'Perks' Ng Pagiging Single At Walang Anak, Ayon Kay Maxene Magalona

Kinumpirma ni Maxene Magalona na single siya ngayon. Ito ay matapos ang ilang buwang haka-hakang may sigalot sa relasyon nila ng asawang si Rob Mananquil.

Sa kanyang Instagram noong Biyernes, October 14, 2022, nagbahagi si Maxene ng kanyang larawan habang kumakain nang mag-isa sa isang Korean restaurant. Sabi niya sa caption, kahit mag-isa siyang kumakain ay wala itong problema sa kanya.Bahagi raw ito "perks" ng pagiging single at walang anak.

Panimula ni Maxene, “No date? No problem! [nerd face emoji]

“Perks of being single and childless: You have full control of your schedule. You can literally do anything you want on any day at whatever time [woman shrugging emoji]”

BASAHIN: Mom Of Twins Has Best 'Me-Time' Hack For The Busiest Moms Out There

Ayon pa sa aktres, nanonood din siya ng sine mag-isa o kaya nagliliwaliw na walang kasama o bumibiyaheng mag-isa.

Aniya, “I watch movies in the cinemas alone, take myself out on dates and go on long solo drives especially when my vibration is low.

“One time, I even felt the sudden urge to buy crystals for extra protection and I was able to do it easily because I have no one else to think of but myself [praying hands emoji]

“Life is all about perspective. Do you see your glass half empty or half full? I see mine overflowing.”

January 2022 nang mapansin ng ilang netizens na in-unfollow ni Maxene ang asawang si Rob sa Instagram. Simula noon, umingay na ang alingasngas na naghiwalay na ang dalawa. Dalawang beses ikinasal sina Maxene at Rob. Una, sa isang intimate church wedding sa Sanctuario de San Antonio Parish sa Forbes Park, Makati City, noong January 8, 2018.

3 Paraan Para Magkaroon Ng Quality Me-Time Ang Mga Asawa At Mommy

1. Humingi ng tulong sa iyong support group.

Pwede namang humingi ng break time at tulong sa MIL, asawa, o kapatid mo. O kaya, kung meron kang yaya o katulong sa bahay. Minsan, kahit isa o dalawang oras lang sa isang araw ay makakatulong na para makapagpahinga.

BASAHIN: 13 Cleaning And Laundry Services In Manila That Are Life-Savers If You Have No Yaya

2. Pasiyahin mo ang sarili mo, kahit wala si hubby.

Hindi taboo ang pagsalsal ng mga babae. May mga benepisyo pa nga ito sa mental at physical health. Lalo na't pag buntis ka at nag-iiba ang hormones mo araw-araw, mas importanteng makanap ng paraan para mapasaya mo ang sarili mo, kahit wala si hubby.

Sabi ni Ava Daza, kapatid at business partner ni Isabelle Daza, "During these times, women experience a surge of hormones which result to them feeling extra horny -- and when they don't have a partner to help release this feeling, toys are the next best thing!" May mga pleasure toys na ginawa ang magkapatid para mismo sa layuning ito.

3. Okay lang mag-raket at part-time job.

Parang hindi naman me-time ang dumagdag pa ng trabaho, ano? Pero nakaka-empower din na meron kang sarili mong trabaho na gusto at hilig mo na hindi mo anak o pamilya. Maari itong magbigay ng halaga at hamon sa kahusayan mo, at pwede ka pang mag-ipon para sa sarili mong mga gusto o pandagdag sa sahod ng asawa mo.

This story originally appeared on Pep.ph. Minor edits have been made by the SmartParenting.com.ph editors.