White Mens: Buwanang Discharge Lang Ba O Buntis Ka?

Updated as of August 30, 2023

Editor's Note: Ang sumusunod ay for educational at informational purposes lamang. Huwag pong gamitin ito na kapalit ng doktor. Mahalaga na kumunsulta sa doktor para sa medical advice na bagay sa pangangailangan mo.

Bilang babae, nakararanas ka ng buwanang discharge. Kadalasan na senyales ito kapag malapit ka nang datnan ng iyong menstruation. Kapag nagsimula naman na ang discharge, nagsasabi rin ito na panahon na ng iyong ovulation period at kasunod nga nito ang iyong regla.

Sa pagsisimula ng iyong menstrual cycle, kaunti at milky white ang iyong vaginal discharge na parang sa puti ng itlog (basahin dito). Mas dumarami kapag papalapit na ang iyong period. Pero possible ring paunang senyales ng pagbubuntis ang white mens na hatid ng hormonal changes bilang paghahanda ng iyong katawan sa pagbubuntis.

Ano ang white mens?

Ang “white mens” ang kadalasan tawag ng mga babae sa clear na kulay ng vaginal discharge. Tinatawag ito na leukorrhea, ayon sa mga eksperto, at normal lamang ang white discharge. Karaniwang nararanasan ito sa iyong buong menstrual cycle.

Nangangahulugan itong okay ang lahat sa iyong vagina. Mapapansin mo lang ang pagdami ng ganitong discharge kapag malapit na ang iyong ovulation. Pero possible ring senyales ito na ikaw ay buntis (basahin dito).

Magsisimula na kakaunti lamang ito bago ang iyong ovulation o bago lumabas ang egg cell. Sa panahon ng iyong ovulation, mas marami na ito na parang mucus. Senyales naman ito na ikaw ay nag-o-ovulate na at natural na indikasyon ito ng fertility. Kung ibig mong mabuntis, ang ganitong white discharge ay nagpapahiwatig na makabubuti ang pakikipagtalik sa iyong asawa.

Nakatutulong ang white mens sa pagbuo ng mucus plug sa cervix para mapanatiling malusog at maiwasan ang pagkalat ng bacteria sa uterus habang nagbubuntis. Pero kapag itong milky white discharge ay may matinding hindi kaaya-ayang amoy at naging white-gray ang kulay, senyales ito ng posibleng impeksyon. Kapag ang nararanasan mo ay marami o makapal na white discharge at namumuo, maaaaring sanhi ito ng yeast infection.

Bakit may vaginal discharge?

Nakatutulong ang vaginal discharge para mapanatiling moist at lubricated ang vaginal tissue, sabi pa ng mga eksperto. Impluwensiya ito ng reproductive hormones kaya naman nagbabago-bago sa buong menstrual cycle at sa panahon ng pagbubuntis.

Gayundin, ang discharge na lumalabas ay nagsisilbing natural na lubrication para maalis ang bacteria, dumi, at germs na nasa vaginal cavity. Ito ang paraan ng katawan na mapanatili ang pH balance sa vagina.

Hanggang walang kakaiba o mabahong amoy ang iyong discharge at wala kang ibang nararamdamang sintomas na kaakibat nito walang dapat na ikabahala. Pero paano kung ibang kulay ng discharge ang iyong mararanasan?

Pahiwatig ng ibang kulay ng vaginal discharge

Kung naalarma ka sa kulay ng discharge na lumalabas sa iyo at tingin mo hindi ito pangkaraniwan, makabubuti na magpakonsulta sa doktor. May iba-iba kasing ibig sabihin ang bawat vaginal discharge.

Yellow

Ikinonsidera na normal ang ganitong klase ng discharge. Maaaring indikasyon ito ng pagbabago sa iyong diet o kaya naman sa pag-inom mo ng vitamins. Pero maaari ding maging makaalarma kung ito ay sanhi ng sexually-transmitted infection (STI).

Green

Hindi normal ang pagkakaroon ng ganitong kulay ng discharge at posibleng senyales ito ng bacterial infection gaya ng trichomoniasis o chlamydia na karaniwang nagagamot sa pamamagitan ng pag-inom ng antibiotics. Kapag naman napabayaan ang ganitong kondisyon maaaring tumaas ang tsansa mo na magkaroon ng human papillomavirus (HPV).

Pink/Red

Mararanasan mo ito kung inasahan mo ang iyong period dahil ito ay isang indikasyon na simula na ang iyong menstrual cycle. Kung kakapanganak mo naman, tinatawag itong lochia, na lumalabas pagkaraan ng apat na araw pagkapanganak. Sa ibang pagkakataon, ang discharge din na ito ay posibleng senyales ng implantation bleeding na nangyayari sa unang bahagi ng pagbubuntis kapag kumapit na ang na-fertilize ang egg sa lining ng uterus.

Brown

Nararanasan mo ito sa mga huling araw ng iyong menstruation. Minsan tinatawag ito ng mga babae na “pahabol” sa kanilang regla. Pero maaaring indikasyon din ng impeksyon. Para sa iba namang nakararanas nito, resulta ito ng pag-inom nila ng contraceptive pills.

Paano malalaman kung discharge lang o impeksyon na?

Kung base sa mga kulay na nasa itaas ay napapaisip ka kung may impeksyon ka, maaari mong matukoy ito kung may nararamdaman kang pangangati, pangangalay, o pagkirot. Kung ikaw rin ay may mapansing pamumula sa genital area, ito ay senyales ng impeksyon. Hindi dapat ito pangkaraniwan, at maaaring kailangan nang isangguni sa doktor.

Kung may mabahong amoy o iba ang consistency ng iyong discharge, kunwari naging makapal ito o naging mas manipis, maaari itong impeksyon na at kailangang ikonsulta.

Kulay ng ihi: nag-iiba ba pag buntis?

Madaming buntis ang makakaranas ng pagbabago sa kanilang pag-ihi. Magiging mas madalas ito dahil ang katawan ay naglalabas na ng pregnancy hormone na hCG na nagiging sanhi nito. 

Maaari din magbago ang kulay at amoy ng ihi pag buntis. Pag mas madilim ang kulay nito at mas kakaunti, maaaring dehydrated ka o kulang sa tubig. Kailangan ng mga buntis uminom ng mas madaming tubig sa nakasanayan. Ang pagsusuka ay dahilan din kung bakit nagiging mas kaunti ang ihi.

Kung may mapansing dugo sa ihi, kumonsulta agad sa doktor. Ito ay pwedeng implantation bleeding lamang, na hindi naman dapat ikatakot. Pwede ring ito ay dahil sa sex, o sa internal exam gaya ng ultrasound, o di kaya'y pap smear. Magpa-check-up at baka ito ay senyales ng impeksyon sa vagina o cervix, ayon sa The American College of Obstetricians and Gynecologists o ACOG.

Paano mapananatiling malinis ang vagina?

Makakatulong ang ilang hakbang upang makasigurong malinis ang vagina:

• Paliguan at tamang paghuhugas ng bahaging ito.
• Gumamit ng feminine wash.
• I-monitor mabuti ang mga pagbabago na napapansin mo sa iyong katawan.
• Ugaliin ang ligtas na pakikipagtalik.
• Regular na magpakonsulta sa iyong ob-gyn.

Tandaan na normal sa mga babae ang pagkakaroon ng vaginal discharge lalo na kapag nagsimulang magkaroon ng menstruation. Pinoprodyus ito ng katawan para alisin ang bacteria at bilang proteksyon ng cervix mula sa impeksyon.

Karaniwang nagbibigay rin ito ng indikasyon kung mabuti ang kalagayan o walang komplikasyon ang reproductive system ng babae. Kaya importante na bantayan ang mga discharge na nararanasan at kapag may iba pang sintomas nararamdaman para agad na magamot kung anuman ang sakit na kaakibat nito.

Mabuti ito upang agad na malapatan ng lunas at makapagpagamot. Isa sa mga proseso na ginagawa ng mga doktor ang pap smear para malaman kung ang iyong discharge ay may kaakibat na impeksyon. Agad na magpatingin sa doktor, kung ang iyong discharge naman ay may kasamang burning sensation, rashes, matindi o hindi kaaya-aya ang amoy.

Ang ilan pang palatandaan ang may masakit sa bahagi ng vagina, kakaiba ang texture ng iyong discharge, at iba pang mapapansin mong pagbabago o hindi normal. Baka kasi hindi na lang senyales ng buntis ang white mens. (Basahin dito para sa iba pang senyales ng pagbubuntis.)

Frequently asked questions ukol sa vaginal discharge

1. Magbabago ba ang discharge kapag nag-menopause?

Sa panahon ng menopause, nagbabago ang hormonal balance sa katawan ng babae. Karaniwan, ang vaginal discharge ay nagiging mas kaunting in dami at nagiging bahagyang tuyo. Ito'y dulot ng pagbabago sa estrogen levels. Subalit, maari pa rin magkaroon ng vaginal dryness o discharge, ngunit maaring ito'y nangangailangan na ng medical attention.

2. Normal bang magkaroon ng discharge matapos ang pagtatalik?

Ito'y normal na mangyari dahil sa pag-iral ng natural na lubrication sa vaginal area. Ito'y naglalayong mapanatili ang kaginhawahan sa panahon ng pakikipagtalik. Ngunit kung ang discharge ay napansin na may ibang kulay, amoy, o mayroong discomfort, maari itong maging senyales ng impeksyon at maaaring kailangan ng agarang pagkonsulta sa doktor.

3. Maari bang maapektuhan ng iba't-ibang gamot ang vaginal discharge?

Ang ilang gamot, lalo na ang mga antibiotics o antifungal medications, ay maaring maka-apekto sa normal na vaginal flora at magdulot ng pagbabago sa kulay at amoy ng vaginal discharge. Importante na konsultahin ang doktor kung may mga nababagong sintomas matapos uminom ng gamot.

4. Ano ang koneksyon ng pagkain at pag-inom ng tubig sa kalusugan ng vagina?

Ang malusog na pagkain, kasama ang sapat na pag-inom ng tubig, ay may malaking epekto sa kalusugan ng vagina. Ang tamang nutrisyon ay nagbibigay ng sustento sa vaginal tissues at nagpapanatili ng tamang pH balance. Ang hydration ay mahalaga upang maiwasan ang vaginal dryness.

5. Naapektuhan ba ng stress ang vaginal discharge?

Ang stress ay maaring maka-apekto sa hormonal balance ng katawan, kabilang na ang mga hormone na may kinalaman sa vaginal discharge. Maaring magdulot ito ng mga pagbabago sa kulay, dami, o amoy ng vaginal discharge.

6. Naapektuhan ba ng hormonal na birth control ang vaginal discharge?

Ang hormonal birth control, tulad ng pills o IUDs, ay maaring maka-apekto sa hormonal balance sa katawan ng babae. Ito ay maaring magdulot ng pagbabago sa kulay o dami ng vaginal discharge. Mahalaga na konsultahin ang doktor kung may mga bagong sintomas matapos mag-umpisa ng birth control.