First-Time Mom Realizations Ni Sophie Albert: 'You Really Lose Yourself'

Marami sigurong first-time mom ang makakarelate sa aktres na si Sophie Albert. Hindi pa man raw pinapanganak ang kanyang baby na si Avianna Celeste ay marami na siyang plano para dito.

Pero kahit anong pag-pa-plano pala ay maaari pa ring magbago. Ganyan siguro talaga ang buhay nanay.

Ibinahagi ni Sophie sa SmartParenting.com.ph sa latest episode ng Dibdibang Usapan na malaki ang naging adjustment niya bilang isang ina, mula sa mga expectations niya pagdating sa pagpapalaki kay Avianna at sa mga bagay na hindi na niya magawa tulad ng dati.

“I wasn’t able to work, I wasn’t able to do anything. Since becoming a mom, parang you really lose yourself. Because you’re so focused on your baby,” aniya.

Pero hindi naman raw niya nagsisisi at lalong hindi niya ipagpapalit ang mga moment na ito. Ayon kay Sophie, noong nag-taping siya para sa isang palabas ay narealize niyang hindi pa siya ready na bumalik sa showbiz. Mas mahalaga kasing hindi niya ma-miss ang mga developmental milestone ng kanyang anak.

“Eventually, I’ll feel it when Avianna and I are both ready,” sabi niya.

Panoorin ang journey ni Sophie bilang first-time mom sa latest episode ng Dibdibang Usapan: