.jpg)
Kamakailan nga ay tinalakay na natin sa ilang naunang Smart Parenting articles ang pagod at puyat. Marami kasi sa atin ngayon ang hirap makatulog, gawa na rin ng anxiety dahil sa mga nangyayari sa paligid natin.
Isa sa mga kilalang naidudulot ng puyat at pagod ang pagkakaroon ng eye bags. Para sa ilang tao, ang eye bags ay ang pamamaga ng ilalim na bahagi ng kanilang mga mata. Ngunit para sa karamihan, ito ay iyong pangingitim ng ilalim ng mata.
Kusa naman itong mawawala, ngunit maaari itong manatili kung mayroon kang mga unhealthy habits na hindi mo babaguhin.
Bakit nagkakaroon ng eye bags?
Kulang ka sa tulog
Habang natutulog ka, may mga fluids na naiipon sa tissue ng mga mata mo. Kung hindi sapat ang tulog na nakukuha mo, maaaring mag-leak ang iyong mga blood vessels. Hahalo ang leak na ito sa fluids na mayroon na sa mata mo. Ito ang siyang magiging sanhi ng eye bags.
ADVERTISEMENT - CONTINUE READING BELOWMayroon kang allergies o sinus problems
Ang mga allergies ay nagdudulot ng pamamaga sa sinus tissues. Maaari itong maging dahilan para magmukhang maalsa ang laman sa ibaba ng iyong mga mata.
Paninigarilyo at pag-inom
Ang mga bisyong ito ay maaaring makaapekto sa iyong pagtulog. Bukod pa riyan, nakakaapekto rin sa elasticity ng iyong balat ang paninigarilyo habang ang pag-inom ng alcoholic drinks naman ay maaaring maka-dehydrate sa iyo.
Bukod pa sa mga nabanggit, maaari ring magdulot ng eye bags ang hindi mo pag-aalis ng makeup, overexposure sa araw, at sobrang pagkain ng mga maaalat na pagkain.
What other parents are reading
Paano maiiwasan ang eye bags?
Matulog nang sapat at nasa tamang oras
Dapat ay tama ang haba ng tulog mo sa edad mo. Mararamdaman mo sa katawan mo ang resulta ng sapat na tulog. Bukod sa mas magiging mahaba ang pasensya mo, maiiwasan mo pa ang pagkakaroon ng eye bags.
Pwede ka ring magdagdag ng isa pang unan para maiwasan ang pagkakaroon ng fluids sa iyong mga mata.
CONTINUE READING BELOWwatch nowIwasan ang labis na pag-inom at paninigarilyo
Bukod kasi sa nakakapagdulot ito ng eye bags, maaari rin itong maging sanhi ng marami pang mga karamdaman tulad ng cancer at cardiovascular diseases.
Ugaliing maghilamos bago matulog
Huwag na huwag mong hahayaang makatulog ka nang hindi naghihilamos, lalo na kung nagsusuot ka ng makeup.
Malaki rin ang maitutulong ng mga simpleng skincare routine para masigurong maayos ang pagdaloy ng mga fluids sa iyong mukha.
Gumamit ng eye cream na may retinoid
Pinapagana ng retinol ang produksyon ng collagen sa iyong mata. Madali lang hanapin ang mga eye creams na may retinoid sa mga pangunahing drug stores at beauty shops online.
Gumamit ng sunscreen
Maaari ring magdulot ng eye bags ang labis na exposure sa araw. Kaya naman, dapat ay lagi kang gumagamit ng sunscreen. Hindi lang iyong inilalagay sa katawan, kundi iyong inilalagay sa mukha.
Magtanong sa doktor tungkol sa iyong allergies
ADVERTISEMENT - CONTINUE READING BELOWImportanteng maresetahan ka ng antihistamine kung mayroon kang allergies. Kung hindi mo kasi hahanapan ng lunas ang iyong allergies, hindi magiging mabisa ang mga gagawin mong hakbang na pangtanggal ng eyebags.
Gumamit ng essential oils
Ihalo mo lang ang iyong paboritong essential oil sa coconut oil at saka mo ilagay sa iyong mga mata. Rose geranium, fennel, lavender, German chamomile, at rosemary ang ilan sa mga mabibisang essential oils pangtanggal ng eyebags.
Uminom ka ng maraming tubig
Marami ngang nalulunasan ang pag-inom ng tubig. Isa na riyan ang pagkakaroon ng eye bags. Kapag kasi dehydrated ka, mag-iimbak ang katawan mo ng tubig sa iba't-ibang bahagi nito. Kabilang na riyan ang ilalim ng iyong mata.
Bukod sa libre na ngang pangtanggal ng eye bags ang tubig, nababawasan din nito ang toxins sa iyong katawan.
Kumain ng mga pagkaing mayaman sa Vitamin C
Makakatulong ang regular na pagkain ng mga pagkaing mayaman sa vitamin C para makagawa ang katawan mo ng mas maraming collagen. Ang collagen ay isang protina na makakatulong para mas maging malusog ang iyong balat, lalong-lalo na ang nasa ilalim ng iyong mata.
ADVERTISEMENT - CONTINUE READING BELOWIlan sa mga pagkaing mayaman sa vitamin C at mabisang pangtanggal ng eye bags ang bell peppers, strawberries, broccoli, cabbage, cauliflower, blueberries, grapefruit, at lemon.
Labanan ang iron deficiency
Isa ring mabisang pangtanggal ng eye bags ang pagkain ng mga pagkain sagana sa iron. Pwede ka ring uminom ng mga iron supplements kung hindi ka kumakain ng red meat, pork, poultry, seafood, beans, spinach, raisins, apricots, at peas.
What other parents are reading
Ilan lamang ang mga ito sa mga mabisang pangtanggal ng eyebags. Kailangan mo lang talagang siguraduhin na maayos ang iyong lifestyle, nakakakuha ka ng sapat na tulog, at nakakakain ka na tama.
Problemado ka ba sa eye bags mo? Anu-ano ang mga nasubukan mo nang solusyon? I-share mo lang iyan sa comments section.
What other parents are reading
