'Ano’ng Pake Mo Sa Bacon Brief Ko?!' Dad Explains Why Wife Shouldn't Throw Husband's Worn Undies

The following story came straight from the man behind the DadbudPH Facebook community, with over 36,000 member dads as of writing. 

Smart Parenting's objective, now more than ever, is to include dads in parenting and marriage conversations. We want to provide a judgment-free space where they can voice out their unique points of view, whether majority agrees or not. Smart Parenting remains to be a platform that's  pro-parents, and that includes dads.

Hear from content creator Joey Ong, 43 years old, husband to Ciara, and father to a cute toddler named Joselito.

'Ano’ng pake mo sa bacon brief ko?!' 

Siguro kung may isang bagay na talagang common sa halos lahat ng kalalakihan, ito na yun: ang super special, my precious, ultra-comfortable na bacon brief.

Relate ka ba? Keep on reading, bud. You might say ito na ang magpapaunawa kay misis kung ba’t nga ba mahal na mahal natin ang lumang brief na ‘yan.

They say, men are from Mars and women are from Venus. May katotohanan ito, especially when it comes to underwear.

Isipin nyo na lang, ang babae gagastos ‘yan para makabili ng special underwear for every occasion. May pang formal, pang sports, pang beach, pang jeans at pang kung anu-ano pa.

Tayo naman, one brief fits all.

Kung pwede nga lang na hindi na labhan yan eh, kasi hindi naman tayo gaanong concerned. Tama ba? Basta kumportable at may kapit pa ang garter, sige lang; maski iilan pa ang butas niyang Bench mula noong kapanahunan pa ni Goma. 

Si misis, bibili yan ng special underwear for that special night kung kailan malaki ang chance na masusundan si panganay. Talagang may catalogue pa na pagpipilian, to spice up the relationship and bring out the tiger in us.

Nakakita ka na ba ng catalogue ng brief? Actually, nagawa mo na ba 'yan? Yung bumili ng magarang brief para akitin si misis? Parang bomalabs ata, bro.

Here are a few reasons kung bakit sa tingin ko, hinding-hindi natin kayang bibitiwan ang oldie-but-goodie briefs na ‘yan.

1. 'Yung pinaka-basic siguro ay yung comfort level na hatid nito.

Imagine what it’s for, di ba?

We have our two most important jewels down there rubbing in between our legs when we are walking, running, sitting, riding a motorcycle. Basically kahit anong kilos natin, may ganap dyan sa baba. Kaya naman it’s got to be as comfortable as possible.

Yung brief or boxers na kasama na natin for more than 10 years, talagang mas malambot pa sa baby powder yan. Nagkaron na yan ng relationship with our balls na maaaring mas malalim pa kaysa samahan ninyong mag-asawa.

They get each other completely.

The feeling na “nandiyan pero wala”. We put it on then we forget about it.  There’s just that sense of security that our boys are well taken care of, di ba? No 'break in' needed.

2. Praktikal lang: kailangan ba talaga ng bago?

Minsan iniisip ko, kailangan ko pa ba talagang magbrief e nasa bahay lang naman? Magbababad lang naman ako sa computer buong araw so bakit pa? The worn out, butas-butas, kita-pwet brief is the perfect companion for days like these.

Dito masusukat ang samahan ninyong mag-asawa. (See babe, wala akong tinatago sa’yo.)

3. It's a good trade-off for more important splurges.

Kidding aside, I think there is a deeper meaning to this; and there is a reason why we’re even so proud of them.

It is a feeling of being grounded: pang-alis guilt kapag bumili ka ng mamahaling sapatos or gumastos ka sa motor mo. Yung meron kang babalikan at masasabing, “Eto ngang brief ko butas-butas, pero ok lang.”

Ito yung bala mo ‘pag nagalit si misis dahil nagpabudol ka na naman ng bagong Gundam toy. Madaling ipakita at totoong kaawa-awa nga talaga.

Yung bacon brief na sa mata nila ay pinagtitiyagaan mo na lang dahil sa pagsasakripisyo mo sa pamilya. Pero yung totoo, sobrang special pala nito.

Minsan naging basahan na, nalabhan, naibalik ulit sa drawer…and back in service!

Sigurado akong maraming beses nang inisip ni misis na itapon ito. Advise sa mga Misis, don’t even dare.

Ang kuwento ng bacon brief ay relatable sa halos lahat ng lalake. It’s something we flex during inuman, yung tipong mas laspag mas ok. Napag-uusapan sa mga chat groups at talagang nakakatuwa rin isipin kasi oo nga naman, ano nga ba ang paki mo sa bacon brief ko?

Mayroon ka bang kwentong brief? Ilagay mo na 'yan sa comments section and be heard!