'Nakaka-Hurt Ng Feelings,' Kaya Naglabas Si Nadine Samonte Ng Proof Na Kamukha Ang Anak

Ibinahagi kamakailan ni Nadine Samonte ang pinagtabing baby picture niya at ang litrato ng kanyang baby daughter na si Harmony Sage.

Lahad ng actress at mom of three sa caption ng kanyang Instagram post, "Sa mga nagssbi na hindi ko kamukha si Harmony ayan proof na yan."

Paliwanag niya, "Kasi lagi n'yo sinsbi wala akong kamukha sa mga anak ko nakakahurt ng feelings un ah."

Dagdag niya pang detalye, "So thats me and my Mama and sa kabilng picture si Harmony. Wala lang just sharing."

Ibinahagi rin ni Nadine sa ang ilang kuha mula sa first birthday photo shoot ni Harmony, kung saan kasama nilang mag-ina ang asawa niyang si Richard Chua.

May dalawa pang anak sina Nadine at Richard. Ang panganay nilang si Heather Sloane ay 6 years old, samantalang 3 years old naman ang middle child at only boy na si Austin Titus.

Sa bawat pagbubuntis ni Nadine sa kanyang tatlong anak, matinding pagsubok ang kanyang  pinagdaanan. Meron kasi siyang polycystic ovary syndrome (PCOS) at antiphospholipid antibody syndrome (APAS) na sanhi ng kanyang delicate pregnancy ng tatlong beses.

Bagamat pantay ang kontribusyon ng mga magulang sa magiging itsura ng kanilang mga anak, sinasabing lamang ang impluwensya ni mommy sa IQ ni baby. Basahin dito.