Mga Bawal, Tradisyon, At Iba Pang Pamahiin Tuwing Holy Week

Ang article na ito ay unang naipublish noong Marso 31, 2021. Nadagdagan ito ng updates noong Disyembre 29, 2023.

Nakalakihan na ng karamihan ang mga tradisyon alinsunod sa Christian faith tuwing panahon ng Semana Santa o Holy Week.

Nagsisimula ang mga ito sa Palm Sunday at tumutuloy sa Huwebes Santo (Maundy Thursday), Biyernes Santo (Good Friday), Sabado de Gloria (Black Saturday), at nagtatapos sa Linggo ng Pagkabuhay (Easter Sunday). Kabilang diyan ang pagsasagawa ng Senakulo, Visita Iglesia, pabasa, prusisyon, at salubong.

READ: 6 Famous Antipolo Churches to Go to for Visita Iglesia

May mga sumusunod din sa mga pamahiin na may kinalaman sa Holy Week. Ibinahagi ng ilang miyembro ng Smart Parenting Village Facebook page ang mga pamahiin na kanilang natutunan sa mga lolo at lola.

Aniya ng isa sa kanila, “When our grandparents were still alive, we weren’t allowed to eat meat. We did fasting and prusisyon.”

Maraming sumang-ayon, kaya raw kadalasanan isda at gulay lang ang kinakain nila noon, lalo na kapag Biyernes Santo. Iyon kasi ang general belief na araw ng pagkamatay ni Jesus Christ, sa eksaktong 3 p.m.

Paniniwala na umiwas sa karne

Ang abstinence ay isa sa mga pinakamatandang tradisyon ng mga Kristiyano, “From the first century, the day of the crucifixion has been traditionally observed as a day of abstaining from flesh meat (“black fast”) to honor Christ who  sacrificed his flesh on a Friday.” At ayon sa revised Code of Canon Law noong 1983, ang hindi pagkain ng karne ay isinisagawa tuwing Ash Wednesday, Good Friday, at Fridays of Lent.

Ito ay sa kadahilanan na sinakripisyo ni Hesus ang kanyang sarili para sa atin sa Good Friday, at isinasaalang-alang natin ito. Ang karne ay tumutukoy sa lahat ng karne ng mga mammal at manok, at lahat ng putahe na gumagamit ng karne ng baka, baboy, manok, at turkey. Hindi naman kasama dito ang mga produkto ng mga hayop na ito gaya ng gatas, keso, mantikilya, at itlog. Hindi din kasama dito ang mga isda.

Paniniwala na hindi dapat magsaya o mag-ingay sa Holy Week

Mahigpit ang bilin ng mga nakakatanda na huwag maglaro at magsaya dahil oras iyan ng pagdadalamhati. Diyan daw nag-ugat ang kasabihang “mukhang Biyernes Santo.”

Ayon kay University of the Philippines Los Baños anthropology professor Christian Rosales, ang hindi pagsasaya at hindi pag-iingay ay isang pag-respeto sa panahon ng pagluluksa, at ang Holy Week ay panahon ng pagluluksa para sa kamatayan ni Hesus.

Paniniwala na hindi dapat masugatan sa Good Friday

Dahil din pinaniniwalang patay si Hesus ng Biyernes Santo, pinakaiiwasan ang magkasugat. Baka raw kasi matagalan maghilom ang sugat o hindi na gumaling pa. Komento nga ng isang mommy sa group page, bawal silang mga bata noon na umakyat ng puno o magpunta sa malayo para makaiwas sa disgrasya.

Kuwento ng kapwa niya mommy na base sa kanyang karanasan noong bata siya, tila may katotohan ang pamahiin na iyon dahil nang maaksidente siya ng Maundy Thursday ay natagalan ang paghilom ng kanyang sugat. 

Ayon din kay Professor Rosales, ang paniniwalang ito ay nagpapakita ng inobasyon ng mga Pilipino sa pagkilala ng parehong katutubo at pangdaigdig na paniniwalang spiritual. Ang mga katutubo at lokal na komunidad ay may paniniwalang ang kahit anong sugat ay maaaring pasukin ng masasamang pwersa.

Ang paniniwala ng mga Katoliko ay namatay si Hesus nang Good Friday. Si Jesus ay ang tupa na isinakripisyo para sa mga tao, at sa kinikikilalang araw ng kanyang kamatayan, maaaring maraming masasamang espiritu o pwersa na kumakalat na maaaring makasama sa mga tao. Ayon kay Rosales, “Such harm could enter the body through a wound. So one must be careful not to get wounded/injured until such a time the ‘sacrificial lamb’ could become available.”

Napag-alaman naman ng isa pang mommy na bawal ding magpukpok, tulad ng gagawin sana ng kanyang asawa sa minor home repair. Para raw kasing ibinabaon ng pako si Kristo. Huwag din daw magputol ng kuko dahil baka hindi na raw tumubo muli.

Bawal din daw maligo dahil may patay, at isa iyang pamahiin na pinaniniwalaan kahit hindi Semana Santa.

Mapapanood ang mga Filipino Holy Week traditions dito: