Updated as of August 30, 2023
Editor's Note: Ang sumusunod ay for educational at informational purposes lamang. Huwag pong gamitin ito na kapalit ng doktor. Mahalaga na kumunsulta sa doktor para sa medical advice na bagay sa pangangailangan mo.
Bawal magkasakit, ika nga nila, lalo na sa panahon ngayon ng COVID-19 pandemic. Pero bago mag-panic, mainam na subukan muna, halimbawa, ang gamot sa makating lalamunan at dry cough home remedy. May iba-ibang dahilan kasi kung bakit sumasama ang pakiramdam.
Mga posibleng dahilan ng makating lalamunan at dry cough
Karaniwang inuugnay sa makating lalamunan ang sore throat, strep throat, at tonsillitis. Taliwas sa akala ng karamihan, hindi sila iisang kondisyon lamang bagkus tatlong magkakaibang sakit. Kung sore throat, namamaga ang lalamunan. Pero kapag tonsils ang namaga, tonsillitis na ito at, sa patuloy na pamamaga, maaaring tumuloy sa strep throat.
Kadasalang kasunod ng makating lalamunan ang pag-ubo, lalo na kung may plema sa lalamunan at tinatawag na productive cough. Pero puwede ring nonproductive o dry cough dahil wala itong kasamang phlegm o mucus.
Sa ganyang karamdaman, ang una mong iisipin ay magkakasipon ka. Ang sipon o common cold ay isang uri ng infection na dulot ng napakaraming uri ng virus. Ang pinaka-common sa mga ito ay ang rhinovirus. Naaapektuhan ng sipon ang upper respiratory tract, na binubuo ng ilong at lalamunan.
Iisipin mo rin na baka tuluyan kang magkatrangkaso o flu. Tinatawag rin itong influenza, na isang respiratory illness na sanhi ng flu virus. Lubhang nakakahawa ang sakit na ito at mabilis kumalat. Pero kapag naagapan, madali itong nagagamot ng anti-flu medicine.
Bukod sa viral o bacterial infection, ayon sa mga eksperto ng University of Michigan Health (UMH) puwede ring kumati ang lalamunan at magkaroon ng dry cough dahil sa mga sumusunod:
- Cigarette smoke
- Environmental irritants
- Allergies
- Postnasal drip
- Asthma
- Acid reflux
- Bronchitis
Ano ang pagkakaiba at kailan dapat magpakonsulta
Makating lalamunan
Ang simpleng makating lalamunan ay maaaring nawawala sa loob ng ilang araw. Makipag-ugnayan sa doktor, lalo na kung ang sintomas ay lalong lumala o nagdudulot ng pag-aalala.
Strep throat
Kung may mga kritikal na palatandaan ng strep throat, tulad ng mataas na lagnat, pamamaga ng glands sa leeg, at hirap sa paghinga, magpatingin na sa eksperto. Ito ay upang mabigyan ng antibiotic treatment at maiwasan ang komplikasyon.
Tonsillitis
Ang mga pangunahing sintomas ay ang pagkakaroon ng white spots sa tonsils at hirap sa paglunok.
Gamot sa makating lalamunan at dry cough home remedy
Sa simula pa lang ng sintomas, bigyan ito ng atensyon at huwag balewalain nang hindi na lumala. May ilang paraan bilang gamot sa makating lalamunan bago pa humantong sa dry cough.
Magmumog ng tubig na may asin
Maglagay lang ng 1/4 hanggang 1/2 teaspoon ng asin (sea salt o di kaya table salt), sa isang baso na may 8 ounces na maligamgam na tubig. Ito ang ipangmumog nang ilang beses hanggang maubos ang isang basong tubig. Tinatawag din itong salt water gargle.
Ang tubig na may asin ay may kakayahang tanggalin ang excess fluid sa inflamed tissues sa lalamunan at bawasan ang pagkirot dito, paliwanag ng mga eksperto. Pinaluluwag din daw ng pagmumumog ang plema upang matanggal ang irritants, gaya ng allergens, bacteria, at fungi, na nasa lalamunan. Sila kasi ang pangunahing dahilan ng pagkakaroon ng sipon at sore throat.
Subukan: Kirkland Signature Pure Sea Salt (850g), Php 279.00, S&R on Lazada
Uminom ng honey
Ang isang kutsarita ng honey ay katumbas ng maraming sustansya at gamot. Sabi ng mga eksperto, maaaring nagmumula ang medicinal effect na benepisyo ng honey sa taglay nitong antibacterial, anti-inflammatory, apoptotic, at antioxidant properties.
Subukan: 100% Pure Organic Honey (125 ml), Php 120.00, Lazada
Ngumata ng luya
Kabilang sa mga hatid na benepisyo ng luya sa katawan ang maraming anti-inflammatory antioxidants, tulad ng gingerols, shogaols, at zingerones. Ang gingerol, halimbawa, ay nakakatanggal ng kirot (analgesic), nakakapangkalma (sedative), at nakakapanglaban sa bacteria (antibacterial). Dahil sa gingerol, nakakatulong ang luya sa paggamot ng ubo, sipon, trangkaso, at makating lalamunan.
Uminom ng salabat
Kung hindi gamay ang lasa ng hilaw na luya, subukang hiwain ito sa maliit na piraso at saka ilagay sa kumulong tubig para maging salabat. Lagyan mo lang ng katas ng kalamansi o di kaya lemon para sa dagdag na vitamin C. Puwede mo rin itong haluan ng honey para may konting tamis at dagdag pa ring sustansya.
Subukan: Sanlo Salabat Premium Instant Ginger Tea with Honey, Php 422.00 for 2 boxes of 10 sachets each, Lazada
Uminom ng tsaa
Bukod sa salabat, mainam din ang iba pang tsaa para lumuwag ang pakiramdam sa may lalamunan. Kabilang diyan ang herbal tea na peppermint, chamomile, at kahit simpleng black tea.
Subukan: Jaf Tea Pure Infusions Cool Peppermint, Php 129.00 for 20 teabags, S&R on Lazada
Uminom ng apple cider vinegar
Sapat na ang isang kutsarita ng apple cider vinegar (ACV), pero kung hindi mo magustuhan ang lasa, puwede mo itong ihalo sa maligamgam na tubig bago inumin.
Produkto ang ACV ng mga mansanas na dinurog at dumaan sa proseso ng distillation at fermentation. Ang mataas na antas na taglay nitong acetic acid at ilan pang compounds ang nagbibigay ng benepisyo sa katawan, gaya ng improved health, detoxification, at weight loss.
Subukan: Bragg Organic Raw-Unfiltered Apple Cider Vinegar, Php 440.00 for 946ml, S&R on Lazada
Humigop ng mainit na sabaw
Makakatulong din ang mainit na sabaw para guminhawa ang pakiramdam ng lalamunan, pati na ang buong katawan. Kilala ang chicken soup na mabisang panlaban sa sakit, pero subok rin ang masabaw na lutong Pinoy tulad ng tinola at sinigang.
Gumamit ng air purifier o humidifier sa kuwarto
Maaaring makakatulong ang air purifier o di kaya humidifier para hindi matuyo ang lalamunan. Baka kasi dry air ang dahilan ng pangangati ng lalamunan mo at pag-ubo na rin.
Subukan: Coway AP-1512HH Mighty air purifier, Php 24,990.00, Shopee; Xiaomi Mijia Humidifier (4L), Php 3,990.00, Lazada
Over-the-counter medicines
Posibleng malaking tulong din ang hatid ng lozenges para maibsan ang pangangati ng lalamunan at ang cough drops para sa pag-ubo.
Subukan: DermAid C-Relief Ginger and Lemon Lozenges, Php99.00 for 8 pcs., Watsons
Magpahinga nang husto
Habang nagpapahinga, iwasan din ang pagsigaw at pagsasalita nang mapahinga rin ang lalamunan.
Tandaan lang na kung hindi umubra ang gamot sa makating lalamunan at dry cough home remedy, mas makakabuti kung komunsulta ka na sa doktor. Baka kasi hindi na lang simpleng karamdaman iyan at kinakailangan na pala ng mas masusing gamutan.
Frequently asked questions ukol sa makating lalamunan at dry cough
1. Maaari bang gamitin ang mga lunas na ito para sa mga bata at matatanda?
Maaaring may kaakibat ng mga panganib ang paggamit ng mga lunas para sa matatanda para sa mga bata at sanggol. Ang isang lunas na epektibo ay ang paggamit ng honey ngunit para lamang sa mga batang may gulang na isa't kalahating taon (1.5) pataas.
Sa matatanda naman, isangguni muna sa doktor lalo na at may iba't ibang kondisyon ng kalusugan. Iwasan ang mga sangkap na maaaring magdulot ng panganib sa kanilang kalusugan.
2. Ano ang mga pagbabago sa pamumuhay na maaaring gawin para maiwasan ang paulit-ulit na sakit sa lalamunan?
Tamang nutrisyon na makapagpapalakas ng immune system ang makakatulong sa pag-iwas sa mga problema sa lalamunan. Ang regular na ehersisyo at sapat na pahinga rin ay makakatulong para mapanatili ang kalusugan ng lalamunan.
3. Ano ang mga pagkain o inumin na dapat iwasan kapag may pagkakairita ng lalamunan?
Ang mga maaanghang at maasim na pagkain at inumin ay maaaring magdagdag sa pagkakairita ng lalamunan. Iwasan rin ang mga pagkaing maaring magdulot ng pamamaga o kahirapan sa paglunok.
Basahin dito ang gamot para sa sore throat.
Additional note: Products recommended on our websites are independently selected by editors. If you buy something through our links, Summit may earn an affiliate commission at no extra cost to you. Product links are updated regularly and as much as possible, but note that products can run out of stock, discounts can expire, and listed prices can change without prior notice.