just the reason we ask you to restrict your activities. If you’re not feeling anything, there’s really no point in asking you to stay home and magtago ka na lang. It really depends on how each person reacts."

    What other parents are reading

    CONTINUE READING BELOW
    Recommended Videos

Smart Parenting is now on Quento! You will love it because it personalizes news and videos based on your interests. Download the app here!

Don't Miss Out On These!
View More Stories About
Trending in Summit Network
View more articles