May Dagdag Na Panganib Sa Mga Buntis Na May COVID-19

Mas maliit ang tsansa ng mga buntis na makaramdam ng sintomas ng COVID-19 gaya ng lagnat at pananakit ng katawan kumpara sa mga hindi buntis ng parehong edad. Pero mas malaki naman ang posibilidad na ipasok sila sa intensive care unit (ICU) para magamot, ayon sa isang pagsusuri.

Kabilang sa risk factors para sa malalang kaso ng COVID-19 sa mga buntis ang pataas nilang edad, palaking pangangatawan, at pagkakaroon ng higit sa isa pang karamdaman o kondisyon (pre-exisiting conditions).

May dagdag na panganib sa mga COVID-19 positive na buntis na mapaaga ang kanilang panganganak kesa sa mga buntis na hindi dinapuan ng nakahahawang sakit dulot ng novel coronavirus.

What other parents are reading

Mas Lamang Pa Rin Ang Benepisyong Hatid Ng Breast Milk Kumpara Sa Panganib Ng COVID-19

The Best Time To Take A Swab Test For COVID-19 Before Giving Birth, According To A Doctor

Ang mga ito ang napag-alaman ng mga researcher sa isang pag-aaral na posted online sa The BMJ, na dating kilala bilang British Medical Journal, nitong September 1, 2020.

Gumawa ang mga researcher ng isang “living systematic review and meta-analysis” ng kasalukuyang 77 studies sa mga buntis na pinaghihinalaan pa lang o di kaya kumpirmadong COVID-19 positive na. 

Layunin ng kanilang review at analysis na ikumpara ang clinical features, risk factors, at outcomes ng mga darating pang kaso at kaparehong pag-aaral. Kaya maaaring i-update nila ito pagkaraan ng dalawang taon para maipasok ang mga bagong datos.

What other parents are reading

5 Water Filtration Systems For Small Spaces (As Low As P2,000!)

6 Kiddie Savings Accounts Moms Choose For Their Newborns (Savings And Insurance In One!)

Paalala para sa buntis sa panahon ng COVID-19

Base sa mga datos na hawak nila, may paalala at suhestiyon ang mga researcher sa pangunguna ni John Allotey, isang research fellow sa epidemiology and women’s health ng University of Birmingham sa United Kingdom. 

Anila, dapat daw malaman ng mga healthcare professionals na ang mga buntis ay maaaring magpakita ng mas kaunting sintomas ng COVID-19 na pangkaraniwan naman sa mga nakararami. Sa ganitong paraan, matutugunan kaagad ang pangangailangan ng mga pasyenteng buntis lalo na’t mas malaki ang posibilidad na madala sila sa ICU at magkaroon sila ng pre-term birth.

Inaasahan naman ng mga researcher na lalawak pa ang kanilang review at analysis sa pagtatag ng “new national and global perspective cohorts of COVID-19” at lubusang magpag-aralan ang “impact of new findings on the rapidly growing evidence base.”

What other parents are reading

Triplets Sa Mexico Positibo Sa COVID-19 Nang Isilang Sila

COVID-Positive Mom Says Breastfeeding Saved Her Baby: 'It Is Made For Her And Her Needs'

Husband Honors Wife, The U.P. Singing Doctor, Who Died After Second Bout With COVID-19

Buntis Pumanaw Dahil Sa COVID-19 Matapos Ang Surprise Baby Shower