4 Signs Na Dapat Ipatingin Sa Doktor Ang Rashes Ni Baby, Ayon Sa Pedia

Fact-Checked by Ronna Capili Bonifacio

Ang article na ito ay unang naipublish noong Abril 19, 2021. Nadagdagan ito ng updates noong Pebrero 28, 2024.

Editor's Note: Ang sumusunod ay for educational at informational purposes lamang. Huwag pong gamitin ito na kapalit ng doktor. Mahalaga na kumunsulta sa doktor para sa medical advice na bagay sa pangangailangan mo.

Dahil maselan pa ang balat ni baby, hindi kataka-taka na madali itong mamula at mamantal. Huwag mabahala dahil may gamot sa rashes, halimbawa, sa mukha ng baby. Basta, ayon sa mga eskperto, malaman mo ang sanhi at bantayan ang paglala nito.

Common types of baby rash

May ilang dahilan kung bakit namumula at namamantal ang balat ni baby. Kaya iba-iba rin ang uri ng baby rash at paggamot sa mga ito. Nagbigay ng paliwanag si Dr. Claire Chan Lim, isang pediatrician, sa interview niya sa SmartParenting.com.ph.

Diaper rash

Sabi ni Dr. Lim, nagkakaroon ng diaper rash kapag naiirita ang balat ng sanggol. Maaaring sanhi ito ng pawis, ihi, o di kaya dumi sa suot na diaper ni baby. Makakatulong daw kung:

• Dalasan ang pagpapalit ng diaper. Kapag naihian o nadumihan na ito ni baby, palitan na kaagad para hindi magkaroon ng pagkakataon na mairita siya.
• Punasan ang puwitan ni baby gamit ang soft wet cloth o di kaya linisan gamit ang mild soap at tubig. Iwasan gumamit ng prepackaged baby wipes na may halong alcohol at iba pang chemicals na lalong makakairita sa balat ni baby.
• Pahiran ng barrier cream ang puwitan ni baby sa tuwing papalitan siya ng diaper. Piliin iyong gawa sa zinc oxide. Iwasan ang paglalagay ng baby powder sa puwitan ni baby.
• Maghugas muna ng mga kamay bago at pagkatapos palitan ng diaper si baby upang maiwasan ang infection mula sa diaper rash.

Eczema

Kadalang inuugnay ang eczema sa baby rash kung ang mga magulang ay may family history ng atopy o allergy, ayon kay Dr. Lim. Maaaring allergic si baby sa cow's milk o isang pagkain, pati na sa laundry detergent o fabric conditioner bilang panlaba sa kanyang mga damit. Puwede ring sensitive siya sa pagbabago-bago ng panahon.

Para maibsan ang nararamdaman ni baby, subukan na:

• Panatiliing malinis at tuyo ang parte ng katawan na apektado ng baby rash.
• Pahiran ng moisturizer o emollient ang affected area.
• Kung paliliguan si baby, saglit lang gamit ang maligamgam na tubig.
• Ipatingin si baby sa doktor para malaman ang sanhi ng kanyang allergy at maiwasan ang kanyang exposure sa allergen.
• Painumin ng anti-histamine medicine si baby kung may reseta ng doktor.

Heat rash o prickly heat

Nagkakaroon ng bungang-araw (heat rash o prickly heat) si baby kapag sobra siyang magpawis at nagkakaroon ng bara sa kanyang sweat glands. Ang nangyayari tuloy, naiipon ang pawis sa ilalim ng balat at nagkakaroon ng red bumps at blisters.

Uso ang bungang-araw kapag summer dahil sa mainit at humid na panahon. Mabilis itong sumulpot sa mukha at mga singit sa leeg, braso, binti, at dibdib. Kaya makakabuti kung iwasan na suotan si baby ng masisikip na damit.

Bug bites

Kapag maliliit, makakati, at masakit ang baby rash, malamang na mula iyon sa kagat ng mga insekto at kulisap, tulad ng lamok, langgam, at ticks. Makakatulong ang soothing cream bilang gamot sa rashes tulad ng sa mukha ng baby. Piliin ang soothing cream na calamine at sterioids-like hydrocortisone.

When to see a doctor

Kung hindi umuubra ang home remedies, posibleng hindi na lang pangkaraniwang baby rash ang nararanasan ng anak mo. Payo ni Dr. Lim na komunsulta kaagad sa doktor kapag:

• May lagnat si baby habang patuloy ang pamumula at pamamantal ng kanyang balat. Ang mga ganyang klase ng rashes ay puwedeng "infectious in origin," sabi ni Dr. Lim.
• Lampas isang linggo na ang rashes sa mukha at katawan ni baby.
• Kumakalat ang rashes sa buong katawan at kasabay nito ang respiratory symptoms, gaya ng pag-ubo, paghalak, at pagsusuka.
• Bukod sa lagnat, mayroon pang nararamdaman si baby na stiff neck, seizure o di kaya di mapigilan na pangangatog, at sensitivity sa ilaw. Posibleng sanhi ito ng infection of the brain o meningococcemia.

Baby rash prevention

Para maiwasan ang baby rash, maaaring gawin ng magulang ang sumusunod:

• Dalasan ang pagpapalit ng diaper ni baby
• Piliin ang irritant-free laundry detergent
• Suotan si baby ng "comfortable, breathable fabrics" gaya ng cotton
• Panatiliin na malinis at tuyo ang balat ni baby
• Iwasan na ipahawak, ipahalik, at ipakarga si baby sa ibang tao
• Bantayan ang pagkain na nagbibigay ng skin reaction kay baby
• Gumamit ng shampoo na sadya para sa sensitive skin ni baby at sabon na rin bilang gamot sa rashes sa mukha ng baby
• Sikapin na makumpleto ang bakuna ni baby

Frequently asked questions about baby rash

Maaaring magdulot ba ng rashes ang pagtubo ng ngipin sa mga sanggol?

Oo, maaaring magkaroon ng rashes sa ilalim ng bibig o sa baba ng isang sanggol habang sila ay nagtutubuan ng ngipin. Ito ay dahil sa pagtaas ng laway sa lugar na iyon na maaaring magdulot ng pagka-irita sa balat. Subalit, hindi lahat ng mga rashes sa panahon ng pagtubo ng ngipin ay direktang kaugnay ng pagtubo ng ngipin. Mahalaga pa rin na bantayan ang mga rashes at konsultahin ang doktor kung may mga kakaibang sintomas na kasabay nito.

Ligtas bang gamitin ang essential oils sa balat ng sanggol?

Hindi lahat ng essential oils ay ligtas para sa balat ng sanggol, lalo na ang kanilang balat ay sensitibo pa. Maraming essential oils ang maaaring maging sanhi ng pagka-irita, pagdudulot ng allergic reaction, o paminsang nakakasama sa kanilang kalusugan. Mahalaga na kumonsulta sa doktor o sa isang lisensiyadong aromatherapist bago gamitin ang anumang essential oils sa sanggol.

Paano malalaman kung ang rashes ng aking sanggol ay senyales ng allergic reaction?

Ang ilang mga senyales na ang rashes ng sanggol ay maaaring senyales ng allergic reaction ay kabilang ang pagkapula ng balat, pamamantal, pagkakaroon ng butlig o pantal, at pananakit o pagkati sa lugar na apektado. Kung mayroon kang agam-agam, mahalaga na kumonsulta sa doktor upang matukoy ang sanhi ng rashes at makakuha ng tamang gabay sa paggamot.

Ano ang papel ng pagkain sa pag-unlad ng rashes sa sanggol?

Ang ilang uri ng pagkain ay maaaring magdulot ng reaksyon sa balat sa ilang mga sanggol. Kabilang dito ang mga pagkaing may mataas na cholesterol, gatas, itlog, nuts, at iba pa. Mahalaga na bantayan ang reaksyon ng sanggol sa bawat bagong pagkain at konsultahin ang doktor kung may mga allergy o reaksyon na nakikita.

Basahin dito ang urticaria sa mga bata.